Sonsverduistering Flashcards
'n Ontleding van die gedig "Sonsverduistering" deur PJ Philander
Van watter tegniek maak die spreker in die eerste kwatryn gebruik om die stadige, ononderbroke beweging van die maan te beklemtoon?
Die lang klake, soos in “Langsamerhand geruisteloo skuif…”
Ook die enambemente: al die reels moet sonder onderbreking gelees word
Trouens, die hele oktaaf bestaan uit een sin.
Hoe kry die digter dit reg om in die eerste kwatryn die son en skadu direk in kontras met mekaar te plaas?
Die eerste sinsdeel eindig met die woord “son” (uitsteltegniek)
Die klem val op die “vlek” (in die rymposisie) en op die woorde “dreigend swart”.
Wat is die funksie van die kommas in versreel 5?
Die woord “swygsaam” word ingesluit deur kommas. Die effense pouse veroorsaak deur die kommas beklemtoon of hef die woord uit.
Waarom sou die donkies die kortste pad huis toe kies?
Die donkies is haastig en vrees die donker.
Wat is die funksie van die punt aan die einde van versreel 8?
Met die punt word die lang sin in die oktaaf beeindig. Dit sluit die natuurbeskrywing af.
Watter woord in die eerste tersine simboliseer sonde?
“skaduwee”
Die hele gedig is aanmekaar geskryf, maar tog word daar van die strofes gepraat. Wat onderskei die strofes van mekaar en hoe is al die strofes saamgestel?
Die rymskema skei die strofes:
Eerste kwatryn: abab
Tweede kwatryn: cbbc
Eerste tersine: efg
Tweede tersine: efg
Verduidelik in hoe ‘n mate die inhoud van die eerste kwatryn aansluit by die inhoud van die eerste tersine en die tweede kwatryn se inhoud aansluit by die inhoud van die tweede tersine.
Eerste kwatryn: Donkerte of skemerte as gevolg van die sonsverduistering.
Eerste tersine: Figuurlike donkerte oor die aarde as gevolg van die sonde.
Tweede kwatryn: Die skape en donkies haas hul na veiligheid.
Tweede tersiene: Ons as mense besef nie ons moet betyds “Huiswaarts”, dit wil se God, terugkeer nie.
Watter kontraste kry ons in hierdie gedig?
Son teenoor duister
donker teenoor lig
diere teenoor mense
instink teenoor rede
Waarom kan ons se dat versreel 9 wending in die gedig meebring?
Dit is die wending of volta, tipies van ‘n Italiaanse sonnet. Van hierdie reel af begin die toepassing van die natuurbeskrywing in die oktaaf.
Watter woord in die laaste tersine betrek die leser by die toepassing dat hy homself ook daarin raaksien?
“ons”
Noem twee verskille tussen die donkies en die skape.
Donkies: Hulle maak nie ‘n geluid nie; hulle gaan vinnig stal toe
Skape: Hulle bler, hulle gaan na die kraal
Verduidelik wat “‘n streep donkies” impliseer
Hulle loop in ‘n ry agter mekaar.
Kan hierdie gedig as universeel beskou word? Verduidelik.
Die gedig se tema kan gesien word as universeel vir Christene wat glo dat ‘n mens jou betyds moet bekeer voor die oordeelsdag.
Gee ‘n samevatting van die beskrywing in die oktaaf.
Die verduistering van die son is besig om geleidelik plaas te vind en die skielike donkerte lei daartoe dat die skape en die donkies instinktief na die veiligheid van die kraal en die stal terugkeer.
