Fiela se Kind Eksamen Vrae - Tweede Bedryf - Toneel 6 Flashcards
FIELA: Se moer. (Klop by ʼn ander deur)
Hoekom is die gebruik van die kragwoord hier effektief?
Om te beklemtoon dat Fiela haar deur niks gaan laat stop om die magistraat te sien nie.
Hoe het Fiela na die magistraat verwys?
Salomo.
Dink jy Fiela het besef dat sy besig was om met die magistraat te praat? Gee ʼn rede vir jou antwoord.
Nee, want as sy geweet het sou sy nie so aanvallend gewees het nie/sy sou nederiger gewees het.
Hoe het Fiela die magistraat aangespreek toe sy besef het met WIE sy praat?
“weledele heer”
Hoekom was dit aanvaarbaar van Fiela om na die magistraat as Salomo te verwys?
Hy het soos Salomo destyds besluit wat met die kind moes gebeur.
Wat was die eerste vraag wat Fiela aan die magistraat gestel het?
Hoekom net een vrou laat kom is toe die kind deurgesny moes word.
Watter waarskuwing het die magistraat aan Fiela gerig?
Hy gaan haar laat arresteer.
Waarom kon die magistraat, volgens Fiela, haar nie laat arresteer nie?
Hy kon haar nie laat arresteer nie omdat sy net kom uitvind het wat met haar kind gebeur het.
Hoe het Fiela reageer toe sy uitgevind het dat sy nog die hele tyd met die magistraat gepraat het?
Sy het na haar asem gesnak. Hom dan met respek aangespreek as “weledele heer”.
Waarom wou die magistraat nie die saak verder met Fiela bespreek nie?
Volgens hom is die saak afgehandel – die kind is aan sy regte ouers terugbesorg.
Waarom was Fiela vasbeslote dat Benjamin nie die Van Rooyen-kind kon wees nie?
ʼn Kind van 3 jaar oud kan nie van agter die Bos tot in die Lange Kloof loop nie.
Wat het die magistraat Fiela herhaaldelik geantwoord aangesien hy nie vir haar ʼn ander aanvaarbare antwoord gehad het nie?
Die saak is afgehandel.
Hoekom het die magistraat geglo dat hy die regte besluit gemaak het? Gee TWEE redes.
Die Bosvrou het hom dadelik tussen 4 ander seuns as haar eie uitgeken. Daar was ʼn getuie.
Wie was die getuie na wie die magistraat verwys het?
Die konstabel.
Wat sal God die mens nooit vergewe nie?
Die kwaad wat aan ʼn kind gedoen word.
Wat het Fiela gedink kon die rede gewees het waarom die Bosvrou dadelik Benjamin as haar eie uitgeken het?
Geluk.
Met watter strikvraag wou Fiela hê, moes die magistraat vir Barta konfronteer?
Hy moes die Bosvrou vra watter klere die kind aangehad het die dag van sy verdwyning.
Hoekom het die magistraat gevoel dat die klere geen verskil sou maak nie?
Fiela kon ook gejok het oor die klere.
Hoekom kon Fiela nie vir die magistraat enige fisiese bewyse van die klere gee nie?
Dit is opgevreet die jaar tydens die kriekeplaag.
Hoe het Fiela aan die magistraat probeer bewys dat sy goed vir Benjamin kon sorg?
Vir hom genoem dat sy die Laghaans se grond gaan koop en dit op Benjamin se naam gaan sit.
Dink jy Fiela het die waarheid gepraat? Gee ʼn rede vir jou antwoord.
Ja. Fiela is ʼn gelowige mens en sy het gesê dat sy op die Grootboek sal sweer.
Waarna verwys die Grootboek?
Die Bybel.
Wat het Fiela gedoen toe sy besef het dat die magistraat onversetlik in sy besluit was?
Sy smeek hom om vir haar te sê by watter mense Benjamin is.
Waarmee het die magistraat Fiela gedreig om haar van Benjamin af weg te hou?
Hy sou aan die magistraat op Uniondale skryf om Fiela te laat dophou. Om stappe teen haar te neem as sy enige moeilikheid veroorsaak.
