Ballata mingħajr isem Flashcards
Din il-poeżija tutilizza motivi bħall-
“qalb”, il-“Ħamiema” u l-“fanal” li dehru fil-poeżiji miktubin fis-snin ta’ qabilha.
Is-suġġett “bla isem”, li jindirizza l-poeta
jista’ jkun l-istess suġġett li apostrofizza f’Ħarstek vjola tkanta” jew f”Mal-fanal hemm ħarstek tixgħel”.
L-aspett kromatiku huwa wkoll simili
għal dak ta’ dawn iż-żewġ poeżiji: id-dalma sewda hija implikata bis-semmija tal-“lejl” u l-“vjola” jiddeskrivi mill-ġdid “il-ġmiel ta’ wiċċek”.
Kemm il-lewn
“vjola” kif ukoll frażijiet bħal “ħadd ma jirfes ħafi bla ma jweġġa” jikxfu sens ta’ angst fil-vuċi poetika.
Il-poeta qiegħed jitlob lill-poeżija ppersonifikata
tiggwidah u tqanqal fih l-ispirazzjoni. Il-poeta jħossu ħerqan biex dan iseħħ għaliex l-esperjenzi kiebja li ġarrab tul ħajtu ħolqu fih il-bżonn li jiżvoga.
Kif għamel f’“Mal-fanal hemm ħarstek tixgħel”, Friggieri juża
s-simbolu tal-“Ħamiema” biex jiddeskrivi metaforikament is-suġġett indirizzat: “Ħamiema, ‘ttirx fil-bogħod u kul minn idi”.
L-idea ta’ safa li jevoka s-simboliżmu
tal-“Ħamiema” jisseddaq bil-vers: “dan qamħ li ma joqtolx, dan ilma safi”, vers li jinkludi fih żewġ simboli bibliċi oħra li jqarrbu ħajjet il-poeta lejn ħajjet Kristu: il-poeżija se tikkonsma lill-poeta bħalma l-Insara jikkonsmaw lil Kristu fl-Ewkaristija magħmula mill-“qamħ u l-“ilma.”
Il-frażi paradossali “minquxa bħall-miraġġ”
aktarx li tirreferi għat-theddida ta’ din il-qagħda futura solitarja, fejn din ir-relazzjoni msejsa fuq l-imħabba għad tintemm, u l-ispirazzjoni poetika għad tabbandunah.
Friggieri għażel li lil din il-poeżija jsejħilha: “ballata”
għax hija għanja malinkonika li tirrakkonta ġrajja personali, ġrajja li tinvolvi emozzjonijiet bħall-imħabba, ġrajja li, fuq kollox, għandha tmiem traġiku inevitabbli.
