8. Natuurlike Pesone: Inkomste Flashcards
Inwoner – Fisiese Teenwoordigheidstoets
Wanneer word die toets gedoen?
Wanneer ʼn persoon normaalweg in die buiteland woonagtig is, maar baie tyd in RSA spandeer.
Persoon moet 91 dae in RSA oorskry in die huidige jaar van aanslag;
EN
Persoon moet 91 dae in RSA oorskry in elk van die vorige vyf jare van aanslag wat die huidige jaar van aanslag voorafgaan;
EN
Persoon moet 915 dae in RSA oorskry in totaal van die vorige vyf jare van aanslag wat die huidige jaar van aanslag voorafgaan.
Bruto inkomste definisie ter bepaling of ʼn bedrag ingesluit moet word
in die 2024 jaar van aanslag
totale bedrag, hetsy kontant of andersins
waarde van bates, in plaas van kontant ontvang, ingesluit
Bruto inkomste definisie ter bepaling of ʼn bedrag ingesluit moet word
in die 2024 jaar van aanslag
Inwoner vs. Nie-inwoner
- Natuurlike persoon: Republiek woonagtig is OF fisiese teenwoordigheidstoets
- Persoon anders as natuurlike persoon: Republiek opgerig, ingelyf is
- OF indien effektief in Republiek bestuur word
Bruto inkomste definisie ter bepaling of ʼn bedrag ingesluit moet word
in die 2024 jaar van aanslag
ontvang deur of toegeval aan
- werklik deur belastingpligtige ontvang
- toegeval (= geregtig daarop)
- ten gunste van belastingpligtige
Bruto inkomste definisie ter bepaling of ʼn bedrag ingesluit moet word
in die 2024 jaar van aanslag
ontvangstes of toevallings nie kapitaal van aard nie
* Subjektiewe toets
- Bedoeling/intensie van belasting pligtige
- Verandering van bedoeling
- Gemengde bedoeling
- Bedoeling in die geval van ‘n maatskappy
- Vasstelling van werklike bedoeling
Bruto inkomste definisie ter bepaling of ʼn bedrag ingesluit moet word
in die 2024 jaar van aanslag
ontvangstes of toevallings nie kapitaal van aard nie
* Objektiewe toets
- wyse van verkryging;
- wyse van verkope;
- lengte van die tydperk waarvoor die bate gehou word;
- kontinuïteit;
- belastingpligtige se beroep;
- geen verandering van eiendomsreg van die bate nie;
- aand van die bate verkoop;
- rede vir die ontvangste;
- regsaard van die transaksie;
- beoefening van ‘n bedryf in die uitvoering van ‘n skema om wins te maak;
- aard van belastingpligtige
- aard van die bate;
- die belastingpligtige se aktiwiteite;
- rekeningkundige hantering van die transaksie.
VRAAG 1 – BRUTO INKOMSTE (EN SPESIALE INSLUITINGS)
John (33 jaar oud en ongetroud) is ‘n RSA-inwoner. Hy ontwerp webwerwe en is voltyds in diens van Webdezine CC, ń RSA-beslote korporasie. Webdezine stuur hom gereeld om opleiding aan sy kliënte in die Verenigde State van Amerika (VSA) te gee.
John se ontvangste en toevallings gedurende die 2024 jaar van aanslag was soos volg:
Notas R
Salaris 1 192 000
Vrywillige toekenning vanaf werkgewer 2 32 000
Huur ontvang 3 91 300
Huurverbeteringe 3 ?
Huurpremie ontvang 3 ?
Rente ontvang 4 16 600
Dividende ontvang 5 49 000
Annuïteit 6 ?
Verlofvoorwaardes gewysig 7 4 000
Privaat werk 8 28 000
Dobbel 9 12 000
Tantieme 10 130 000
Notas
1. John se salaris is verdeel tussen die periodes wat hy in die RSA en die VSA gewerk het (hy was egter te alle tye ‘n RSA-inwoner):
Suid-Afrika R128 000 (8 maande)
VSA R64 000 (4 maande)
Totaal R192 000
- Ter erkenning van al sy jare van getroue diens het Webdezine op 29 Februarie 2024 vrywillige toekenning ontvang wat ‘n bedrag gelykstaande aan twee maande se salaris aan hom oor betaal is.
- John besit ‘n huis op Stellenbosch wat hy die hele jaar aan die Van Stadens - egpaar verhuur het. Die huurkontrak is al reeds op 1 Augustus 2022 gesluit en het die volgende gespesifiseer:
* Die Van Standens moet vanaf 1 Augustus 2022 ‘n maandelikse huur van R8 300 betaal.
* Hulle het egter eers die huur van Februarie 2024 op 15 Maart 2024 betaal.
* Die Van Stadens is verplig om verbeterings aan die huis ter waarde van R40 000 aan te bring.
* Weens kontantvloeiprobleme het die hulle eers die verbeterings gedurende April 2023 teen ‘n bedrag van R35 000 voltooi.
* Die huurtermyn het op 31 Julie 2023 verstryk.
* Die Van Stadens het egter die voorkeurreg om die huis weer te huur en het op 1 Augustus 2023 ‘n eenmalige bedrag van R6 000 as ‘n huurpremie (die reg om die huis te okkupeer) betaal. Maandelikse huur is onveranderd gelaat op R8 300. - John het vaste deposito’s by verskillende banke (FNB, Capitec en ABSA) en ontvang die volgende rente:
Van Suid-Afrika af R9 100
Van Switserland af R7 500
Totaal R16 600 - John besit aandele in RSA as Australiese maatskappye en ontvang die volgende dividende:
Van Suid-Afrika af R32 000
Van Australië af R17 000
Totaal R49 000 - John koop op 1 Desember 2023 ‘n annuïteit van Old Mutual Life Versekeraars teen R420000. Hy ontvang ‘n maandelikse annuïteit van R5000. Die kapitaalgedeelte wat bereken word ingevolge artikel 10A van die inkomstebelastingwet beloop R1 100 per maand annuïteit.
- Weens die resessie het Webdezine die verlofvoorwaardes van al sy werknemers gewysig. Vanaf 1 Junie 2023 is John nie meer geregtig op betaalde studieverlof nie. Om hom hiervoor te vergoed, het Webdezine op 1 Junie 2023 ‘n eenmalige bedrag van R4 000 aan John betaal.
- John doen tuindiens werk vir private kliënte. Sy totale fooie vir die 2024-jaar-aanslag beloop R28 000.
- Op sy verjaardag (14 Junie 2023) dobbel John en ‘n paar van sy vriende in die Grandwest Casino vir die plesier. John het die aand R12 000 gewen.
- John het ‘n handleiding oor webontwerp geskryf wat gedurende November 2023 gepubliseer is. Die handleiding word oor die hele wêreld versprei en hy het die volgende bruto tantieme ontvang:
Van Suid-Afrika af R86 000
Vanuit die buiteland R44 000
Totaal R130 000
Bereken John se bruto inkomste vir die 2024 jaar van aanslag:
* Dui vir elke item aan of dit voldoen aan die algemene definisie van bruto inkomste of ‘n spesifieke insluiting van die definisie van bruto inkomste.
* As ‘n item nie by die bruto inkomste ingesluit is nie, gee ‘n kort rede deur die element wat nie nagekom word nie, te identifiseer.
* U hoef nie na hofsake of artikel nommers te verwys nie.
VRAAG 1 - OPLOSSING
Die volgende inkomstes word ingesluit as BRUTO INKOMSTE in die 2024 jaar van aanslag:
Inkomste Bedrag (R) ingesluit by BI Rede
Salaris RSA
Salaris VSA 128 000
64 000 Dienste gelewer
Vrywillige toekenning 32 000 Dienste gelewer aan werkgewer
Huur 99 600 Algemene definisie
* Totaal = R8 300 x 12 = R99 600 (1 Mrt 2022 – 29 Feb 2024)
* Die huur van Februarie het reeds toegeval
* Wet: Sluit inkomste by BI in op grond van: vroegste van ontvangstes of toevallings
Verbetering van huurpryse 0 Huurverbetering by verhuurder ingesluit
Wet: verbetering was in die jaarkontrak is ingesluit (2023 JVA). Die bedrag word gespesifiseer en John is in 2023 JVA op R40000 belas (ongeag die bedrag wat deur die huurder aangegaan is).
Huurpremie 6 000 Huurpremie by verhuurder ingesluit
Rente ontvang (RSA)
Rente ontvang (Buiteland) 9 100
7 500 Algemene definisie: word belas deur SARS op wêreldwye inkomste omdat John ʼn inwoner is van die RSA.
Dividende (RSA)
Dividende (Buiteland) 32 000
17 000 Plaaslike en buitelandse dividende word ingesluit by BI
Annuïteit 15 000 Annuïteit = R5 000x 3 = R15 000 (Des’23 + Jan’24 + Feb’24)
(Die kapitaalgedeelte (R1 100 x 3) is later ingevolge artikel 10 vrygestel)
Verlofvoorwaardes enkelbedrag 4 000 Enkelbedrag van werkgewer OF (omdat ingevolge die dienskontrak). Dit is nie ‘n skeidingsvoordeel nie (“retrenchment”)
Privaat tuin werk 28 000 Dienste gelewer
Dobbelary - Dobbelgeld is kapitaal van aard en word nie by BI ingesluit nie
Tantieme plaaslik
Tantieme buiteland 86 000
44 000 Wet: word belas deur SARS op wêreldwye inkomste omdat hy ʼn inwoner van die RSA is.
Bruto inkomste 572 200
VRAAG 2 – BRUTO INKOMSTE
Ivan Hesse
Ivan Hesse het in 1994 ʼn woonstelblok aangekoop en verdien sedertdien ʼn goeie opbrengs daarvan. Hy het nie ʼn rekord waar hy gereeld eiendom koop en verkoop nie. Hy is wel bewus daarvan dat hy die 15 afsonderlike woonstelle vir ʼn goeie wins kan verkoop en is besig om ‘n deeltitelregister oop te maak.
Hy is ook van plan om die woonstelle bietjie op te gradeer wat moontlik die verkope daarvan sal vergemaklik en meer aanloklik vir potensiële kopers te maak.
VERLANG:
Bespreek kortliks, met redes, of die opbrengs wat hy verdien met die verkope van die 15 woonstelle inkomste van aard of kapitaal van aard is. Oorweeg in jou antwoord die geval waar hy die woonstelle nie opgradeer nie, teenoor die geval waar hy dit wel opgradeer. Ignoreer kapitaalwinsbelasting.
VRAAG 2 - OPLOSSING
- Wetsvereistes:
- Wat was Ivan se intensie met die woonstelle wanneer hy dit oorspronklik gekoop het?
Hy het dit gekoop met die intensie om die woonstelle te hou vir ʼn belegging, want hy het dit vir ʼn
lang tyd gehad. - Alhoewel hy baie huurinkomste verdien het, het hy nie ʼn rekord waar hy baie eiendomme gekoop en verkoop het nie, en het dus nie gespekuleer met eiendom nie.
- Was daar ʼn verandering in sy intensie sedert sy aankope van die woonstelle?
Elke natuurlike persoon is geregtig om sy bates te laat realiseer tot die beste van sy voordeel. - Die blote oopmaak van ʼn deeltitelregister is nie ‘n indikasie dat hy sy bedoeling verander het van belegging na spekulasie doeleindes nie.
- Gevolgtrekking:
- Die ontvangstes/toevallings in hierdie geval is dus van kapitale aard en uitgesluit van sy bruto inkomste.
Wat as Ivan die woonstelle wou verbeter voordat hy dit verkoop het?
Maar, indien Ivan die woonstelle wil verbeter en dit dan verkoop vir ʼn beter prys, dan kan SARS redeneer dat hy nou die intensie gehad het om die woonstelle vir besigheidsdoeleindes wil verder ontwikkel. Dan is die inkomste gesien as inkomste van aard en word by bruto inkomste ingesluit.
(Bron: Tax Workbook 2024 – Gross Income)
VRAAG 3 – BRUTO INKOMSTE
Die rugby span in RSA word besit en bestuur deur ʼn eenmansaak “Die Springbokke” wat besit word deur Handrè Pollard. In die 2024 jaar van aanslag het “Die Springbokke” twee spelers: Lood de Jager en Faf de Klerk, verkoop. Die spelers is aan NZ verkoop om voortaan vir die Kiwis te speel. Lood was verkoop vir R5 000 000 en Faf was verkoop vir R25 000.
Lood de Jager
Hy het op die ouderdom van 19 jaar oud begin rugby speel vir “Die Springbokke”, en doen so vir al 8 jaar lank. Hy het ʼn lewensdienskontrak geteken, en het afrigting ontvang totdat hy as speler van die jaar aangewys was.
Faf de Klerk
Hy was teen ʼn winskoop opgeraap vanaf die Engelse vir slegs R3000. Maar, “Die Springbokke” het vinnig agtergekom dat hy nie ʼn goeie keuse was vir hulle span nie, en het gedink hulle sal hom weer vinnig kan verkoop teen ʼn wins. Maar, die verkoop transaksie het eers 8 weke nadat hy by die span aangesluit het, gebeur.
VERLANG
Bespreek kortliks watter bedrae, indien enige, by “Die Springbokke” se bruto inkomste ingesluit moet wees vir die 2024 jaar van aanslag.
VRAAG 3 - OPLOSSING
Wetvereistes:
Vir ontvangstes of toevallings om ingesluit te word by natuurlike persone se bruto inkomste, behoort dit aan die definisie van bruto inkomste te voldoen:
Die totale bedrag, hetsy kontant of andersins, wat ontvang of toegeval is in die huidige jaar van aanslag, uitgesluit inkomste van ‘n kapitale aard, word by bruto inkomste ingesluit.
Toepassing:
Die spelers was vir ʼn bedrag verkoop (R5miljoen en R25 000) wat in kontant ontvang is in die huidige jaar van aanslag. Maar daar moet vasgestel word of die ontvangstes kapitaal van aard is of nie, en dit word gedoen deur die natuurlike persoon, Handre Pollard, se intensie met die transaksies (eers die aankope en toe verkope van die spelers) te ondersoek.
Lood de Jager:
Hy was ʼn inkomste-genererende bate vir 8 jaar en word geag ʼn kapitale bate te wees want die intensie met die aankope was nie om hom weer vinnig te verkoop nie.
Gevolgtrekking: R5 miljoen is van kapitale aard en word nie ingesluit by die bruto inkomste van 2024 jaar van aanslag nie.
Faf de Klerk
Hy was gekoop as handelsvoorraad – want hy was net vir ʼn kort periode aangestel en die intensie was om hom weer vinnig te verkoop om sodoende ʼn wins te maak.
Gevolgtrekking: R25 000 is inkomste van aard en word ingesluit by bruto inkomste van 2024 JVA.
VRAAG 4 – BRUTO INKOMSTE (EN SPESIALE INSLUITINGS)
Vinesh Naidoo is ‘n welgestelde entrepreneur en gesondheidsaktivis en inwoner van die Republiek van Suid-Afrika. Weens die impak van die Covid-19-pandemie het Vinesh besluit om vrywillig aan ‘n mediese proef vir ‘n entstof deel te neem. Die mediese proef het vereis dat Vinesh vir ‘n tydperk van drie maande van 1 Februarie 2024 tot 30 April 2024 in ‘n kwarantynfasiliteit moes bly. Gedurende hierdie tydperk sou Vinesh nie na sy mees gewaardeerde besittings kon omsien nie, naamlik sy eksotiese tropiese visse.
Vinesh het ‘n ooreenkoms met Zakia Cassim aangegaan om in sy huis te bly en na sy tropiese visse om te sien terwyl hy aan die mediese verhoor gaan deelneem. Die ooreenkoms het bepaal dat Zakia hierdie dienste van 1 Februarie 2024 tot 30 April 2024 teen ‘n fooi van R10000 per maand sou lewer, dus R30 000 in totaal vir drie maande.
‘n Voorwaarde van die ooreenkoms was dat, indien enige visse gedurende die tydperk sou sterf terwyl hy weg is, Zaskia se fooi verminder sou word met die koste verbonde om die vis te vervang. Die vermindering in haar fooi is egter beperk tot ‘n maksimum gelyk aan die totale fooi betaalbaar. Die bedrag wat ingevolge hierdie ooreenkoms aan Zakia (indien enige) betaal moet word, sou op 30 April 2024 bereken word as R30 000 minus die koste om die dooie visse te vervang, en sal op 2 Mei 2024 aan haar betaal word.
Met sy terugkeer was Vinesh bly dat geen visse gesterwe het nie en het aan Zakia die volle R30 000 op 2 Mei 2024 betaal, soos ooreengekom.
VAN U WORD VERLANG OM
U is werksaam by ʼn konsultasie firma, TKZ Belasting Bpk in Pretoria. Skryf ‘n brief aan Zakia Cassim om te bespreek of die R30 000 by haar bruto inkomste ingesluit moet word en indien wel, dui aan in watter jaar of jare van aanslag die bedrag ingesluit behoort te word.
U antwoord moet verwys na die komponent(e) van die toepaslike bepalings van die Inkomstebelastingwet No. 58 van 1962 aangaande Bruto inkomste.
VRAAG 4 - OPLOSSING
TKZ Belasting Bpk.
PO BOX 123
Pretoria
2000
31 Mei 2024
Me. Zakia Cassim
PO Box 456
Randburg
Johannesburg
2001
Beste Me. Cassim
Belastingaanspreeklikheid vir dienste gelewer.
Met betrekking tot jou navraag oor die vraag of die R30 000 wat jy ontvang het vir dienste gelewer moet word, by jou bruto inkomste ingesluit moet word. Vind aangehegte Bylaag A wat ons bespreking bevat.
Vriendelike Groete
Belastingkonsultant
Bylaag A
Inwoners se bruto inkomste word omskryf in Artikel 1 van die Inkomstebelastingwet No. 58 van 1962, maar spesiale insluitings moet eers oorweeg word aangesien hulle prioriteit bo die algemene definisie geniet. (spesifieke bepalings oorheers algemene bepalings)
(1) Spesiale insluiting - dienste gelewer is hier van toepassing
· Bedrag - R30 000 (vermeld in vereis)
· ten opsigte van - Ja, daar is ‘n oorsaaklike verband tussen die dienste en
die R30 000
· kapitaal van aard is irrelevant vir spesiale insluitings
Ontvang deur of Toegeval aan:
· Ontvang deur - ontvang 2 Mei 2024
· Toegeval - wanneer het dit toegeval? Dit is die probleem:
Die vraag is of die bedrag gedurende die 2024 of 2025 jaar van aanslag deur Zakia ontvang of toegeval is.
Kontant is gedurende die 2025-jaar van aanslag (2 Mei 2024) ontvang, maar dienste is gelewer gedurende beide jare van aanslag.
Toevalling: vir ‘n bedrag wat ‘toegeval’ het in terme van die bruto inkomste definisie beteken dat die belastingbetaler nie net geregtig moes geword het op die bedrag nie, MAAR moes ook onvoorwaardelik geregtig geword het op die bedrag. (Dus daar moes geen voorwaarde gekoppel word aan die reg nie).
(2) Die R30 000 is onderhewig aan ‘n voorwaarde waaraan voldoen moet word, spesifiek enige visverliese wat ervaar word.
Op 28 Februarie 2024 sou u ‘n derde (R10 000) van die kontrak met Vinesh voltooi het. Tog is u op hierdie datum nie geregtig om betaling van Vinesh te eis nie. Die totale fooi sal dus eers op 30 April 2024 aan Zakia toegeval het wanneer enige visverlies gemeet kan word (nie onvoorwaardelik geregtig nie). Voor 30 April 2024, indien ‘n visverlies plaasgevind het, sou u nie ‘n betaling van Vinesh kon eis onder die voorwaardes wat in die ooreenkoms vervat is nie. Aan die einde van die 2024-jaar van aanslag is daar dus geen ontvangste van bruto inkomste uit hierdie ooreenkoms nie.
(3) ‘n Voorwaarde in die kontrak het bepaal dat die totale fooi slegs op 2 Mei 2024 betaalbaar was. Dit is ‘n voorwaarde op die datum van ontvangs (betalingsdatum) en nie die datum van toevalling nie. Daarom sal enige toevalling steeds op 30 April plaasvind wanneer die visverliese gemeet word. Die betalingsdatumbepaling sal nie ‘n impak hê op die datum van toevalling nie, aangesien toevalling die vroeër van die twee datums sal wees. (d.w.s. vroegste van ontvangste of toevalling)
Ten slotte behoort Zakia R30 000 in haar bruto inkomste in die 2024-jaar van aanslag in te sluit wanneer aan alle voorwaardes voldoen is.
[Bron: Universiteit van Pretoria, BEL200, 2021, Vraag 4]
Case study inligting in kort:
Zakia moes Vinesh se visse oppas terwyl hy weg is.
Sy moes dit oppas vir ʼn periode van 3 mnde (1 Feb’24 - 30 April’24)
@ R10 000 p.m. dus = R10 000 x 3mde = R30 000
Voorwaarde: As enige visse sterf sal haar fooi verminder word met die koste om die visse te vervang
Maar: Geen visse is dood nie.
Zakia het toe R30 000 ontvang op 2 Mei 2024.
Analiseer:
1. Sy lewer ʼn diens (spesiale insluiting) dus is kapitaal van aard irrelevant.
2. Vroegste van ontvangste of toevalling: Ontvangste (2 Mei) Toevalling? Dit is die vraag. Het dit haar in die huidige JVA toegeval of eers die volgende JVA.
3. So: Ontvangste was in die 2025 JVA
4. So: Dienste was gelewer in beide JVA’e
5. Toevalling vereis dat belastingpligtige onvoorwaardelik geregtig is op die inkomste. Maar in die geval was dit voorwaardelik.
6. Sy sou nie al 29 Feb 2024 geregtige gewees het op die volle bedrag nie.
7. Sy word eers onvoorwaardelik geregtig op die R30 000 op 30 April 2024 want geen visse was dood nie.
8. Dus: Ontvangste = 2 Mei en Toevalling = 30 April 2024
9. Vroegste: 30 April 2024 – wat in elk geval ook in die 2025 JVA is.
VRAAG 5 – BRUTO INKOMSTE
Ballito Rentals BK is ʼn eiendomsagentskap wat eiendom uitverhuur. Deel van hul besigheidbedrywighede is om huur in te samel en om eiendom in die buiteland te onderhou en te bestuur.
Ballito Rentals bestuur ʼn woonstelblok wat in Malta (Europa) opgerig is. Die woonstelle word besit deur verskeie individue. Die volgende persone het elk ʼn huurinkomste van R85 000 ontvang in die huidige jaar van aanslag omdat hulle hul eenhede uitverhuur het. Die eienaars van die woonstelle is bekommerd dat hulle moontlik aanspreeklik gehou sal word vir normale belasting in die RSA.
Herma Bosman
Herma bly in die RSA. Sy was met vakansie in Australië vir 92 dae in die huidige jaar van aanslag. Dit was die enigste tydperk wat sy in die buiteland spandeer het vir die jaar van aanslag.
Jessica Lange
Jessica is ʼn Franse inwoner wat ook ʼn gewone inwoner is van Italië. Sy is nie ʼn gewone inwoner van die RSA nie. Gedurende ʼn werkende vakansies in 2019 en 2020 het sy die volgende periodes in die RSA spandeer:
* 1 April 2019 tot 15 Februarie 2020 (= 2021 JVA)
* 1 Junie 2021 tot 31 Desember 2021 (= 2022 JVA)
* 56 dae wat strek oor November 2022 en Desember 2022 (= 2023 JVA)
* 1 Oktober 2023 tot 31 December 2023 (= 2024 JVA)
VAN U WORD VERLANG
Om aan te dui wie van die bogenoemde persone onderhewig sal wees aan normale belasting in die RSA in die 2024 jaar van aanslag. Ignoreer die bepalings van dubbelbelastingooreenkomste wat moontlik van toepassing is.
VRAAG 5 - OPLOSSING
Wet vereistes:
Vir ʼn bedrag om by ʼn inwoner se Bruto inkomste ingesluit te word, moet dit voldoen aan die Bruto Inkomste definisie
* Inwoner
* ʼn totale bedrag
* hetsy kontant of andersins
* in die huidige jaar van aanslag
* Ontvang of toegeval
* uitgesluit inkomstes van ʼn kapitale aard
Wanneer ʼn bedrag deur ʼn nie-inwoner van die RSA ontvang / toegeval word, hetsy kontant of andersins, vanaf ʼn bron in Suid-Afrika, in die huidige jaar van aanslag, uitgesluit inkomstes van kapitale aard, moet dit by hul bruto inkomste ingesluit word.
Toepassing:
* Inwoner – daar moet vasgestel word of Herma en Jessica ʼn inwoner is.
* ʼn totale bedrag – beide het ʼn bedrag gekry
* hetsy kontant of andersins – wat hul in kontant ontvang het
* in die huidige jaar van aanslag – was in die 2024 JVA ontvang
* Ontvang of toegeval – ontvang vanuit ʼn buitelandse bron (Malta)
* uitgesluit inkomstes van ʼn kapitale aard – die huurinkomste is nie kapitaal van aard nie
So dan is die vraag:
a) Ontvang die persone die huurinkomste as INWONER van die RSA? Nee
b) As die persoon nie ʼn inwoner is van die RSA nie, is die huurinkomste ontvang vanuit ʼn bron in die RSA?
Herma Bosman
Is Herma ʼn inwoner van die RSA?
Daar moet bepaal word of Herma ʼn gewone inwoner is van die RSA. Gewone inwoner verwys na die beginsel wanneer ʼn persoon na ʼn plek gaan wat sy permanente woning is, OF die plek waarna toe ʼn persoon sal terugkeer na reise.
Herma was op vakansie in Australië en die plek waarna toe sy gaan terugkeer na haar reise is die RSA. Daarom is sy geag ʼn inwoner te wees van die RSA.
Gevolgtrekking: Omrede sy ʼn inwoner is van die RSA gaan die huurinkomste wat sy ontvang het of haar toegeval het, ingesluit word by haar bruto inkomste.
Jessica Lange
Is sy ʼn inwoner van die RSA?
Nee, die gevalle studie het aangedui dat sy is ʼn gewone inwoner van Italië is. Maar sy kan steeds as inwoner van die RSA kwalifiseer indien sy aan die fisiese teenwoordigheidstoets voldoen.
Vereistes van die fisiese teenwoordigheidstoets volgens die wet is:
a) Om meer as 91 dae in die huidige jaar van aanslag in die RSA te spandeer het; EN
b) Om meer as 91 dae, in elk van die voorafgaande vyf jare van aanslag – wat die huidige jaar van aanslag voorafgaan, tyd in die RSA te spandeer; EN
c) Om in totaal meer as 915 dae, in die voorafgaande vyf jare van aanslag – wat die huidige jaar van aanslag voorafgaan, tyd in die RSA spandeer
Toepassing:
* Huidige jaar van aanslag: 1 Okt. tot 31 Des 2023 = (31+30+31) = 92 dae. Voldoen aan eerste vereiste, want dit is meer as 91 dae.
* Vorige 5 jare van aanslag, wat die huidige JVA voorafgaan:
o Geen dae = 2019 JVA < 92 dae – dus voldoen nie aan vereiste nie.
o 1 April 2019 tot 15 Februarie 2020 (= 2020 JVA) = 321 dae > 92 dae – voldoen aan vereiste
o Geen dae = 2021 JVA < 92 dae – dus voldoen nie aan vereiste nie.
o 1 Junie 2021 tot 31 Desember 2021 (= 2022 JVA) = 214 dae > 92 dae – voldoen aan vereiste
o 56 dae wat strek oor November 2022 en Desember 2022 (= 2023 JVA) < 92 dae voldoen nie aan vereiste nie.
Berekeninge:
o 2019 JVA = geen dae nie
o 2020 JVA = 321 dae (30 (April’19) +31(Mei’19) +30(Junie’19) +31(Julie’19) +31(Aug’19) +30 (Sept’19) +31 (Okt’19) +30 (Nov’19) +31(Des’19) +31(Jan’20) +15(Feb’20))
o 2021 JVA= geen dae nie
o 2022 JVA = 214 dae = (30+31+31+30+31+30+31) (Junie tot Des’21)
o 2023 JVA = 56 dae (gegee)
Gevolgtrekking:
* Eerstens: sy voldoen nie aan die 2de vereiste nie want sy was nie in die RSA tydens die 2021 en 2019 JVA nie. Daarom hoef die 3de vereiste nie getoets te word nie. Dus is Jessica nie ʼn inwoner van die RSA nie, want sy voldoen nie aan die fisiese teenwoordigheidstoets nie.
* Tweedens: nie-inwoners word wel belas op inkomste vanuit ʼn Suid-Afrikaanse bron, maar dit is ook nie die geval hier nie, want die inkomste is afkomstig vanaf Malta. Daarom sal die huurinkomste wat verdien is in Malta nie belas word in die RSA nie, en hoef dit nie by haar bruto inkomste vanaf ʼn RSA perspektief ingesluit te word nie.
VRAAG 6 – BRUTO INKOMSTE
Rene (Tantieme)
Rene bedryf ʼn eenmansaak as ʼn outeur en geniet dit om boeke te skryf terwyl sy in die Kruger Wildtuin is, wat in die RSA geleë is. In die huidige jaar van aanslag het tantieme ter waarde van R50 000 haar toegeval vir verkope van haar boek wat plaasgevind het by Exclusive Books op die Victoria Falls lughawe.
OPLOSSING - Rene
Rene
Die definisie van “bruto inkomste” sluit:
alle bedrae in,
wat deur ‘n inwoner ontvang of toegeval word.
‘n Inwoner is onderhewig aan normale belasting op sy wêreldwye ontvangstes en toevallings.
Tantième is die “vrug” (inkomste in die natuur) van die “boom” (kopiereg op die boek en kapitaal in die natuur).
Gevolgtrekking: Sy moet dus die R50 000 by haar RSA bruto inkomste insluit.
Marco (Prysgeld)
Marco is ʼn verkoopspersoon by ʼn kleinhandelaar. Gedurende die 2024-jaar van aanslag het hy ‘n prys gewen omdat hy die kleinhandelaar se produktiefste verkoopspersoon van die jaar was. Die prys was ‘n volledige betaalde vakansie vir twee weke by Hartenbos ter waarde van R70 000. Sy werkgewer het die kostes van R70 000 betaal.
OPLOSSING - Marco
Prysgeld is normaalweg ‘n ontvangste van ‘n kapitale aard wees, omdat dit toevallig gebeur en nie voortspruit uit die bedryf van besigheid nie.
Maar, in Marco se geval hou die wen van die prys egter nou verband met sy werk. Die prys wat aan hom toegeken is, was ‘n voordeel van sy diens.
Gevolgtrekking: Die koste daarvan vir sy werkgewer is die bedrag wat ingesluit is in sy bruto inkomste.
Blake (Erfporsie)
Blake, wat in Kaapstad woon en werk, het in Johannesburg ‘n huis ter waarde van R2500 000 van sy oorlede oupa geërf. Aangesien hy nie Johannesburg toe sal trek nie, het hy dié huis vir R2 650 000 verkoop.
OPLOSSING - Blake
Die definisie van “bruto inkomste” sluit die ontvangstes en toevallings wat van ‘n kapitale aard uit.
‘n Belangrike toets om te doen, is om die belastingbetaler se bedoeling te bepaal: dié van spekulasie of belegging is. Aangesien hy die eiendom geërf het, het hy dit nie met ‘n spekulatiewe bedoeling verkry nie.
Maar, die volgende behoort bepaal te word:
a) het sy bedoeling verander na dié van spekulasie toe hy dit verkoop het?
b) het hy ʼn bedrywigheid daarvan begin maak, of ‘n skema begin om dit vir ‘n wins te verkoop?
c) hy het dit na ‘n kort tydperk verkoop?
Toepassing:
a) Sy intensie was nie om te spekuleer toe hy die huis verkoop nie. Hy wou dit verkoop aangesien hy dit nie nodig gehad het nie.
b) Hy het nie ‘n uitgebreide advertensieveldtog aangegaan om dit te verkoop nie en dus het hy nie ʼn bedrywigheid daarvan gemaak nie.
c) Die inligting dui nie aan of hy die huis vir ʼn kort tydperk gehad nie, so op die gegewe feite sou sy ontvangs of toevalling uit die verkoop daarvan van ‘n kapitale aard wees.
Gevolgtrekking: word hy dus uitgesluit van sy bruto inkomste omdat dit kapitaal van aard is.
Dekker (Geërfde woonstelle – verwante beroep)
Hy is ‘n eiendomsontwikkelaar wat in Pretoria woon en handel dryf met eiendom. Hy het op 3 Maart 2023 ‘n woonstelblok in Pretoria, ter waarde van R18 000 000, geërf van ‘n oorlede oom wat ook in Pretoria gewoon het. Aangesien hy op daardie stadium twee ander woonstelblokke onder deeltitel verkoop het, het hy onmiddellik aansoek gedoen om deeltitelregte op sy geërfde eiendom. Teen 29 Februarie 2024 het hy al die woonstelle in sy geërfde eiendom vir R19 000 verkoop.
OPLOSSING - Dekker
Aangesien hy die eiendom geërf het, het hy dit nie met ‘n spekulatiewe bedoeling verkry nie.
Maar, het sy bedoeling verander na spekulasie van aard toe hy dit verkoop het?
Het hy begin met ‘n skema om dit vir ‘n wins te verkoop?
Hy doen reeds die handel as ‘n eiendomsontwikkelaar, met ‘n gespesialiseerde kennis van hierdie handel. Hy het aansoek gedoen om deeltitelregte daarop. Hy het dit toe binne ‘n kort tydjie teen ‘n aansienlike wins verkoop. Die blote feit dat ‘n aansoek om deeltitelregte gedoen word, dui nie noodwendig op ‘n spekulatiewe bedoeling nie, maar in sy situasie doen hy gereeld soortgelyke transaksies weens sy beroep.
Gevolgtrekking:
Die feit dat hy die handel van ‘n eiendomsontwikkelaar bedryf, kan daartoe lei dat sy geërfde eiendom ook as deel van sy handelsvoorraad geword het. Die ontvangstes of toevallings uit die verkoop daarvan sal dan inkomste van aard wees en by sy bruto inkomste ingesluit word.
