Voegwoorde Flashcards
Wat doen ‘n voegwoord?
‘n Voegwoord heg twee sinne aanmekaar.
Gee ‘n paar voorbeelde van voegwoorde.
en maar want omdat terwyl voordat
Verander die woordorde van twee sinne wat deur “en”, “maar” of “want” aanmekaar gelas word?
Nee
Hoe verander die woordvolgorde van die tweede sin, wanneer “omdat”, “voordat”, “dat” of “terwyl” gebruik word?
Die werkwoord skuif na die einde van die tweede sin.
Verbind die twee sinne met die voegwoord “want”:
Sy is ongelukkig.
Haar kat is weg.
Sy is ongelukkig, want haar kat is weg.
Verbind die twee sinne met die voegwoord “omdat”:
Sy is ongelukkig.
Haar kat is weg.
Sy is ongelukkig omdat haar kat weg is.
Hoe verander die woordorde wanneer die voegwoorde “dus”, “dan” of “daarom” gebruik word?
Die werkwoord kom direk na die “dus”, “dan” of “daarom”.
Verbind die twee sinne met die voegwoord “dus”:
Varkbeer sing nie mooi nie.
Hy gaan huis toe.
Varkbeer sing nie mooi nie, dus gaan hy huis toe.
Verbind die twee sinne met die voegwoord “daarom”:
Bokram pas by Mooi Nooi.
Sy gaan met hom trou.
Bokram pas by Mooi Nooi, daarom gaan sy met hom trou.
Voor watter voegwoorde word ‘n komma gebruik?
want
maar
Verbind die twee sinne met die voegwoord “omdat”:
Die bokkies is maer en honger.
Daar is min kos.
Die bokkies is maer en honger omdat daar min kos is.
Verbind die twee sinne met die voegwoord “daarom”:
Die reus wil die bokkies opeet.
Hulle is bang.
Die reus wil die bokkies opeet, daarom is hulle bang.
Verbind die twee sinne met die voegwoord “dus”:
Kleinste Bokkie is klein en maer.
Die reus laat hom oor die brug stap.
Kleinste Bokkie is klein en maer, dus laat die reus hom oor die brug stap.
Verbind die twee sinne met die voegwoord “want”:
Vincent se huis is slordig.
Hy pak niks weg nie.
Vincent se huis is slordig, want hy pak niks weg nie.
Verbind die twee sinne met die voegwoord “omdat”:
Vincent mors water.
Hy gebruik ‘n tuinslang om die kar te was.
Vincent mors water omdat hy ‘n tuinslang gebruik om die kar te was.
Verbind die twee sinne met die voegwoord “want”:
Tel al die papiere op.
Die skoolterrein moet netjies wees.
Tel al die papiere op, want die skoolterrein moet netjies wees.
Verbind die twee sinne met die voegwoord “omdat”:
Tel al die papiere op.
Die skoolterrein moet netjies wees.
Tel al die papiere op, omdat die skoolterrein netjies moet wees.
Die maats is gelukkig (omdat/want) hulle alles saam doen, (daarom/omdat) is hulle beste maats.
omdat
daarom
Verbind die twee sinne met die voegwoord “sodat”:
Wees versigtig in die bos.
Die monster vang jou nie.
Wees versigtig in die bos, sodat die monster jou nie vang nie.
Waar staan die werkwoord van die tweede sin, wanneer die voegwoorde “daarom”, “dus” of “dan” gebruik word?
Die werkwoord van die tweede sin staan direk na die voegwoord.
Die woordvolgorde van die tweede sin verander glad nie, wanneer hierdie voegwoorde gebruik word nie:
en
maar
want
Die werkwoord van die tweede sin spring vorentoe en staan direk na die voegwoord, wanneer hierdie voegwoorde gebruik word:
daarom
dus
dan
Die werkwoord van die tweede sin spring na die einde van die sin, wanneer hierdie voegwoorde gebruik word:
voordat
omdat
dat
terwyl
Verbind die twee sinne op 3 maniere:
- gebruik “en”
- gebruik “dus”
- gebruik “omdat”
Hy lees koerant.
Sy lê in die son.
Hy lees koerant en sy lê in die son.
Hy lees koerant, dus lê sy in die son.
Hy lees koerant omdat sy in die son lê.
