Taylor Swift

Question 1

Gee ‘n moontlike rede waarom die digter die gedig aan sy dogter Liebet opgedra het.

Answer 1

Liebet het aanmekaar na Taylor Swift en spesifiek haar liedjie “The best day” geluister omdat sy aanklank daarmee gevind het: nes Taylor in die liedjie, het Liebet ‘n baie hegte band met haar gesin gehad, maar was ongelukkig by die skool en het troos by haar gesin gevind.

Question 2

“jy herhaal haar woorde van melancholie”

Na wie dink jy verwys “jy” in die aanhaling (volgens wat ons in die agtergrondinligting gelees het)?

Na wie verwys “haar”?

Na watter “woorde” word hier verwys?

Answer 2

Liebet

Taylor Swift

Dis die lirieke van Swift se liedjie “Best Day”

Question 3

Met watter emosie assosieer jy “melancholie”? Kies jou antwoord uit die volgende:

A opgewondenheid
B swaarmoedigheid
C teleurstelling
D vrolikheid

Answer 3

B swaarmoedigheid

Question 4

Vul net ‘n paslike woord in: As ‘n mens iets “vir die hoeveelste keer” doen, doen jy dit____.

Answer 4

Herhaaldelik / aanmekaar / onophoudelik

Question 5

Hoekom, dink jy, word die woord “weer” as ‘n alleenstaande reël gebruik?

Answer 5

Dit plaas die fokus op / beklemtoon hoe dikwels / herhaaldelik / oor-en-oor sy na
die liedjie luister.

Question 6

Watter enkele woord verwys na die tyd wanneer die meisie se skooldag verby is?

Answer 6

nou

Question 7

Hoekom is pouse nie ‘n tyd waarna die meisie by die skool uitsien nie?

Answer 7

Pouses is sy alleen / sy het nie vriende by wie sy pouse kan sit nie.

Question 8

Watter tegniek gebruik die digter om die meisie se eensaamheid by die skool aan te dui?

Answer 8

Alleenplasing. (Die woord “alleen” word alleen geplaas in ‘n reël om te wys hoe
alleen sy voel.)

Question 9

Haal die woord aan wat beteken dat die lirieke die hele dag deur die meisie se gedagtes maal.

Answer 9

draal

Question 10

Watter aanduiding kry ons dat die melesie baie moeg is wanneer sy smiddae tuiskom?

Answer 10

Sy val op haar bed neer / gaan lê op haar bed

Question 11

Gee ‘n sinvolle verduideliking waarom die meisie se skooluniform as “taai van skool” gebruik word.

Answer 11

Dit is asof die skooldag nog aan haar klou / aan haar vassit. Sy kan dit nie sommer afskud nie. Die skooldag was ook moeilik vir haar.

Question 12

Vanaf reël 16 tot reël 19 is daar tekens van regressię in die meisie se gemoedstoestand. Verduidelik hierdie stelling kortliks.

Answer 12

Sy begin eers saggies snik, maar huil dan al hoe harder en harder totdat sy onkeerbaar grens.

Question 13

Wat sien die meisie wanneer sy in die spioen kyk?

Answer 13

Sy sien haar pa se oë.

Question 14

Gee ‘n sinvolle verklaring vir die slotreël van die gedig.

Answer 14

As tiener is sy in n seisoen van verandering en kan dit nie gekeer word nie dat iets van haar kinderjare verlore sal gaan soos haar verhouding met haar pa verander en sy meer onafhanklik en selfstandig word.

Question 15

Hierdie gedig is vrylik geskryf. Watter eienskappe van vrye vers kry ons in die gedig? Noem enige twee.

Answer 15

Daar is geen vaste rymskema / rympatroon nie.

Die reëls wissel in lengte / is nie almal ewe lank nie.

Question 16

Waar (by watter woord) kom daar ‘n wending in die gedig?

Hoekom kan dit as ‘n wending van keerpunt beskou word?

Answer 16

Want (reël 20)

Die meise verstaan / besef vir die eerste keer dat dinge verander en dat dit onafwendbaar (unavoidable) is.

Question 17

Jy het die gedig en die lirieke van Taylor Swift se liedjie bestudeer.

Dui nou enige vier raakpunte / ooreenkomste aan tussen Taylor Swift se omstandighede (volgens die liedjie) en dié van die meisie in die gedig.

Answer 17

Beide Taylor Swift en die meisie...
● is alleen en ongelukkig by die skool
● huil as hulle by die huis kom
● het ‘n hegte band met hulle gesinne
● voel beter omdat hulle ouers hulle ondersteun

Question 18

Jy het die gedig en die lirieke van Taylor Swift se liedjie bestudeer.

Waarin lê die groot verskil tussen die twee meisies se omstandighede egter?

Answer 18

Tayor is geboelie by die skool en die meisie sit pouses alleen.

Taylor se ma het haar help beter voel. Die meisie se pa help haar beter voel.