6.Kafli: Markaðsöflin eftirspurn og framboð Flashcards
Hvað er eftirspurn?
Vilji fólks og geta þess til að kaupa vörur eða þjónustu.
Hvaða þættir hafa áhrif á eftirspurnina?
Verð vörunnar, tekjur kaupenda, verð stuðningsvara, verð á staðgengilsvörum, smekkur&tíska kaupenda, og lánskjör&lánamöguleikar
Áhrif á eftirspurn: verð vörunnar
Því lægra sem verðið er þeim mun meiri verður eftirspurnin - því hærra sem verðið er þeim mun minni verður eftirspurnin.
Áhrif á eftirspurn: tekjur kaupenda
Því hærri sem tekjurnar eru þeim mun meiri verður eftirspurnin, eftir flestum vörum. T.d. um mánaðarmótin eykst salan því þá fá allir útborgað.
Áhrif á eftirspurn: verð stuðningsvara
Vörur sem notaðar eru með annarri vöru, t.d. bensín og bíll, kók og pizza. Því dýrari sem stuðningsvaran er, því minni verður eftirspurnin á vörunni.
Hvað er stuðningsvara?
Vara sem er notuð með annarri vöru, t.d. bensín og bíll
Áhrif á eftirspurn: verð á staðgengilsvörum
Vörur sem hægt er að nota í stað annarrar vöru, t.d. Coke og Pepsi, Smjör og Smjörvi. Því lægra verð á staðgengilsvöru, því minni verður eftirspurnin á hinni vörunni.
Hvað er staðgengilsvara?
Vara sem hægt er að nota í stað annarrar vöru, t.d. smjör og smjörvi.
Áhrif á eftirspurn: smekkur&tíska kaupenda
Því vinsælli sem varan er þeim mun meiri verður eftirspurnin. Því meira sem varan er auglýst þeim mun fleiri kaupa hana. Tískustraumar hafa áhrif..
Áhrif á eftirspurn: lánskjör&lánamöguleikar
Því auðveldara sem aðgengi er að lánum og þeim mun betri sem lánskjörin eru því meiri verður eftirspurnin eftir vörum og þjónustu.
Hvað er eftirspurnarkúrva og hvað sýnir hún?
Líkan sem sýnir okkur sambandið á milli verðs og magns af einhverri vöru í heimi þar sem allir hugsanlegir áhrifaþættir eftirspurnarinnar breytast ekki.
Sýnir vilja og getu fólks til að kaupa ákveðna vöru eða þjónustu á ákveðnu verði á ákveðnu tímabili.
Hvað kallast áhrifin sem geta breytt eftirspurn í kúrvunni?
Tekjuáhrif og staðgengilsáhrif
Hvað eru tekjuáhrif?
Þegar verð lækkar á vöru kaupa menn meira af henni af því að kaupmáttur teknanna eykst við verðlækkunina.
Hvað eru staðgengilsáhrif?
Þegar verð lækkar á vöru A kaupa menn hana í meira magni en áður því hún verður nú betri kaup en vara B sem þeir hafa keypt áður en lækkar ekki í verði.
Hvað er framboð?
Vilji framleiðanda til að framleiða vörur eða þjónustu á ákveðnu verði
Hvaða þættir hafa áhrif á framboðið?
Vöruverð, verð framleiðsluþáttanna, skattar fyrirtækja, niðurgreiðslur, tæknibreytingar og verð breytist á öðrum vörum sem fyrirtækið getur framleitt
Áhrif á framboð: vöruverð
Því hærra verð sem við fáum fyrir vöruna þeim mun meira er framboðið og því lægra verð því mun minna er framboðið.
Áhrif á framboð: verð framleiðsluþátttanna
Því dýrari sem framleiðsluþættirnir eru þeim mun meiri verður kostnaðurinn við framleiðsluna og því minna framleitt á hverju verði. T.d. launahækkun, hærra hráefnisverð, dýrari vélar..
Áhrif á framboð: skattar fyrirtækja
Þegar ríkið lækkar skatta á fyrirtæki dregur það úr kostnaði þeirra og veldur auknu framboði, en hækki stjórnvöld skatta á fyrirtæki eykur það kostnaðinn og framboðið dregst saman.
Áhrif á framboð: niðurgreiðslur
Aukist niðurgreiðslur á vörum, þá greiða stjórnvöld stærri hluta framleiðslukostnaðarins og eykst þá framboðið, án þess að gróði hans minnki.
Hvað eru niðurgreiðslur?
Þegar ríkisvaldið greiðir hluta kostnaðarins við að framleiða vörur og þjónustu.
Áhrif á framboð: tæknibreytingar
Minnka framleiðslukostnaðinn og þar af leiðandi aukið framboð.
Áhrif á framboð: verð breytist á öðrum vörum sem fyrirtækið framleiðir
Ef fyrirtæki framleiðir fleiri en eina vörutegund. T.d. ef framboð á vöru A eykst þá minnkar framboð á vöru B.
Hvað er framboðskúrva og hvað sýnir hún?
Líkan sem sýnir sambandið á milli verðs og vöru og þess magns sem framleiðandinn vill framleiða. Enginn þáttur sem getur haft á framboðið breytist annar en verð.
Hvaða áhrif hafa á framboðskúrvuna, þannig að hún breytist?
Ef verð framleiðsluþátta lækkar færist framboðskúrvan til hægri því þá er ódýrara að framleiða vöruna, meira framleitt.
Ef skattar á fyrirtækið hækka færist kúrvan til vinstri því þá er dýrara að framleiða, minna framleitt.
Hvernig myndast jafnvægi á markaði?
Jafnvægið á markaðnum myndast í þeim punkti þar sem framboðskúrvan og eftirspurnarkúrvan skerast. Þetta er eina verðið þar sem magnið sem seljandinn vill selja er jafnmikið og magnið sem kaupandinn vill kaupa.
Hvað er jafnvægisverð?
Það verð sem myndast þegar jafnvægi ríkir milli framboðs og eftirspurnar.
Hvað er jafnvægismagn?
Það magn sem selt er og keypt þegar framboð og eftirspurn eru jöfn eða í jafnvægi.
Hvernig eru heildartekjur reiknaðar?
Heildartekjur = verð x magn
Hvernig er heildarkostnaður reiknaður?
Meðalkostnaður x magn
Hvernig er gróði reiknaður?
Heildartekjur - heildarkostnaður
