Kwart voor sewe lelie bl. 103 - 220 Flashcards
Dit blyk ook uit Joe en die tweede taxibestuurder se reaksie dat Suid-Afrikaners nie baie gewild oorsee is nie. Hoekom, dink jy? (1)
Die roman speel af in die apartheidsjare, en gedurende daardie tyd was wit Suid-Afrikaners baie ongewild oorsee a.g.v. die destydse regering se beleid.
Iris se woorde aan Billy op bl. 104 is die sleutel tot die tema van die roman. Haal dit aan en formuleer dan die tema van ‘Die kwart-voor-sewe-lelie’. (3)
‘Ek glo al sedert my skooldae dat ek, soos my botaniese naamgenoot, die een of ander tyd moet blom en dat ek dus te alle tye gereed moet wees en nooit ‘n nuwe aanbod van die hand mag wys of ‘n potensiaal opwindende situasie onbenut mag laat nie.’
Die mens se hunkering na die groot oomblik in sy lewe, maar hy moet versigtig wees dat die nóú en híér nie verbygaan nie.
Die hotelpersoneel was allesbehalwe hulpvaardig. Verduidelik (2)
- Toe sy vir koffie vra, het die ontvangsklerk snedig gesê dat dit nie die Hilton is nie.
- Hy het nagelaat om haar in te lig dat daar koffie in haar kamer is
‘Kan tog nie wees nie,’ het hy gesê. ‘Die stad is logies uitgelê, die strate is genommer. As jy kan tel, sal jy regkom.’ (p.108) Watter stylfiguur kom hier voor? (1)
Sarkasme
Hoekom het Iris se verbeeldingsvlugte weer oorgeneem in New York nadat sy lanklaas gefantaseer het? (1)
Sy was alleen en skrikkerig op ‘n vreemde plek
Wat in die vrou in die koffiewinkel/deli se storie spreek tot Iris? Hoekom? (1)
Sy wou weet of die vrou lief was vir die man met wie sy moes trou. Die skepper van romantiese maaksels in haar het dit gevra.
Hoekom het Iris getwyfel of sy vir Peter wou sien toe hy haar in haar hotelkamer in New York bel? (1)
Sy het so lanklaas kontak gehad met hom (behalwe die poskaarte) en het nie geweet of sy nog lief is vir hom en hy vir haar nie.
Watter beloftes maak Joe alles aan Iris? (1)
Sy kan ‘n fortuin maak en die gesig van die jaar word.
Hoe uitoorlê die vuurhoutjiedosieversamelaar vir Iris? (2)
Hy bied aan om haar rekening te betaal en as sy aanbied om syne te betaal (omdat hy werkloos is), aanvaar hy dit en sy moet opdok vir sy toebroodjie en vele koppies koffie.
Bespreek die lui van die telefoon as ‘n ‘deux ex machina’ tussen Peter en Iris. (4)
- ‘n Deux ex machina is ‘n maklike, toevallige, ongemotiveerde oplossing vir ‘n moeilike situasie
- Tussen Peter en Iris is daar ‘n sterk fisieke aantrekkingskrag, maar hulle ken mekaar nie goed nie en daar is geen emosionele band nie
- Net voor Iris weer voor die fisieke versoeking swig, lui die telefoon en is die probleem tydelik opgelos
Wat sou Iris eendag met al die irisse in haar tuin doen as sy met Peter sou trou? Hoekom? (1)
Sy sal dit uitspit, want hy en die kinders sal haar net daaroor terg.
Wat bring ‘n einde aan die ordelikheid van Elsa se lewe? (1)
Toe sy ‘n drieling kry
Hoe raak Iris weer eens die buitestander toe Kara kom kuier met Michel? (1)
Sy is nie deel van Kara en Elsa se gesprekke oor babas nie.
‘Hannes en sy beheptheid met sproete was maar die aanloop tot veel groter konfklik’. Hoe word hierdie vroeëre uitspraak (p.16) nou bewaarheid? (1)
Hy het ‘n buite-egtelike verhouding
Hoekom verwyt Iris die Engel vir Elsa se ongelukkigheid? (1)
Hy moes ‘n ogie oor Hannes hou sodat hy nie sy vrou kan verkul nie.
