Tyd Flashcards
As iets reeds gebeur het, is dit in die…
verlede tyd
As iets op die oomblik gebeur, is dit in die…
teenwoordige tyd
As iets nog moet gebeur, is dit in die…
toekomstige tyd / toekomende tyd
Skryf in die verlede tyd: Die polisie vang die rowers.
Die polisie het die rowers gevang.
Skryf in die verlede tyd: Die een rower dra ‘n swart jas.
Die een rower het ‘n swart jas gedra.
Skryf in die verlede tyd: Hashim en Kim ry saam fiets.
Hashim en Kim het saam fiets gery.
Hoe verander mens ‘n sin na die verlede tyd?
Skryf “het” in die plek van die werkwoord. Die werkwoord kry ‘n “ge” en skuif na die einde van die sin.
Skryf in die verlede tyd: Sy eet haar kos.
Sy het haar kos geëet.
In watter tyd is die volgende sin: “Oupa het na die radio geluister.”
Verlede tyd
In watter tyd is die volgende sin: “Don sal die boek lees.”
Toekomstige tyd
In watter tyd is die volgende sin: “Hulle speel kaart.”
Teenwoordige tyd
Skryf in die verlede tyd:
Hy eet sy brood.
Hy het sy brood geëet.
Skryf in die verlede tyd:
Louis trek sy skoene uit.
Louis het sy skoene uitgetrek.
As die horlosie 07:00 sê, is dit
Sewe-uur (‘n spesifieke tyd).
As ons twaalfuur ry en sewe-uur by ons bestemming opdaag, het die rit hoe lank gevat?
Sewe uur.
Watter enkele woord beteken dieselfde as “in die oggend”?
Soggens
Watter enkele woord beteken dieselfde as “in die dag”?
Bedags
Watter enkele woord beteken dieselfde as “in die middag”?
Smiddae
Watter enkele woord beteken dieselfde as “in die aand”?
Saans
Watter enkele woord beteken dieselfde as “in die nag”?
Snags
14:00
Dis twee-uur.
15:30
Dis halfvier.
19:10
Dis tien oor sewe.
18:45
Dis kwart voor sewe.
Hoe verander mens ‘n sin na die toekomstige tyd?
Skryf “sal” in die plek van die werkwoord. Die werkwoord skuif na die einde van die sin.
Die werkwoord kry nie ‘n “ge” by wanneer dit verander word na verlede tyd, as dit begin met … nie.
be- ge- her- er- ont- ver- mis-
Verander die sin na die verlede tyd:
Daar is baie mense by die skool.
Daar was baie mense by die skool.
Verander die sin na die toekomstige tyd:
Daar is baie mense by die skool.
Daar sal baie mense by die skool wees.
Die werkwoord “is” in die teenwoordige tyd verander na ___ in die verlede tyd.
was
Verander die sin na die verlede tyd:
Karen is lief vir slaai.
Karen was lief vir slaai.
