1.8 Die Impak van onlangse wetgewing op besighede WVB Flashcards
Waarvoor staan WVB?
Wet op Verbruikserbeskerming
Verduidelik kortliks die WVB
Die WVB is gepromulgeer/ingestel om ekonomiese ongelykhede van die verlede reg
te stel en om gelykheid in die verbruikersmark vir alle verbruikers van goedere en
dienste te bevorder. Die WVB bevorder die maatskaplike en ekonomiese welsyn van
verbruikers in Suid-Afrika.
Die doel van die WVB
- Bevorder verantwoordelike verbruikersgedrag.
- Stel nasionale standaarde om verbruikers te beskerm.
- Stig ‘n nasionale verbruikerskommissie (NVK)
- Bevorder en beskerm die ekonomiese belange van verbruikers deur toegang tot inligting te bied.
- Bevorder billike / toeganklike en volhoubare plekke waar mense hul produkte kan verkoop.
- Bevorder konsekwente wette m.b.t. verbruikerstransaksies en - ooreenkomste.
Voordele van die WVB v besighede.
- Besighede kan beskerm word teen oneerlike mededingers.
- Besighede kan beskerm word as hulle as verbruikers beskou word.
- Verhoed dat groter ondernemings kleiner ondernemings ondermyn.
- Mag verbruikerslojaliteit verkry as hulle aan WVB voldoen.
- Stel besighede in staat om geskille regverdig op te los deur die Nasionale
- Verbruikerskommissie / Verbruikershof / Industriele ombudsmanne.
- Besighede kan ‘n goeie beeld opbou as hulle verseker dat hulle nie verbruikersregte oortree nie.
Nadele van die WVB v besighede.
Private besigheidsinligting kan beskikbaar wees vir mededingers.
Strawwe vir nie-nakoming kan baie hoog wees.
Besighede kan onnodig deur regsprosesse belemmer word.
Hulle moet meer inligting oor hul produkte en prosesse / dienste bekend maak
Personeel moet opgelei word en regskenners moet geraadpleeg word, wat koste kan verhoog.
Baie sakedokumente moet teen ekstra koste vereenvoudig word, aangesien verbruikers die reg het om kontrakte in ‘n eenvoudige taal te ontvang.
Diskriminerende optrede/oortredings volgens die WVB
- Weerhou klante van behoorlike inligting oor die produk of dienste.
- Om klante verskillend te behandel op grond van geslag / ouderdom / ras.
- Onregverdige pryse vir dieselfde goedere en dienste.
- Wissel die kwaliteit van goedere in verskillende gebiede.
- Prioritisering van enige verbruikersgroep tydend bemarking of verkope.
Strawwe vir die nie-nakoming van die WVB
‘n Kontrak kan ongeldig verklaar word, of ‘n boete ontvang.
Besighede kan boetes of tronkstraf opgelê word vir ‘n tydperk van hoogstens tien jaar.
Staatsinstansies kan oudits doen, boetes opstel of selfs u besigheid heeltemal ontbind.
Besighede sal gedwing word om verbruikers te vergoed in ooreenstemming met die mate waarin hul regte oortree word.
Maniere waarop ondernemings die WVB kan nakom
- Openbaar die pryse van alle produkte.
- Voorsien voldoende opleiding aan personeel in die WVB.
- Alle ooreenkomste moet voorsiening maak vir ‘n vyf dae afkoelperiode.
- Verseker dat goedere en dienste gestandaardiseer word.
- Voldoen aan die vereistes rakende promosiekompetisies
- Voldoen aan die vereistes rakende die vertoon van inligting op verpakking.
Noem 8 verbruikersregte volgens die WVB
- Reg om te kies
- Reg op privaatheid en vertroulikheid
- Reg op regverdige en eerlike handelinge
- Reg op inligting oor produkte en ooreenkomste / Reg op openbaarmaking en inligting
- Reg op billike / verantwoordelike bemarking / promosie
- Reg tot aanspreeklikheid van verskaffers
- Reg op billike / regverdige / redelike bepalings en voorwaardes
- Reg op gelykheid in die verbruikersmark
- Reg om goedere terug te stuur / goedere te laat vervang / terugbetaling te eis
- Reg om te kla
- Reg op privaatheid / vertroulikheid
- Reg op billike waarde / goeie gehalte / veiligheid
- Reg op billike / eerlike handelinge
- Reg op billike waarde / goeie gehalte / veiligheid
