Huiskat Flashcards
Waarom kan hierdie gedig nie dadelik as ‘n sonnet geklassifieer word nie?
Daar is drie strofes in die gedig. Eers later sien ons dis twee kwatryne en een sestet.
Hoe sou die lidwoord “n” die titel van die gedig verander het?
Die leser sou gedink het dat die gedig oor ‘n soort kat gaan – ‘n voorbeeld van ‘n kat wat deel is van ‘n huishouding.
Watter twee afsonderlike woorde dui aan dat daar wel mense in die huis is?
“Ons” in r.5 en “Ek” in r.13.
Wat is polisindeton en waarom word dit in r.4 gebruik
Polisindeton is die herhaling van ‘n voegwoord – in hierdie geval “en” om elke afsonderlike deel van die kat se liggaam wat die son “opsuig”, te beklemtoon.
Waarom is die reptiel-metafoor dwarsdeur die gedig effektief?
Die afsydigheid en koudheid van die kat herinner aan ‘n slang se aard.
Waarom het die kat nie ‘n naam nie?
Die kat het nie ‘n siel nie; sy is anoniem – naamloos.
Hoe lyk agaat?
Dis ‘n groenerige, harde halfedelsteen met gekleurde lagies.
Soek in elke kwatryn en die sestet voorbeelde van alliterasie.
Kwatryn 1: bene, buig, behaaglik (r.1 en 2) Kwatryn 2: smal skerwe staar Sestet:hol hand behoedsaam / smalend sluit stuit
Bespreek die eufemisme “reggemaak en waarom is die aanhhalingsteken effektief?
‘n Eufemisme versag die werklikheid. Die woord “reggemaak” dui aan dat die kat nou onvrugbaar is, die kat is eintlik nie reggemaak nie
Hoe verskil katte van honde wat in huise bly?
Daar is baie verskille, maar honde sal nie naamloos bly nie en hulle soek liefde by die mens terwyl katte afsydig is. Algemene bespreking in die klas word aangemoedig.
