Gedig: Finis Flashcards
Wat beteken “Finis”
Latyn:
“Einde”. Dit dui daarop dat dit waaroor die gedig handel, beëindig is; dit is reeds verby.
Waaroor handel hierdie gedig?
Die gedig handel oor ‘n verhouding wat verbreek is.
Intertekstualiteit
Intertekstualiteit verwys na ‘n ander teks wat in die gedig of roman betrek word.
Wat is die rol van die interteks in ‘n gedig?
Die rol van die interteks is om die interpretasie van die gedig te vergemaklik. Jy moet bewus wees van die interteks om die gedig te kan verstaan.
Watter interteks word in die gedig betrek?
Die volksliedjie, “Apie se bruilof”.
Hoe word die interteks uitgehef en beklemtoon?
Die volksliedjie “Apie se bruilof” word in ‘n afsonderlike strofe geplaas, dit word ingekeep en is in skuinsdruk.
Wat impliseer die bywoord van tyd “Nou”?
“Nou” impliseer dat die gedig sal gaan oor hoe die omstandighede op hierdie oomblik of oor hoe die spreker nou voel.
Wat bedoel die uitspraak: “Nou maak ek self nie meer so baie saak nie”?
Sy bedoel dat sy nie meer vir haar geliefde saakmaak nie; hy steur hom nie meer aan haar nie.
Haal die voegwoord aan wat aandui dat die rede waarom sy self nie meer so baie saakmaak nie, gaan volg.
“want”
Wat word metafories met reël 2 bedoel?
in die oorspronklike volksliedjie is dit die begin van ‘n heerlik lawwe en byna absurde liedjie waarin die spot gedryf word met diere en hul kamma eienaardige gebruike.
In hierdie gedig, oor die verbreking van ‘n verhouding, het baie van die woorde waarskynlik ‘n dieper betekenis.
die verwysing na “bobbejaan” is waarskynlik ‘n bedekte bespotting van die persoon se gebrek aan intelligensie.
Die “briefie in sy bek” kan beteken dat die persoon gesels of verduidelik het - of sy bek verbygepraat het.
Hoekom word strofe 2 uit die volksliedjie aangehaal?
die volksliedjie gee die inhoud van die briefie wat bobbejaan vir haar gebring het. Deur die gebruik van die vrolike volksliedjie of volksrympie wil sy die verbreking van hul verhouding minder pynlik maak.
Hoekom word daar na “Apies se bruilof” verwys?
In die oorspronklike liedjie word die spreker uitgenooi na “die Apie se bruilof”. Daar moet dus ‘n rede wees waarom die meervoud hier gebruik word.
Waarskynlik is die uitnodiging na die bruilof of huwelik van die spreker se geliefde met iemand anders. Steeds is daar die spot: die twee is in haar oë “Apies”.
Watter woorde in strofe 3 skakel met die aanhaling in strofe 2?
“die liedjies van my kindertyd”
Wat kan jy uit reël 7 aflei van hul verhouding?
Ons lei af dat sy so gelukkig soos ‘n kind was, of sy het hom vertel van haar kinderjare, of dat hulle albei lief was vir musiek.
Na watter gesegde word daar in reël 8 verwys?
Jakkals trou met Wolf se vrou.
