04. ගිණුම්කරණය හැඳින්වීම Flashcards
ගිණුම්කරණය යනු කුමක් ද?
ව්‍යාපාරයක් කෙරෙහි ඇල්මැති පාර්ශවවල තීරණ ගැනීමට ප්‍රයෝජනවත් වන තොරතුරු සැපයීමේ ක්‍රියාවලිය
ගිණුම්කරණයේ අරමුණු මොනවා ද?
- ඇල්මැති පාර්ශවවලට තීරණ ගැනීම සඳහා ප්‍රයෝජනවත් වන තොරතුරු සැපයීම
- ව්‍යාපාරය ප්‍රමාණවත් ලාභයක් උපයා තිබේ දැයි දැන ගැනීම
- ව්‍යාපාරයේ මූල්‍ය තත්ත්වය සතුටුදායකදැයි දැන ගැනීම
- නීතිමය අවශ්‍යතා ඉටු කිරීම
- ගනුදෙනු අමතක වීම සහ අතපසු වීම තුළින් ඇති විය හැකි අවාසි අවම කර ගත හැකි වීම
- මූල්‍ය කටයුතු ක්‍රමවත් කිරීම
මූල්‍ය ප්‍රකාශ යනු මොනවා ද?
ව්‍යාපාර විසින් ඇල්මැති පාර්ශවයන් වෙත සපයන විවිධ වාර්තා
ව්‍යාපාරික ගනුදෙනුවක් යනු කුමක් ද?
ව්‍යාපාරය සහ වෙනත් පාර්ශවයක් අතර සිදු වන සම්පත් හුවමාරුවක්
ව්‍යාපාර ගනුදෙනුවල ප්‍රතිඵල වශයෙන් බිහිවන සංරචක මොනවා ද?
- වත්කම්
- ආදායම්
- වියදම්
- හිමිකම්
- වගකීම්
වත්කමක් යනු කුමක් ද?
අතීත ගනුදෙනුවක ප්‍රතිඵලයක් ලෙස ඇති වන, අනාගතයේ දී ව්‍යාපාරයට ආර්ථික ප්‍රතිලාභ ගලා එන්නා වූ, ව්‍යාපාරය විසින් පාලනය කෙරෙන සම්පත්
වත්කමක ලක්ෂණ මොනවා ද?
- අතීත ගනුදෙනුවක ප්‍රතිඵලයක් ලෙස ඇති වීම
- ව්‍යාපාරයේ පාලනයට යටත් වීම
- අනාගතයේ දී ව්‍යාපාරයට ආර්ථික ප්‍රතිලාභ ගලා ඒම
වගකීමක් යනු කුමක් ද?
අතීත ගනුදෙනුවක ප්‍රතිඵලයක් ලෙස ඇති වන ව්‍යාපාරය විසින් ගෙවිය යුතු අගය
වගකීමක ලක්ෂණ මොනවා ද?
- අතීත ගනුදෙනුවක ප්‍රතිඵලයක් ලෙස ඇති වීම
- වර්තමාන බැඳීමක් තිබීම
- බේරුම් කිරීමේ දී ව්‍යාපාරයේ සම්පත්වලින් කොටසක් පිටතට ගලා යාම
හිමිකම යනු කුමක් ද?
ව්‍යාපාරයක හිමිකරුවන් වෙනුවෙන් පවතින වත්කම් ප්‍රමාණය
ආදායම් යනු කුමක් ද?
අයිතිකරුවන් විසින් ප්‍රාග්ධනය යෙදීම නිසා සිදුවන හිමිකමෙහි වැඩි වීම හැරුණු විට හිමිකමෙහි සිදු වන අනෙකුත් වැඩි වීම්
වියදම් යන්න හඳුන්වන්න
ගැනිලි නිසා සිදු වන හිමිකමෙහි අඩු වීම හැරුණු කොට හිමිකමෙහි සිදුවන අනෙකුත් අඩුවීම්
