Tyd Flashcards
Noem die 3 tye wat in die Afrikaanse taal voorkom.
verlede tyd
teenwoordige tyd
toekomende / toekomstige tyd
Hoe verander jy ‘n sin van teenwoordige tyd na verlede tyd?
waar die werkwoord (verb) was, sit jy “het”;
die werkwoord kry ‘n “ge” vooraan en skuif na die einde van die sin
Hoe verander jy ‘n sin van teenwoordige tyd na toekomende tyd?
waar die werkwoord (verb) was, sit jy “sal”;
die werkwoord skuif na die einde van die sin
Verander die sin na toekomstige tyd:
Vandag waai die wind. Môre…
Môre sal die wind waai.
Verander die sin na verlede tyd:
Vandag skyn die son. Gister…
Gister het die son geskyn.
Verander die sin na verlede tyd:
Môre sal ek ‘n boom plant. Gister…
Gister het ek ‘n boom geplant.
Verander die sin na toekomstige tyd:
Dit het gister gereën. Môre…
Môre sal dit reën.
Verander die sin na verlede tyd:
Die diere is baie bang vir Leeu.
Die diere was baie bang vir Leeu.
Verander die sin na teenwoordige tyd:
Hulle het met ‘n radiostasie by die skool begin.
Hulle begin met ‘n radiostasie by die skool.
Verander die sin na teenwoordige tyd:
Hulle het pouses baie liedjies gespeel.
Hulle speel pouses baie liedjies.
Verander die sin na teenwoordige tyd:
Die radiostasie was ‘n groot sukses.
Die radiostasie is ‘n groot sukses.
“ge” word nie gebruik om die werkwoord na die verlede tyd te verander, as dit begin met … nie.
be- (bv. bewaar) ge- (bv. gewaar) her- (bv. herontdek) er- (bv. erken) ont- (bv. ontdek) ver- (bv. vergelyk)
Verander die sin na verlede tyd:
Die kinders stamp met hul voete op die grond.
Die kinders het met hul voete op die grond gestamp.
Verander die sin na verlede tyd:
Steven pak sy boeke in.
Steven het sy boeke ingepak.
Verander die sin na verlede tyd:
Julia maak die viooltas oop.
Julia het die viooltas oopgemaak.
Verander die sin na verlede tyd:
Sy pak al die instrumente weg.
Sy het al die instrumente weggepak.
Verander die sin na verlede tyd:
Juffrou skel ons uit.
Juffrou het ons uitgeskel.
Verander die sin na verlede tyd:
Hy tel die klavierstoel op.
Hy het die klavierstoel opgetel.
Verander die sin na verlede tyd:
Die orkes wag vir die dirigent.
Die orkes het vir die dirigent gewag.
Verander die sin na verlede tyd:
Die motor trek met skreeuende bande weg.
Die motor het met skreeuende bande weggetrek.
Verander die sin na verlede tyd:
Hy is baie lief vir sy dogtertjie.
Hy was baie lief vir sy dogtertjie.
Verander die sin na verlede tyd:
Die wens word waar.
Die wens het waar geword.
Die arme koning weet sy dogter is vir hom meer werd as sy goud.
Die arme koning het geweet sy dogter is vir hom meer werd as sy goud.
Verander die sin na verlede tyd:
Hy tel elke dag sy geld.
Hy het elke dag sy geld getel.
