conceptos primo de rivera etc Flashcards
Rexeneracionismo
corrente intelectual, política e literaria de finais do XIX e principios do XX caracterizada polo análise dos males do país e a súa crítica aos vicios do sistema da Restauración como polo seu propósito de atoparlle remedio e de renovar e modernizar a vida política e económica de España. O representante máis destacado do rexeneracionismo foi o aragonés Joaquín Costa.
Semana Tráxica de Barcelona
nome co que se coñece aos feitos violentos acontecidos en Barcelona nunha semana do verán de 1909 ante o decreto do goberno de Antonio Maura de mobilizar aos reservistas (a maioría pais de familia de clase obreira) á guerra de Marrocos. Os sindicatos convocaron unha folga xeral que paralizou a cidade durante unha semana. Reprimida duramente supuxo a caída do goberno de Maura.
Desastre de Annual
importante derrota militar española producida na guerra colonial de Marrocos ante os rifeños comandados por Abd el-Krim en xullo de 1921 perto da localidade homónima. Esta derrota supuxo unha redefinición da política colonial e unha das máis graves crises do sistema da Restauración e foron causa directa do golpe de Estado e ditadura de Miguel Primo de Rivera.
Expediente Picasso
informe redactado polo xeneral de división Juan Picasso que relata os feitos ocorridos na comandancia de Melilla no verán de 1921 durante o desastre de Annual. Ante a esixencia de depurar responsabilidades, abriuse unha investigación sobre o comportamento dos militares e difundiuse a sospeita de que detrás da acción do xeneral Silvestre estaba a acción do propio rei Alfonso XIII.
Directorio Militar
primeira etapa da ditadura de Miguel Primo de Rivera (1923-1925). Recibe o nome porque o directorio esta integrado exclusivamente por militares (oito xenerais e un contralmirante) presidido polo ditador. Tiña función de asesoramento en materia de goberno e na promulagación de decretos que tiñan forza de lei. Substituído en 1925 por un directorio integrado por militares e civís (directorio civil).
Unión Patriótica
agrupación creada en 1924 por Miguel Primo de Rivera durante a ditadura. Esta asociación oscilou entre un movemento de apoio e propaganda á ditadura sen un significado político concreto, e o partido único do novo réxime que pretendía ter certas semellanzas co fascismo italiano.
Pacto de San Sebastián
reunión realizada nesta cidade en agosto de 1930 por políticos republicanas, antigos monárquicos, nacionalistas e socialistas na que se comprometeron a derrocar á monarquía e establecer unha república parlamentaria; garantir a liberdade política e relixiosa; convocar eleccións constituíntes e abrir a posibilidade da autonomía política das rexións.
