Almal Verstaan LW - Fotosintese: Faktore wat die tempo van fotosintese beinvloed Flashcards
In terme van lig intensitiet, hoe word fotosintese gedurende die winter maande beinvloed?
Gedurende die wintermaande is daar minder sonlig beskikbaar, omdat die dae korter is en die son laer aan die hemel staan. Aangesien plante sonlig benodig vir fotosintese, beperk laer ligintensiteit die hoeveelheid energie wat plante kan produseer, wat lei tot stadiger groei.
In terme van laer temprature, hoe word fotosintese gedurende die winter maande of kouer weer beinvloed?
Laer temperature in die winter vertraag die ensiematiese reaksies wat betrokke is by fotosintese en ander metaboliese prosesse. Fotosintese en plantmetabolisme werk die beste by optimale temperature. Wanneer dit kouer is, werk ensieme stadiger, en die produksie van energie en groei stagneer.
In terme van water beskikbaarhied, hoe word fotosintese gedurende die winter maande of kouer weer beinvloed?
In baie streke is daar minder reënval in die winter, wat lei tot ‘n laer beskikbaarheid van water. Water is noodsaaklik vir fotosintese en ander plantprosesse, en ‘n tekort aan water vertraag plantgroei.
In terme van lig intensitiet, hoe word fotosintese gedurende die somer maande beinvloed?
Die somer het langer dagligure en sterker sonlig, wat plante meer ligenergie gee om vir fotosintese te gebruik. Ligenergie word deur chlorofil geabsorbeer en omgeskakel in chemiese energie wat die plant gebruik om glukose te maak, wat vir groei benodig word.
In terme van laer temprature, hoe word fotosintese gedurende die somer maande beinvloed?
Warmer temperature in die somer versnel die tempo van chemiese reaksies in plante, insluitend fotosintese en respirasie. Ensieme wat hierdie prosesse dryf, werk beter by hoër temperature (tot ‘n sekere optimumpunt), wat tot vinniger groei lei.
In terme van water beskikbaarhied, hoe word fotosintese gedurende die somer maande weer beinvloed?
Somermaande is dikwels gekenmerk deur reënval of gereelde besproeiing. Water is ‘n belangrike bestanddeel van fotosintese en word ook gebruik vir die vervoer van voedingstowwe binne die plant. Voldoende water stel plante in staat om vinniger glukose te produseer, wat nodig is vir groei.
In terme van koolstofdioksiedbeskikbaarhied, hoe word fotosintese gedurende die somer maande weer beinvloed?
Omdat fotosintese koolstofdioksied (CO₂) vereis om glukose te vorm, kan plante vinniger groei as die koolstofdioksiedvlakke in die atmosfeer optimaal is. In die somer kan verhoogde blaaroppervlaktes van plante meer koolstofdioksied absorbeer.
In terme van aktiewe transpirasie, hoe word fotosintese gedurende die somer maande weer beinvloed?
Hoër temperature in die somer verhoog die tempo van transpirasie, wat water van die wortels af na die blare trek. Hierdie water help om die plante koel te hou en dra voedingstowwe opwaarts. ‘n Vinniger transpirasietempo beteken vinniger aflewering van voedingstowwe na die blare, wat fotosintese en groei bevorder.
In terme van voorsieningg van minerale en voedingstowwe, hoe word fotosintese gedurende die somer maande weer beinvloed?
Grondtemperature is in die somer hoër, wat die opname van minerale en voedingstowwe in die wortels verbeter. Plante gebruik hierdie voedingstowwe, saam met glukose wat in fotosintese vervaardig word, vir die produksie van nuwe selle en weefsels.
Watter faktore dra by tot vinniger groei van plante tydens die somer?
Voorsiening van mirelae en voedingstowwe, transpirasie, koolstofdioksiedbeskikbaarhied, waterbeskikbaarheid, verhoogde temprature, en hoer lig intensitiet.
Wat gebeur as die ligintensiteit te hoog is?
Te hoë ligintensiteit kan die plant beskadig, wat lei tot fotoinhibisie en ‘n daling in die tempo van fotosintese.
Hoe beïnvloed koolstofdioksiedkonsentrasie die tempo van fotosintese?
Wanneer die koolstofdioksiedkonsentrasie toeneem, verhoog die tempo van fotosintese, maar dit bereik ‘n versadigingspunt waar dit nie verder kan verhoog nie.
Wat gebeur as daar onvoldoende koolstofdioksied beskikbaar is?
Die plant sal nie genoeg glukose kan produseer nie, wat sy groei beperk.
Watter rol speel temperatuur in fotosintese?
Fotosintese vereis ensieme wat beter funksioneer by optimale temperature. Te hoë of te lae temperature kan die tempo van fotosintese verlaag.
Wat is die optimale temperatuur vir fotosintese in die meeste plante?
Die optimale temperatuur vir fotosintese in die meeste plante is tussen 25°C en 35°C.
