03. බුදුකුරු දම් පුරා - දිවිමග ගනිමු සපුරා

Question 1

‘පාර’ යන්නෙහි අර්ථය කුමක් ද?

Answer 1

• පරතෙර
• ගංගා සමුද්‍ර ආදියෙහි පරතෙර
  -නිවන සසරේ පරතෙර හෙයින් එයට ද ‘පාර’ යැයි කියයි

Question 2

පාරමිතා යන්නට දී ඇති අර්ථ දැක්වීම් දෙක කුමක් ද?

Answer 2

1. නිවනට පමුණුවන පිළිවෙත්
2. බුද්ධත්වය ප්‍රාර්ථනා කරන බෝසත් උතුමන් විසින් පුරනු ලබන උතුම් පිළිවෙත්

Question 3

දස පාරමිතාවලට හඳුන්වනු ලබන අනෙක් නම කුමක් ද?

Answer 3

බුද්ධකාරක ධර්ම හෙවත් බුදුකුරු දහම්

Question 4

පාරමිතා දහය නම් කරන්න

Answer 4

1. දාන (දාන)
2. ශීල (සීල)
3. නෙක්ඛම්ම (නෙක්ඛම්ම)
4. ප්‍රඥා (පඤ්ඤා)
5. වීර්ය (විරිය)
6. ක්ෂාන්ති (ඛන්ති)
7. සත්‍ය (සච්ච)
8. අධිෂ්ඨාන (අධිට්ඨාන)
9. මෛත්‍රී (මෙත්තා)
10. උපේක්ෂා (උපෙක්ඛා)

Question 5

‘දානං සීලං ච නෙක්ඛම්මං’ යන ගාථාව ලියා දක්වන්න

Answer 5

දානං සීලං ච නෙක්ඛම්මං
පඤ්ඤා වීරියේන ප‍ංචමං
ඛන්ති සච්චමධිට්ඨානං
මෙත්තුපෙක්ඛාතිමේ දස

Question 6

පාරමිතා ගුණ ධර්ම පුහුණු කරන්නෙක් ඒවා පිරීමේදී අත් හැරිය යුතු කරුණු මොනවා ද?

Answer 6

1. තණ්හාව
2. මානය
3. මිත්‍යා දෘෂ්ටිය

Question 7

පාරමිතා ගුණ ධර්ම පුහුණු කරන්නෙක් ඒවා පිරීමේ දී ජීවිතයට එක් කළ යුතු අංග මොනවා ද?

Answer 7

1. කරුණාව
2. උපාය කෞශල්‍ය ඥානය

Question 8

පාරමිතාවක් බෙදෙන කොටස් තුන කුමක් ද?

Answer 8

1. පාරමී
2. උප පාරමී
3. පරමත්ථ පාරමී

Question 9

තුන්තරා බෝධිය නම් කරන්න

Answer 9

1. බුදු (සම්මා සම්බුද්ධ)
2. පසේ බුදු (පච්චේක බුද්ධ)
3. මහ රහත් (අරහන්ත)

Question 10

තිස් වැදෑරුම් පාරමිතා පූරණය කළ යුතු වන්නේ කුමන බෝධියකින් නිවන් දැකීම සඳහා ද?

Answer 10

බුද්ධත්වය ලබා ගැනීම සඳහා

Question 11

පසේ බුදුවරයෙක් වීම සඳහා සම්පූර්ණ කළ යුතු පාරමිතා ගණන කීය ද? ඒ මොනවා ද?

Answer 11

• විස්සකි
• පාරමිතා දහය සහ උප පාරමිතා දහය

Question 12

අරහත් ඵලය හෙවත් රහත් බවට පත් වීම සඳහා ප්‍රගුණ කළ යුත්තේ කුමන පාරමිතා ධර්ම ද?

Answer 12

මූලික පාරමිතා දහය

Question 13

දානය යනු කුමක් ?

Answer 13

තමන්ට අයත් දෙයක් පූජාවක් වශයෙන් හෝ අනුග්‍රහයක් වශයෙන් හෝ තම අයිතිය අත් හැර අපේක්ෂාවකින් තොර ව දීම දානය යි

Question 14

දානයේ ආකාර දෙක කුමක් ද?

Answer 14

1. පූජා බුද්ධියෙන් දෙන දානය
2. අනුග්‍රහ බුද්ධියෙන් දෙන දානය

Question 15

පූජා බුද්ධියෙන් දෙන දානය යනු කුමක් ද?

Answer 15

තමන්ට වඩා උසස් සීලා දී ගුණ ධර්මවලින් යුක්ත අයට පරිත්‍යාග කිරීම

Question 16

අනුග්‍රහ බුද්ධියෙන් දෙන දානය යනු කුමක් ද?

Answer 16

කෙනෙකුගේ අසරණකම ගැන සිතා ඔහුට උපකාරයක් වශයෙන් කරුණාවෙන්, අනුකම්පාවෙන් යමක් පරිත්‍යග කිරීම

Question 17

දානය පාරමිතාවක් වීමට නම් එය සිදු කළ යුතු ආකාරය දක්වන්න

Answer 17

තණ්හාවෙන්, මානයෙන් හා මිත්‍යා දෘෂ්ටියෙන් තොර ව කරුණාවෙන් සහ ප්‍රඥාවෙන් එය සිදු කළ යුතු ය

Question 18

බුදුරජාණන් වහන්සේ දාන පාරමිතාව සම්පූර්ණ කළ ආකාරය පිළිබඳ ව කියවෙන ජාතක කතාව කුමක් ද?

Answer 18

වෙස්සන්තර ජාතකය

Question 19

බුදුරජාණන් වහන්සේ දාන උපපාරමී පිරීම පිළිබඳ සඳහන් වන ජාතක කතාව කුමක් ද?

Answer 19

සිවි ජාතකය

Question 20

බුදුරජාණන් වහන්සේ දාන පරමත්ථ පාරමී පිරීම පිළිබඳ සඳහන් වන ජාතක කතාව කුමක් ද?

Answer 20

සස ජාතකය

Question 21

සීලය යනු කුමක් ද?

Answer 21

• කය වචනය දෙකෙහි සංවරය
• කායික හා වාචසික වශයෙන් අයහපත් ක්‍රියාවලින් වැළකී යහපත් ක්‍රියාවල යෙදීම

Question 22

කායික සීල සංවරයට අයත් වන්නේ කුමන අකුසලයන්ගෙන් වැළකීම ද?

Answer 22

• ප්‍රාණඝාතය
• අදත්තාදානය
• කාම මිථ්‍යාචාරය

Question 23

වාචසික සීල සංවරයට අයත් වන්නේ කුමන අකුසලයන්ගෙන් වැළකීම ද?

Answer 23

• මුසාවාද
• පිසුණාවාච
• පරුසාවාච
• සම්පප්පලාප

Question 24

සීල පාරමිතාව පිරිය යුත්තේ කෙසේ ද?

Answer 24

තණ්හාවෙන්, මානයෙන් හා මිථ්‍යාදෘෂ්ටියෙන් තොර ව කරුණාවෙන් හා ප්‍රඥාවෙන් යුතු ව සීලය ආරක්ෂා කිරීම මගින්

Question 25

බෝසතාණන් වහන්සේ සීල පාරමිතාව පිරූ ආකාරය සඳහන් වන ජාතක කතාව කුමක් ද?

Answer 25

සීල වීම‍ංසා ජාතකය

Question 26

නෙක්ඛම්ම පාරමිතාව යනු කුමක්ද?

Answer 26

පංච ඉන්ද්‍රියයන් පිනවීමට ඇති ආශාවෙන් ඉවත් වීම

Question 27

නෙක්ඛම්ම සංකල්පනාව හෙවත් පස්කම් සැපතින් ඉවත් වීමේ කල්පනාව ඇති වන ආකාරය පැහැදිලි කරන්න

Answer 27

1. බෝසත්වරු පළමු කොට අන්‍යයන්ට හානියක් නොවන ලෙස පසිඳුරන් පිනවයි
2. දෙවනු ව ඉන්ද්‍රියයන් පිනවීමේ ආදීනව සහ තාවකාලික ව විඳින සැප වෙනුවෙන් වෙහෙසෙන ආකාරය සිහිපත් කරයි
3. අවසානයේ පසිඳුරන් පිනවීම කෙරෙහි ඇති ආශාව ශුන්‍ය වේ

Question 28

නෙක්ඛම්ම පාරමිතාව සම්පූර්ණ කළ යුත්තේ කෙසේ ද?

Answer 28

තණ්හාවෙන්, මානයෙන් සහ මිථ්‍යාදෘෂ්ටියෙන් මිදී කරුණාවෙන් සහ ප්‍රඥාවෙන් යුක්ත ව පංචකාම සම්පත්‍තියෙන් ඉවත් වීම මගින්

Question 29

බෝසතාණන් වහන්සේ නෙක්ඛම්ම පාරමිතාව පිරූ ආකාරය සඳහන් වන ජාතක කතාව කුමක්ද?

Answer 29

මඛාදේව ජාතකය

Question 30

ප්‍රඥාව යනු කුමක් ද?

Answer 30

ජීවිතය හා ලෝකය පිළිබඳ ඇති තතු හෙවත් යථා තත්ත්වය වටහා ගැනීම

Question 31

දෙවැදෑරුම් ප්‍රඥාව නම් කරන්න

Answer 31

1. ලෞකික ප්‍රඥාව
2. ලෝකෝත්තර ප්‍රඥාව

Question 32

ප්‍රඥාව දියුණු කර ගත හැකි ක්‍රම තුන කුමක් ද?

Answer 32

1. සිතීමෙන් (චින්තාමය)
2. සවන් දීමෙන්, පොත පත කියවීමෙන් (සුතමය)
3. භාවනාවෙන් (භාවනාමය)

Question 33

නෙක්ඛම්ම පාරමිතාව නම් කරන්න

Answer 33

තම බාහිර වස්තු, අඹු දරුවන් අත් හැරීම නෙක්ඛම්ම පාරමිතාවයි

Question 34

ප්‍රඥා පාරමිතාව සම්පූර්ණ කළ හැකි ආකාර තුන ලියා දක්වන්න

Answer 34

1. සියලු භෞතික වස්තු කෙරෙහි බැඳීම් නැතිව ප්‍රඥාව දියුණු කිරීම (ප්‍රඥා පාරමී)
2. ශරීරාවයව ගැන නොසලකා ප්‍රඥාව දියුණු කිරීම (ප්‍රඥා උප පාරමී)
3. ජීවිතය ගැන නොසලකා ප්‍රඥාව දියුණු කිරීම (ප්‍රඥා පරමත්ථ පාරමී)

Question 35

බෝසතාණන් වහන්සේ ප්‍රඥා පාරමිතාව පිරීන පිළිබඳ සඳහන් වන ජාතක කතාව කුමක් ද?

Answer 35

උම්මග්ග ජාතකය

Question 36

වීර්ය යනුවෙන් හැඳින්වෙන්නේ කුමක් ද?

Answer 36

උතුම් බලාපොරොත්තුවක් ඉටුවන තුරු නොපසුබට උත්සාහයෙන් කටයුතු කිරීම

Question 37

යම් කාර්‍යයක් සම්පූර්ණ කිරීම සඳහා අවශ්‍ය තෙයාකාර වීර්‍යය නම් කරන්න

Answer 37

1. ආරම්භ කිරීමේ දී ඇති කරගත යුතු වීර්‍යය (ආරම්භ ධාතු)
2. ඉදිරිපත් වීමේ දී ඇති කර ගත යුතු වීර්‍යය (නික්කම ධාතු)
3. නිරත වීමේ දී ඇති කර ගත යුතු වීර්‍යය (පරක්කම ධාතු)

Question 38

වීර්‍යය පාරමිතාව සම්පූර්ණ කළ හැකි ආකාර තුන ලියා දක්වන්න

Answer 38

1. බාහිර වස්තූන්ට ආශාවෙන් අත් නොහරින වීර්‍යය (වීර්‍ය පාරමිතා)
2. ශරීරාවයවයන්ට ආශාවෙන් අත් නොහරින වීර්‍යය (වීර්‍ය උප පාරමිතා)
3. ජීවීතයට ආශාවෙන් අත් නොහරින වීර්‍යය (වීර්‍ය පරමත්ථ පාරමිතා)

Question 39

බෝසතාණන් වහන්සේ වීර්‍යය පාරමිතාව පිරූ ආකාරය දැක්වෙන ජාතක කතාව කුමක් ද?

Answer 39

වණ්ණුපථ ජාතකය

Question 40

ඛන්ති හෙවත් ක්ෂාන්තිය යනු කුමක් ද?

Answer 40

ඉවසීම

Question 41

බෝසතාණන් වහන්සේ ඛන්ති පාරමිතාව පිරූ ආකාරය සඳහන් වන ජාතකය කුමක් ද?

Answer 41

ක්ෂාන්තිවාදී ජාතකය

Question 42

ඛන්ති පාරමිතාව නම් කරන්න

Answer 42

සියලු බාහිර වස්තුවලට සිදුවන හානි නොසලකා ඉවසීම

Question 43

සත්‍ය යන්නෙන් අදහස් කෙරෙන්නේ කුමක් ද?

Answer 43

කිසිවකු නොරවටා, මුළා නොකර සත්‍යගරුක ව ක්‍රියා කිරීම

Question 44

සත්‍යයේ පිහිටා ක්‍රියා කළ යුතු ආකාර තුන කුමක් ද?

Answer 44

1. වාග් දුශ්චරිතයෙන් වැළකීම
2. පොරොන්දු කඩ නොකිරීම
3. ඇත්ත කීම

Question 45

සත්‍ය පාරමිතාව සම්පූර්ණ කළ යුත්තේ කෙසේ ද?

Answer 45

තණ්හාවෙන්, මානයෙන් හා මිථ්‍යාදෘෂ්ටියෙන් මිදී කරුණාවෙන් හා ප්‍රඥාවෙන් යුක්ත ව සත්‍යවාදී භාවය ප්‍රගුණ කිරීම

Question 46

බෝසතාණන් වහන්සේ සත්‍ය පාරමිතාව පිරූ ආකාරය පිළිබඳ සඳහ වන ජාතක කතාව කුමක් ද?

Answer 46

වට්ටක ජාතකය

Question 47

අධිෂ්ඨානය යනු කුමක් ද?

Answer 47

යහපත් අභිමතාර්ථයක් මුදුන් පමුණුවා ගැනීමට උපදවා ගත් සිත වෙනස් නොකොට ඒ අයුරින් ම පවත්වා ගැනීම

Question 48

බෝසතාණන් වහන්සේ අධිෂ්ඨාන පාරමිතාව පූරණය කළ ආකාරය දැක්වෙන ජාතකය කුමක් ද?

Answer 48

තේමිය ජාතකය

Question 49

අධිෂ්ඨාන පරමත්ථ පාරමිතාව ලියා දක්වන්න

Answer 49

ජීවිතය විනාශ වුව ද අත් නො හරින අධිෂ්ඨානය

Question 50

මෛත්‍රිය යනු කුමක් ද?

Answer 50

• ඇසුරු කරන්නන් පිළිබඳ ව මෛත්‍රියෙන් යුක්ත වීම
• කිසිවකු කෙරෙව් වෛරයක්, ද්වේෂයක් ඇති නො කොට “සියලු සත්ත්වයෝ සුවපත් වෙත්වා” යි සිත පුරුදු කිරීම

Question 51

මෛත්‍රි පාරමිතාව සම්පූර්ණ කිරීම සඳහා වැඩිය යුතු තුන් ආකාර මෛත්‍රිය මොනවා ද?

Answer 51

1. මෛත්‍රී සහගත කාය කර්ම
2. මෛත්‍රී සහගත වචී කර්ම
3. මෛත්‍රී සහගත මනෝ කර්ම

Question 52

බෝසතාණන් වහන්සේ මෙත් වැඩූ ආකාරය සඳහන් වන ජාතක කතා මොනවා ද?

Answer 52

• මහා කපි ජාතකය
• මඝ මානවක ජාතකය

Question 53

මෙත් වැඩීමේ ආනිසංස එකොළහ ලියා දක්වන්න

Answer 53

1. සුව සේ නිදයි
2. සුව සේ පුබුදියි
3. පාපී සිහින නොදකියි
4. මිනිසුන්ට ප්‍රිය වේ
5. නොමිනිසුන්ට ප්‍රිය වේ
6. දේව රැකවරණය ලබයි
7. ගින්නෙන්, වස විස ආදියෙන් අනතුරු නො වේ
8. සිත සමාධිගත වේ
9. පෙනුම පැහැපත් වේ
10. නුමුළාව මිය යයි
11. මරණින් මතු බ‍‍‍ඹ ලොව උපදියි

Question 54

උපේක්ෂාව යනු කුමක් ද?

Answer 54

• මැදහත් බව
• විශේෂ ඇල්මක් හෝ පිළිකුලක් ඇති කර නො ගෙන සම සිත පැවැත්වීම

Question 55

බෝසතාණන් වහන්සේ උපේක්ෂා පාරමිතාව පිරූ ආකාරය සඳහන් වන ජාතක කතාව කුමක් ද?

Answer 55

ලෝමහංස ජාතකය