Fiela se Kind Eksamen Vrae - Eerste Bedryf - Toneel 2

Question 1

Waar het Fiela-hulle gebly?

Answer 1

Lange Kloof.

Question 2

Waarmee was die kinders besig?

Answer 2

Hulle het ʼn volstruis aangejaag kamp toe.

Question 3

Waarmee het Fiela geboer?

Answer 3

Volstruise.

Question 4

Watter voorwaarde het Fiela aan Benjamin gerig wat hy geïgnoreer het?

Answer 4

Hy kon net saamgaan as hy agter draf.

Question 5

Tot watter gevolgtrekking kom jy oor Fiela se gevoelens teenoor Benjamin?

Answer 5

Besorgd/gee om.

Question 6

SELLING: Los die kind, Fiela, hy’s nie een vir agter draf nie.

Wat kan afgelei word oor Benjamin se karakter na aanleiding van die aanhaling?

Answer 6

Hy is ʼn leier.

Question 7

SELLING: Los die kind, Fiela, hy’s nie een vir agter draf nie.

Watter emosie toon Selling teenoor Benjamin na aanleiding van die aanhaling?

Answer 7

Trots.

Question 7

Wie het Fiela gedink was die mense op die perdekar?

Answer 7

Smouse.

Question 8

Hoe lank al het Selling die vreemde perdekar in die omgewing gesien?

Answer 8

Die hele week.

Question 9

Wat van die volstruise het Fiela verkoop?

Answer 9

Die vere.

Question 10

Na wie het Fiela as “mooi” verwys?

Answer 10

Die volstruiswyfie.

Question 11

Hoe het Fiela die volstruiswyfie beskryf?

Answer 11

Rankerig/maer om die boude.

Question 12

Wat het Fiela-hulle nog verkoop om ʼn bestaan te voer?

Answer 12

Dasvelle.

Question 13

Aan wie het Fiela hulle produkte verkoop?

Answer 13

Rossinski.

Question 14

Vir hoeveel kon Selling die dasvelle aan die smouse verkoop?

Answer 14

Twee oulap ʼn vel.

Question 15

Watter eienskap van Fiela kom hier na vore?

Answer 15

Besigheidsvrou.

Question 16

Watter voorteken moes Fiela teen die onheil wat op haar gewag het, gewaarsku het?

Answer 16

Die valk wat Fiela se mooiste kuiken gevang het.

Question 17

Wat het met een van Fiela se kuikens gebeur?

Answer 17

Die valk het dit gevang.

Question 18

Hoekom sou die valk nie weer ʼn kuiken kon vang nie?

Answer 18

Fiela het hulle toegemaak.

Question 19

Waarom steur Fiela haar nie eintlik aan die vreemde perdekar nie?

Answer 19

Sy het gedink dit was smouse.

Question 20

Op watter manier word daar aan die leser inligting gegee omtrent die
ruimte in die Lange Kloof?

Answer 20

Fiela se monoloog/alomteenwoordige verteller/stem op die band.

Question 21

Noem die verskille tussen die Lange Kloof en die Seekant? Verwys na
die plantegroei.

Answer 21

Kloof = aalwyn en renosterbos
Seekant = welige plantegroei

Question 22

Noem die verskille tussen die Lange Kloof en die Seekant? Verwys na
die reënval.

Answer 22

Kloof = droog
Seekant = reën baie.

Question 23

Noem die verskille tussen die Lange Kloof en die Seekant? Verwys na
die tipe wêreld.

Answer 23

Kloof = klippe en stof
Seekant = bebos

Question 23

Wat suggereer Fiela se monoloog oor haar verhouding met haar Skepper?

Answer 23

Baie na aan haar Skepper/baie gelowig

Question 24

Wat het die Here vir Fiela aan die Kloof se kant gelos waarvoor sy baie dankbaar was?

Answer 24

Volstruise.

Question 25

Fiela is ʼn dankbare/positiewe mens.

Stem jy saam met die stelling? Motiveer jou antwoord met TWEE
voorbeelde.

Answer 25

Ja. Ten spyte van die droogte voel sy dat hulle ʼn fontein het wat nog water gee/Selling is swak maar sy hande kan nog velle brei/oorvloed kos wanneer dit wel reën.

Question 26

Watter werk het Selling vir ʼn ekstra inkomste gedoen?

Answer 26

Hy brei velle ; maak skoene ; swepe; karwatse.

Question 27

Hoekom kon Selling nie meer help met die harde werk op die plaas nie?

Answer 27

Hy is baie swak/sieklik.

Question 28

FIELA: Veel is Selling nie meer nie.

Verduidelik wat Fiela met die woorde bedoel het.

Answer 28

Selling is nie sterk nie/hy is swak/siekerig.

Question 29

Wat moes Fiela soms doen om Selling aan die werk te kry?

Answer 29

Sy moet skel/raas.

Question 30

Wat kan jy aflei oor Fiela se persoonlikheid met die handeling van haar man?

Answer 30

Sy is streng/kwaai.

Question 31

Wat kan jy aflei oor Fiela se karakter uit díe monoloog? Noem TWEE dinge.

Answer 31

Sterk vrou/hou nie van ledigheid nie/gelowig/streng/godsdienstig.

Question 32

Hoe verskil Fiela se karakter van Selling?

Answer 32

Fiela is ʼn baie sterk vrou en aan die gang/besig maar Selling is swak/
kan nie meer harde werk verrig nie.

Question 33

Wat was die naam van die volstruismannetjie?

Answer 33

Skopper.

Question 34

Hoekom het Fiela Skopper ʼn “sleg ding” genoem?/Hoekom was Fiela kwaad vir Skopper?

Answer 34

Hy het nie eens opgekyk om die mooi wyfie te sien wat Fiela vir hom gekry het nie.

Question 35

Gee die name van Fiela se seuns.

Answer 35

Dawid, Tollie en Benjamin.

Question 36

Gee die name van Fiela se dogters.

Answer 36

Emma en Kittie.

Question 37

Wat het Fiela vir die volstruiswyfie betaal?

Answer 37

Ses karwatse en twee swepe.

Question 38

Fiela het kontant betaal vir die volstruiswyfie. Motiveer hoekom die stelling VERKEERD is.

Answer 38

Sy het met ses karwatse en twee swepe betaal en nie met geld/kontant nie.

Question 39

By wie het Fiela Pollie gekry?

Answer 39

Koos Wehmeyer.

Question 40

Waaroor was Koos Wehmeyer ongelukkig?

Answer 40

Hy het gevoel die karwats is te dun.

Question 41

Waaroor het Benjamin geklik?

Answer 41

Hy het vir Fiela vertel dat Kittie amper deur die volstruis geskop is.

Question 42

Hoekom, sou jy sê, het Kittie so vinnig vir Fiela gesê Benjamin lieg?

Answer 42

Fiela is ʼn streng ma en hulle moes versigtig wees.

Question 43

Waarom, dink jy, moes die kinders uit die hitte kom?

Answer 43

Hulle kan dehidreer/sonsteek opdoen/siek word van die warm son.

Question 44

Waarmee het Benjamin graag gespeel/homself besig gehou?

Answer 44

Sy skuite.

Question 45

Hoe het Benjamin sy skuite gemaak?

Answer 45

Hout uitgehol.

Question 46

Wie het Selling gedink was die mans op die perdekar?

Answer 46

Predikers.

Question 47

Hoeveel mans was daar?

Answer 47

Twee.

Question 48

Beskryf die TWEE mans wat op die perdekar was.

Answer 48

Lang man, hy het ʼn bril gedra en skryfgoed in sy hande gehad. Dik man en rooi in sy gesig.

Question 49

SELLING: Daardie perdekar is al heelweek op en af hier in die Kloof. Vreemde kar.

Selling verwys vier keer na die vordering van die kar. Watter invloed het dit op die leser?

Answer 49

Die leser besef dat die mense belangrik moet wees/die feit dat hulle in afsondering leef, maak ʼn mens agterdogtig oor wie die mense is.

Question 50

Waarom kan die koms van die sensusopnemers as die motoriese moment van die drama beskou word?

Answer 50

Die koms van die sensusopnemers sit die handeling aan die gang en dis die begin van die spanningslyn.

Question 51

Die sensusmans het nie name nie. Hoe word daar na hulle verwys?

Answer 51

Die Lange en die Dikke.

Question 52

Hoekom, dink jy, het die mans nie hulleself aan Fiela en Selling
voorgestel nie?

Answer 52

Hulle kyk neer op Fiela-hulle/hulle dink nie Fiela-hulle is belangrik
genoeg om hulleself voor te stel nie.

Question 53

Hoe sal jy die gedrag van die mans beskryf? Gee EEN WOORD.

Answer 53

Ongeskik/rassisties.

Question 54

Wat het die sensus mans daar kom doen?

Answer 54

Sensusopname/mense tel.

Question 55

Wie het die mans opdrag gegee om die mense te tel?

Answer 55

Goewerment.

Question 56

Hoekom het Fiela so groot geskrik toe die mans hulle meedeel wat hulle daar kom doen het?

Answer 56

Sy was bang hulle vind van Benjamin wat wit is, uit.

Question 57

Hoe het die Dikke die tel van die mense geregverdig?

Answer 57

Hy het Fiela gevra of sy nie in die aande haar hoenders tel nie.

Question 58

Wat het Fiela gehoop moet gebeur sodat Benjamin nie naby die huis kom nie? Noem TWEE dinge.

Answer 58

Sy het gehoop die wyfie breek uit en die kinders hol agter haar aan.
Benjamin se skuit dryf weg en hy moet daarna soek.

Question 59

Waaroor het die Dikke gekla toe hy van die perdekar afgeklim het?

Answer 59

Die hitte.

Question 60

Hoe het Fiela die mans aangespreek?

Answer 60

“Baas”

Question 61

Waarvoor het die Lange gevra?

Answer 61

Sitgoed.

Question 62

DIKKE: Kan een van julle lees en skryf?

Wat het die Dikke met hierdie woorde geïmpliseer?

Answer 62

Fiela-hulle is ongeletterd/ongeskool/dom.

Question 63

DIKKE: Kan een van julle lees en skryf?

Hoekom, dink jy, was die vraag deur die Dikke aanvaarbaar?

Answer 63

Baie anderkleuriges het nie daardie tyd skoolgegaan nie.

Question 64

Fiela kan lees en skryf.

Stem jy saam met die stelling? Motiveer jou antwoord.

Answer 64

Ja. Sy het die haneboek en Trap der Jeugd deurgewerk – sy is geskool.

Question 65

Waaroor was Selling baie verleë/skaam?

Answer 65

Hy het nie die datum van sy geboortedag geken nie.

Question 66

Wanneer is Selling waarskynlik gebore?

Answer 66

In 1820 toe die Britse Setlaars in die land aangekom het.

Question 67

Hoe het Sellings se pa aan hom verduidelik wanneer hy gebore is?

Answer 67

Toe die Engelse met die skepe gekom het om op die plase te kom werk.

Question 68

Wat is Fiela bereid om op te offer solank die kinders net wegbly van die huis af?

Answer 68

Die volstruis, karwatse en swepe.

Question 69

Gee DRIE voorbeelde om te bewys dat die mans op Fiela-hulle
neergesien het.

Answer 69

Die mans het hulleself nie aan Fiela en Selling voorgestel nie.
Hulle spreek Fiela aan as “vrou”.
Hulle het geïmpliseer dat Fiela en Selling dom is (Dink Fiela-hulle kan nie lees of skryf nie/Fiela weet net soos Selling nie wanneer sy gebore is nie.

Question 70

LANGE: Tydens watter pes of ellende is jy gebore?

Wat het die Lange met die woorde aan Fiela gesuggereer?

Answer 70

Fiela weet net soos Selling nie wanneer sy gebore is nie.

Question 71

Sal jy dit aanvaar as mense jou sonder respek aanspreek/behandel? Gee ʼn rede vir jou antwoord.

Answer 71

Nee. Dit is goeie maniere om ander mense te respekteer/almal verdien respek ongeag ons velkleur of posisies in die samelewing.

Question 72

Wat was Fiela se volle name?

Answer 72

Fiela Maria Apools.

Question 73

Wanneer is Fiela gebore?

Answer 73

19 Oktober 1836.

Question 74

Wanneer is Fiela en Selling getroud?

Answer 74

3 Januarie 1859.

Question 75

In watter boek is Fiela se belangrike datums aangeteken?

Answer 75

Bybel.

Question 76

Vir wie het Fiela se pa en oupa gewerk?

Answer 76

Vir die Wehmeyers.

Question 77

FIELA: … hulle vir die Wehmeyers doodgewerk.

Wat het Fiela met die woorde bedoel?

Answer 77

Hulle het baie hard gewerk.

Question 78

Verduidelik hoe Fiela die eienaar van die grond geword het waarop hulle bly?

Answer 78

Na die dood van ou meneer Wehmeyer is 12 morge grond van oude Wolwe op Fiela se pa se naam gesit en na sy dood het Fiela dit geërf.

Question 79

Waar is die bewyse dat die grond aan Fiela behoort?

Answer 79

By meneer Cairncross op Uniondale.

Question 80

FIELA: Ons is nie pagters nie. Ook nie werfvolk nie.

Wat wou Fiela met hierdie woorde aan die sensusmanne oordra?

Answer 80

Hulle huur nie die grond nie – dit behoort aan hulle/hulle is die eienaars
van die grond.
Hulle is nie plaaswerkers/slawe vir iemand anders nie. Hulle werk vir hulleself.

Question 81

Wat het Fiela vir die Here gevra om te doen toe die Lange wou weet hoeveel kinders hulle het?

Answer 81

Om Benjamin van die huis af weg te hou.

Question 82

Verduidelik hoekom Fiela Benjamin nie naby die huis wou hê nie?

Answer 82

Hy is ʼn wit kind wat deur bruin mense aangeneem is en dit is daardie tyd nie toegelaat nie.

Question 83

Hoeveel kinders het Fiela en Selling?

Answer 83

5/Vyf.

Question 84

Wanneer is Dawid gebore?

Answer 84

2 Maart 1857.

Question 85

Wanneer is Benjamin gebore?

Answer 85

13 Februarie 1862.

Question 86

Wanneer is Emma gebore?

Answer 86

6 Februarie 1860.

Question 87

Wanneer is Kittie gebore?

Answer 87

4 Januarie 1856.

Question 88

Wanneer is Tollie gebore?

Answer 88

17 November 1858.

Question 89

Hoe oud was Benjamin?

Answer 89

12 jaar.

Question 90

Hoekom het Fiela gemaak asof sy Benjamin se naam uit die Bybel lees?

Answer 90

Sy naam is nie daarin opgeskryf nie want Fiela het nie geweet wanneer hy gebore is nie/is nie haar eie kind nie.

Question 91

Wat was die naam van Fiela se plaas?

Answer 91

Wolwekraal.

Question 92

LANGE: Waaruit maak julle ʼn lewe?
FIELA: Uit wat ons met ons hande verrig.
Wat het Fiela aan die Lange met haar antwoord op sy vraag probeer sê?

Answer 92

Hulle werk hard vir wat hulle wil hê/hulle sit nie en doen niks nie.

Question 93

Waaruit maak Fiela-hulle ʼn bestaan? Noem SEWE goed.

Answer 93

Koring, mielies, groente, skape, melkbok, Selling brei velle en
volstruisvere.

Question 94

Waarmee boer die Komoeties wat van reën afhanklik is?

Answer 94

Koring, mielies en groente.

Question 95

Hoe het Selling tot die huishouding bygedra? Noem VIER dinge.

Answer 95

Hy brei velle, maak karwatse, swepe en skoene.

Question 96

Aan watter kerk het Fiela-hulle behoort?

Answer 96

Independent Kerk.

Question 97

Noem die naam van die kerk wat hulle in die steek gelaat het.

Answer 97

London Missionary Society.

Question 98

Waaroor was Benjamin baie opgewonde toe hy die gesprek tussen
Fiela en die mans onderbreek het?

Answer 98

Sy skuitjie het tot onder in die vangdam gedryf sonder om om te slaan.

Question 99

Hoe is Fiela se ergste vrees bewaarheid?

Answer 99

Benjamin daag op tydens die sensusmans se besoek.

Question 100

Waaruit kan jy aflei dat Fiela Benjamin baie liefhet?

Answer 100

Sy vra die Here om alles te vat wat sy het maar net nie vir Benjamin nie.

Question 101

Fiela bevind haar in ʼn moeilike situasie.
Wat voel jy vir haar? Gee slegs EEN WOORD.

Answer 101

Simpatie/jammerte.

Question 102

Hoekom voel jy simpatie vir Fiela oor die verlies van Benjamin?

Answer 102

Dit moet erg wees om dalk die kind wat jy grootgemaak het, te verloor.

Question 103

Hoe het die twee mans en Selling onderskeidelik op Benjamin se
aankoms reageer?

Answer 103

Die Lange ruk sy bril af.
Die dikke se mond val oop.
Selling se hande rol al vinniger inmekaar.

Question 104

Waarom sou jy sê was die twee mans so geskok toe hulle Benjamin sien? Gee TWEE redes.

Answer 104

Hulle kon nie glo dat daar ʼn wit kind tussen die bruin mense bly nie.
Kan nie glo dat die wit kind vir die bruin vrou “Ma” sê nie.

Question 105

Kan jy met die mans se skok toe hulle Benajmin gesien het, identifiseer? Verduidelik jou antwoord.

Answer 105

Ja. Dit was ongewoon/dit was nie aanvaarbaar in daardie jare nie.
Nee. Dit maak nie vir my saak nie /dit pla my nie.

Question 106

Hoe, dink jy, tree die meeste mense vandag op teenoor ouers wie se
kinders van ʼn ander ras is?

Answer 106

Ek sal dit aanvaar/dis nie vir my iets vreemds of snaaks nie.

Question 107

Tot watter gevolgtrekking kan jy kom as jy na die mans se gedrag kyk toe hulle Benjamin gesien het?

Answer 107

Hulle is rassisties.

Question 108

Wat het Fiela die Lang man geantwoord toe hy haar gevra het wie se kind Benjamin was?

Answer 108

Dit is HAAR kind.

Question 109

Dink jy die sensusmanne was verras oor die nuus dat Fiela Benjamin se
ma was? Gee ʼn rede vir jou antwoord.

Answer 109

Ja. Benjamin was wit en Fiela-hulle was ʼn bruin familie/van ʼn ander ras.

Question 110

Hoekom het die Lang man ʼn probleem gehad met Fiela se antwoord dat
sy Benjamin se ma was?

Answer 110

Dit was nie ʼn algemene verskynsel in daardie jare nie/hulle was rassisties.

Question 111

Hoekom het die sensusopnemers so intens in Benjamin belanggestel?

Answer 111

Hy was ʼn wit kind wat deur bruin mense grootgemaak is.

Question 112

Hoekom het die mans gedink iets vreemds was aan die gang?

Answer 112

Benjamin kon nie Fiela-hulle se kind wees nie want hulle is bruin en
hy is wit.

Question 113

Verduidelik wat Fiela bedoel het met Benjamin is haar “hanskind”?

Answer 113

ʼn Weeskind wat sy grootgemaak het. (Dit is soos ʼn lammetjie wat deur mense met die hand grootgemaak word.)

Question 114

Waar het Fiela vir Benjamin gekry?

Answer 114

By haar agterdeur.

Question 115

Hoeveel jaar gelede het Fiela vir Benjamin gevind?

Answer 115

9 jaar.

Question 116

Hoe oud was Benjamin toe sy hom gevind het?

Answer 116

± 3 jaar oud.

Question 117

Hoe oud was Benjamin tydens die sensusopnemers se besoek?

Answer 117

12 jaar oud.

Question 118

Benjamin het … toe Fiela hom by haar agterdeur gevind het.

A	gestaan
B	gekruip
C	gesit
D	gelê

Answer 118

A (gestaan)

Question 119

Benjamin was 3 jaar oud toe Fiela hom gevind het.
Hoekom sal jy sê die stelling is nie heeltemal korrek nie.

Answer 119

Fiela het nie presies geweet hoe oud hy was nie. Sy het maar geraai/geskat dat hy 3 jaar oud was.

Question 120

Hoe het Fiela geweet daar was iemand buite by haar agterdeur die nag toe sy Benjamin gevind het?

Answer 120

Hy het gehuil.

Question 121

Wie het Fiela gedink het Benjamin by haar deur gelos?

Answer 121

Sy ma.

Question 122

Het die mans Fiela se storie oor Benjamin geglo? Motiveer jou antwoord.

Answer 122

Nee. Die Lange het gesê sy lieg.

Question 123

Watter tyd van die dag was dit toe Fiela vir Benjamin gevind het?

Answer 123

In die nag.

Question 124

Hoe sou jy gevoel het as jy Fiela was en die mans het jou so aangeval met woorde?

Answer 124

Ontsteld/kwaad/omgekrap.

Question 125

Fiela het dadelik haar daad om Benjamin te hou verdedig. Wat sou jy
gedoen het as jy Fiela was?

Answer 125

Benjamin gehou het. Kon hom nie buite gelos het om dood te gaan nie.

Question 126

Wat sou jy doen as die sensusmanne jou so aangeval het met hulle woorde?

Answer 126

Hulle weggejaag het/op hulle geskree het.

Question 127

Wat het Fiela verkeerd gedoen volgens die Lange?

Answer 127

Om die kind te hou.

Question 128

Verduidelik hoe Fiela haar gedrag probeer regverdig het?

Answer 128

Sy kon nie die kind net buite gelos het nie. Sy het dit probeer aanmeld, maar niemand was beskikbaar nie. Die kind wou haar nie meer los nie/hy was te geheg aan haar. ʼn Ma wat haar kind weggegooi het, draai soos ʼn ooi nie terug nie.

Question 129

Fiela het gevoel dat daar ook bruin kinders tussen die wit kinders op
die wit mense se werf was.
Hoekom was dit toelaatbaar volgens die Lange?

Answer 129

Daardie kinders het in die aande na hulle eie huise teruggekeer.

Question 130

Vir wie moes Fiela van die koms van die kind vertel het?

Answer 130

Petrus Zondagh.

Question 131

Waar sou sy Petrus Zondagh gevind het?

Answer 131

Op grootplaas.

Question 132

Hoekom was Petrus Zondagh die aangewese persoon?

Answer 132

Hy was ʼn vername/belangrike man.

Question 133

Hoekom kon Fiela nie vir Petrus Zondagh van Benjamin vertel nie?

Answer 133

Hy was agter by die see.

Question 134

Na wie moes Fiela Benjamin gevat het toe sy nie vir Petrus Zondagh in die hande kon kry nie?

Answer 134

Na die magistraat.

Question 135

Hoekom was die magistraat nie ʼn opsie to Fiela Benjamin gevind het nie?

Answer 135

Hulle het eers nou onlangs ʼn magistraat gekry.

Question 136

Vir wie het Fiela in die dorp van Benjamin probeer vertel?

Answer 136

Die veldkornet.

Question 137

Hoekom was Fiela se twee pogings om die veldkornet oor Benjamin in te lig, onsuksesvol?

Answer 137

Die eerste keer was hy agter skaapdiewe aan. Die tweede keer was hy na ʼn begrafnis toe.

Question 138

Waarom het Fiela nie ʼn derde keer probeer om die veldkornet in die hande te kry nie?

Answer 138

Benjamin was te geheg aan haar/hy wou haar nie los nie.

Question 138

Waarvan het die Lange Fiela beskuldig?

Answer 138

Dat Fiela die kind skelm gehou het.

Question 139

Hoe lank gelede het Fiela vir Benjamin voor haar agterdeur gekry?

Answer 139

9 jaar.

Question 140

Wat het die Dikke skielik onthou wat Fiela se lewe sou verander?

Answer 140

Van ʼn kind (seun) wat 9 jaar gelede in die Bos weggeraak het en nooit
gevind is nie.

Question 141

Wie was destyds die magistraat op Knysna?

Answer 141

Meneer Blake.

Question 142

Wie het die magistraat gestuur om die houtkappers te help soek na die verlore seun?

Answer 142

ʼn Konstabel.

Question 143

FIELA: Nou probeer baas visvang in ʼn emmer.
Verduidelik die betekenis van die uitdrukking.

Answer 143

Hy sê iets wat onmoontlik is/dit kan nie gebeur nie/is nie moontlik nie.

Question 144

FIELA: Nou probeer baas visvang in ʼn emmer.
Gee ʼn ander uitdrukking wat dieselfde betekenis het.

Answer 144

Die dam onder die eend uitruk.

Question 145

Waar het die kind volgens die Dikke weggeraak?

Answer 145

Kom-se-Bos.

Question 146

Hoekom is dit volgens Fiela onmoontlik vir ʼn kind van 3 jaar oud om van agter die Bos tot by hulle in die Lange Kloof te loop?

Answer 146

Die berge is te erg en dan is daar nog die digte Bos ook.

Question 147

Waarmee het Fiela die onmoontlikheid van wat die Dikke beweer, vergelyk?

Answer 147

Net soos ʼn volstruismannetjie nie ʼn eier kon lê nie, net so kan ʼn kind van 3 jaar oud dit nie uit die Bos tot by haar deur kon gemaak het nie.

Question 148

LANGE: Wat van padlangs?
Hoekom was dit volgens Fiela ook nie moontlik nie?

Answer 148

Daar was 9 jaar gelede nog nie ʼn pad nie.

Question 149

Hoe het Fiela die mans probeer oortuig dat die kind nie self tot by haar
deur geloop het nie?

Answer 149

Hy was skoon en netjies.

Question 150

Wie was die “Hoër Gesag”?

Answer 150

Die magistraat/die hof.

Question 151

Die Lange wou Benjamin uitvra oor wat hy van die dag kon onthou toe hy by Fiela opgedaag het. Dink jy dit is vir ʼn kind van 3 jaar moontlik om sulke besonderhede te onthou? Gee ʼn rede vir jou antwoord.

Answer 151

Nee. ʼn Kind van 3 jaar oud is te klein/jonk om sulke besonderhede te onthou.

Question 152

DIKKE: Miskien moet ons die kind saam met ons neem.
Hoe het Fiela aan die mans gewys dat sy dit nie sou toelaat nie. Gee TWEE feite.

Answer 152

Hulle sal haar eers keel-af moet sny. Hulle het hom in die Goewermentsboek ingeskryf as Benjamin Komoetie – dit kan nie verander word nie.

Question 153

Hoekom sou dit vir die mans moontlik wees om die inligting oor Benjamin
se geboorte in die Goewermentsboek te verander?

Answer 153

Fiela het vir hulle gelieg.

Question 154

Fiela het Benjamin se ma probeer opspoor.
Stem jy saam met die stelling? Motiveer jou antwoord.

Answer 154

Nee. ʼn Ma wat haar kind weggooi, is volgens Fiela soos ʼn ooi wat haar lam weggooi en nooit weer teruggaan nie.

Question 155

Dink jy die mans kon meer simpatiek teenoor Fiela gewees het?
Gee ʼn rede vir jou antwoord.

Answer 155

Ja. Sy het probeer om die kind aan te meld, maar was nie suksesvol nie/
die kind het te geheg aan haar geraak.

Question 156

Hoe het die Dikke Benjamin se vertroue probeer wen?

Answer 156

Hy het Benjamin gevra of hy na sy skuitjie kon kyk/hy het ook baie van skuitjies gehou.

Question 157

Wie het Benjamin gewoonlik gehelp om sy skuitjies te maak?

Answer 157

Selling.

Question 158

Hoe het Benjamin Selling aangespreek?

Answer 158

Pa.

Question 159

Hoe het Benjamin die mans aangespreek?

Answer 159

Baas.

Question 160

Hoe het Fiela die manier waarop Benjamin die sensusopnemers aangespreek het, verdedig?

Answer 160

Hy praat agter hulle aan.

Question 161

Hoekom was dit vir die mans onaanvaarbaar dat Benjamin hulle “baas” genoem het?

Answer 161

Net bruin en swart mense het die wittes “baas” genoem. Wittes het nie ander wittes “baas” genoem nie.

Question 162

Wat het die mans Fiela meegedeel, sou hulle die volgende dag in Knysna gaan doen?

Answer 162

Hulle gaan probeer uitvind oor die ander kind wat in die Bos weggeraak het.

Question 163

Musiek. Doof ligte uit. Ligte op. Dieselfde toneel. Almal is besig met iets, bv. velle brei.
Wat is die funksie van die skuinsgedrukte woorde na die Lange se spreekbeurt?

Answer 163

Die dramaturg dui aan dat tyd verloop het.

Question 164

FIELA: (op band): Februarie. Maart. April. Voorwinter.
Wat is die funksie van die VIER eenwoordsinne?

Answer 164

Dit dui op tyd wat verbygegaan het.

Question 165

Bespreek die effektiwiteit van die VIER eenwoordsinne.

Answer 165

Dit wil beklemtoon dat 3 maande verby is vandat die sensusopnemers daar was en het nog nie teruggekom nie. Dit verminder die spanning so ʼn bietjie.

Question 166

Wat het Fiela met “Voorwinter” bedoel?

Answer 166

Herfs/die begin van winter.

Question 167

FIELA: Dit is of die klip wat Februarie in my gaan lê het, ligter geword het.
Wat was die “klip” waarna Fiela verwys?

Answer 167

Die vrees dat die sensusopnemers gaan terugkom om Benjamin van
haar af weg te vat.

Question 168

FIELA: Dit is of die klip wat Februarie in my gaan lê het, ligter geword het.
Met watter vrees het Fiela in die oggende wakker geword?

Answer 168

Die vrees dat die sensusopnemers gaan terugkom om Benjamin van
haar af weg te vat.

Question 169

FIELA: Dit is of die klip wat Februarie in my gaan lê het, ligter geword het.
Watter maand was die sensusopnemers by Fiela-hulle?

Answer 169

Februarie.

Question 170

FIELA: Dit is of die klip wat Februarie in my gaan lê het, ligter geword het.
Hoeveel maande is verby vandat die mans op Wolwekraal was?

Answer 170

3 maande.

Question 171

Fiela het gerus begin raak oor die sensusopnemers se belofte dat hulle
gaan terugkom.
Stem jy saam met die stelling? Motiveer jou antwoord.

Answer 171

Ja. Sy het na 3 maande nie meer elke oggend wakker geword en gedink hulle gaan vandag daar opdaag nie.

Question 172

Wanneer het die onrus in Fiela se hart so ʼn bietjie bedaar?

Answer 172

Toe die mans na 3 maande nog nie teruggekom het nie.

Question 173

Waarvan was Selling oortuig ten opsigte van die sensuopnemers?

Answer 173

Hulle gaan nie terugkom nie.

Question 174

Dink jy die sensusmanne sou vandag in die 21ste eeu dieselfde reageer het? Motiveer jou antwoord.

Answer 174

Nee. Dit is nie meer ʼn misdaad om die ouers van ʼn ander velkleur kind te wees nie.

Question 175

Hoekom, dink jy, sal Fiela in die 21ste eeu tog wel in die moeilikheid beland oor haar optrede om die kind te behou?

Answer 175

Sy het dit nie aangemeld nie.

Question 176

Hoekom was Selling doodseker dat die sensusopnemers nie meer sou terugkom nie?

Answer 176

3 maande is al verby wat hulle niks van hulle gehoor het nie.

Question 177

Hoe het Fiela die skyn van normaliteit op die werf behou?

Answer 177

Hulle gaan soos altyd aan met hulle dagtake.

Question 178

Wat was Fiela se verskoning aan Benjamin oor hoekom hy nie saam die ander kinders die volstruise in die veld mag gaan oppas nie?

Answer 178

Volgens Fiela luister Benjamin nie want hy bly aan die volstruise se voorkant hardloop en hulle gaan hom nog oopskop.

Question 179

Hoekom, dink jy, het Fiela Benjamin by die huis gehou?

Answer 179

Sy was bang die mans daag daar op en neem hom van haar af weg.

Question 180

Hoe het Fiela haar besluit om Benjamin op die werf te hou, geregverdig?

Answer 180

Volgens Fiela luister Benjamin nie want hy bly aan die volstruise se voorkant hardloop en hulle gaan hom nog oopskop.

Question 181

Hoekom wou Tollie eerder Benjamin as Kittie saam met hom hê?

Answer 181

Kittie lê en slaap onder ʼn bos en dan moet hy alleen na die volstruise kyk.

Question 182

Hoe sou Fiela Kittie straf as sy uitvind sy doen nie haar deel nie?

Answer 182

Met die riem.

Question 183

Glo jy ouers mag hulle kinders straf deur hulle ʼn pak slae te gee/lyfstraf toe te pas? Gee ʼn rede vir jou antwoord

Answer 183

Ja. ʼn Pak slae kan ʼn kind op die regte pad hou/ouers moet net nie ʼn kind wil doodslaan nie.
OF
Nee. Kinders kan hulle ouers gaan aankla/ʼn kind het ook regte.

Question 184

Waarmee het Fiela Benjamin se brei van die velle vergelyk?

Answer 184

Hy brei dit soos wasgoed.

Question 185

Hoekom wou Fiela hê die volstruise moes broei?

Answer 185

Fiela wil geld in die trommel wegsit om grond by te koop.

Question 186

Wat was die volstruiswyfie se naam?

Answer 186

Pollie.

Question 187

Hoekom het Skopper volgens Fiela nie in Pollie belanggestel nie? Gee TWEE redes.

Answer 187

Hy is te vet en te lui.

Question 188

Wat, dink jy, het Fiela gedink toe Benjamin daar ingehardloop gekom het?

Answer 188

Dat die sensusopnemers teruggekom het.

Question 189

Wat se goeie nuus het Benjamin egter gebring?

Answer 189

Die wyfie dans.

Question 190

Hoe het Benjamin oor die gedrag van die wyfie gevoel? Gee slegs EEN woord.

Answer 190

Opgewonde/bly/verheug.

Question 191

Hoekom was almal so bly oor die volstruiswyfie wat gedans het?

Answer 191

Sy is gereed om te broei.