Direkte en Indirekte Rede Flashcards
Wat is direkte rede?
‘n Aanhaling van die presiese woorde wat iemand sê.
Antoinette sê: “Dit is moeilik om te verduidelik!”
Wat is indirekte rede?
‘n Verslag van wat iemand gesê het.
Antoinette sê dat dit moeilik is om te verduidelik.
Hoe verander mens ‘n sin van direkte na indirekte rede?
die gedeelte voor die dubbelpunt (:) bly dieselfde
die aanhalingstekens (“ “) verdwyn
die dubbelpunt (:) word vervang met “dat” (vir ‘n stelsin), of “of” (vir ‘n vraagsin)
uitsondering: as die vraagsin met ‘n vraagwoord (wie, wat, watter, waarom, hoekom, ens) begin, word “of” nie gebruik nie
tyd bly dieselfde
die werkwoord skuif na die einde van die sin
hulpwerkwoorde “het” en “is” kom heel aan die einde
voornaamwoorde verander; “ek” word “hy” / “sy”, afhangende van die geslag van die persoon wat gesels
Skryf in indirekte rede:
Bertie sê: “Ek het Afrikaans gepraat.”
Bertie sê dat hy Afrikaans gepraat het.
Skryf in indirekte rede:
Nico vra: “Wat is die hoofstad van Egipte?”
Nico vra wat die hoofstad van Egipte is.
Skryf in indirekte rede:
Nico vra vir Bertie: “Is Kaïro die hoofstad van Egipte?”
Nico vra vir Bertie of Kaïro die hoofstad van Egipte is.
Skryf in indirekte rede:
Vusi vra vir Bertie: “Vertel jy grappe vir Nico?”
Vusi vra vir Bertie of hy grappe vir Nico vertel.
Skryf in indirekte rede:
Kameelperd sê vir die dokter: “My nek is baie kort.”
Kameelperd sê vir die dokter dat sy nek baie kort is.
Skryf in indirekte rede:
Kameelperd vra vir Renoster: “Kan jy blare eet?”
Kameelperd vra vir Renoster of hy blare kan eet.
Skryf in indirekte rede:
Die man se vir haar: “Ek sal vir jou ‘n hero wees.”
Die man se vir haar dat hy vir haar ‘n hero sal wees.
Skryf in indirekte rede:
Die man vra vir haar: “Kan ek jou hero wees?”
Die man vra vir haar of hy haar hero kan wees.
Skryf in indirekte rede:
Die vrou sê: “Ek wil ‘n worsrolletjie eet.”
Die vrou sê dat sy ‘n worsrolletjie wil eet.
Skryf in direkte rede:
Die vrou sê dat hulle twee worsrolletjies wil hê.
Die vrou sê: “Ons wil twee worsrolletjies hê.”
Skryf in direkte rede:
Die verkoper sê dat dit ‘n goeie besluit is.
Die verkoper sê: “Dit is ‘n goeie besluit.”
Skryf in indirekte rede:
Divan sê: “Alex het die doel van agter af begin.”
Divan sê dat Alex die doel van agter af begin het.
