Mis - Bl.46-middel bl.48 laaste spreekbeurt van konstabel

Question 1

Hoe het dit gekom dat die konstabel van sy tant Hannie begin praat het? (2)

Answer 1

Gertie het hom gevra of sy hom aan sy ma of aan tant Hannie herinner

Question 2

Ondersoek die opsig waarin die konstabel in sy vertelling oor tant Hannie die rol van magiese bevryder speel. (4)

Answer 2

• In sy uiters sensuele vertelling oor sy tant Hannie lei hy Gertie deur ‘n soort bevrydingsritueel
• Sy glo dat sy soos tant Hannie lyk en leef haar in so ‘n mate in die rol in dat sy selfs van haar bloes ontslae raak
• Sy neem gewillig deel aan die konstabel se fantasiespel en beleef vir die duur van die oomblik die innerlike en seksuele bevryding waarna sy as oujongnooi smag

Question 3

Bespreek kortliks watter funksie Miem se huis aan die begin van die toneelstuk vir Gertie verrig. (2)

Answer 3

Gertie vlug daarheen omdat dit vir haar ‘n toevlug is teen die dreigende onheil in die dorp.

Question 4

Verduidelik die paradoksale rol wat hierdie ruimte tydens die vertelling oor tant Hannie vir Gertie speel. (skynbare teenstelling) (3)

Answer 4

• Die armoedige, belemmerde ruimte word vir Gertie ‘n plek van bevryding.
• Vir ‘n kort rukkie transformeer sy in ‘n begeerlike tant Hannie

Question 5

Evalueer en bespreek of die transformasie wat tydens die konstabel se vertelling in Gertie plaasvind, blywend is. (3)

Answer 5

Nee, wanneer sy Miem se voetstappe in die gang hoor, vlug sy vervaard. Wanneer sy terugkeer, is sy weer haar ou self.

Question 6

Bespreek watter rol die konstabel in hierdie uittreksel t.o.v. Miem speel. (3)

Answer 6

• Hy word vir haar ‘n biegvader teenoor wie sy erken dat sy, ten spyte van haar uiterlike krag, onderdrukte verlangens na ‘n man ervaar
• Hy is ook ‘n manlike held wat nie net hulle veiligheid waarborg nie, maar ook haar fantasie oor ‘n huwelik vir Meisie kan bewaarheid

Question 7

Identifiseer en bespreek die inligting omtrent Gabriël wat hier bekend word. (3)

Answer 7

• Hy het sewe jaar tevore, tydens die Groot Depressie, sy grond verloor
• Hy het net genoeg geld gehad om hulle huidige lappie grond te koop
• Die finansiële terugslag was vir hom te veel en hy het hom teruggetrek in die solder, waar hy sedertdien is.

Question 8

Watter fantasie koester Miem in verband met Gabriël? Bespreek. (3)

Answer 8

Sy glo hy sal van die solder afkom die dag dat Meisie trou.

Question 9

Ontleed die funksie van die sirkusmusiek. (3)

Answer 9

• Dit beklemtoon die kontras tussen die eksotiese sirkus, wat ‘n simbool van bevryding is, en die armoedige, beklemmende huisie en bestaan van Miem en Meisie
• Dit herinner ook aan die tydelike bevryding wat Gertie tydens die vertelling oor tant Hannie ervaar het
• Die sirkusmusiek dien deurgaans as herhalende ruimtelike motief