Tweede Bedryf Toneel 3 Flashcards
Watter vergelyking tref Fiela as sy die magistraat se plek sien?
Dit lyk vaal en stroef, soos die wet.
Wie is die twee “vredestoorders” teenoor wie Fiela ’n klag wil lê?
Die lange en die dikke.
Wat bedoel Fiela as sy vir haarself sê om soos ’n slang te seil?
Sy bedoel dat sy nederig moet wees en nie moeilikheid moet maak nie.
Watter inligting omtrent die magistraat is vir Fiela goeie nuus?
Hy kan Hollands praat.
Onder watter wanindruk verkeer Fiela as sy met die skoonmaker praat?
Sy dink dat sy suksesvol sal wees oor die klag wat sy lê en sy dink dat sy Benjamin sal terugkry.
Verduidelik die volgende aanhaling in jou eie woorde: “…ek is bang vir wat voorlê, maar sonder moed en geloof is ek nie.”
Fiela is bang om die magistraat te sien, maar sy glo dat sy Benjamin gaan terugkry.
As Fiela aan die konstabel verduidelik wie sy is, vra hy haar om ’n oomblik te wag. Wat, dink jy, gaan doen hy?
Hy gaan vertel vir die magistraat dat sy by die deur is.
Die skoonmaker sê: “Dit lyk my hy gaan vandag verkeerdekant draai.” Wat bedoel hy heelwaarskynlik met hierdie woorde?
Hy ken die storie van Benjamin en weet heelwaarskynlik dat hy aan Barta en Elias gegee is.
Hoe motiveer die konstabel dat die van Rooyens geweet het Benjamin is Lukas?
Die bosvrou het hom onmiddellik uitgeken.
Gebruik jou eie woorde om Fiela se gevoel te beskryf.
Sy was verslae en kon nie glo wat sy hoor nie.
