Tyd Flashcards
As iets klaar gebeur het, is dit in die…
verlede tyd
Hoe verander jy ‘n sin van teenwoordige tyd na verlede tyd?
waar die werkwoord (verb) was, sit jy “het”;
die werkwoord kry ‘n “ge” vooraan en skuif na die einde van die sin
Skryf in die verlede tyd:
“Frans dans altyd.”
Frans het altyd gedans.
Skryf in die verlede tyd:
“Victoria hou van spring.”
Victoria het van spring gehou.
Skryf in die verlede tyd:
“Leeu gryp Haas se voet.”
Leeu het Haas se voet gegryp.
Vandag eet die duif mielies. Gister…
het die duif mielies geëet.
Hoe verander jy ‘n sin van teenwoordige tyd na toekomende tyd?
waar die werkwoord (verb) was, sit jy “sal”;
die werkwoord skuif na die einde van die sin
Skryf in die toekomende tyd:
“Jagluiperd hardloop altyd vinnig.”
Jagluiperd sal altyd vinnig hardloop.
Skryf in die toekomende tyd:
“Slang sis en seil.”
Slang sal sis en seil.
Skryf in die toekomende tyd:
“Die kinders presteer op skool.”
Die kinders sal op skool presteer.
Skryf in die toekomende tyd:
“Ek sit die pizza in die oond.”
Ek sal die pizza in die oond sit.
Skryf in die verlede tyd:
“Die koei lê onder die boom.”
Die koei het onder die boom gelê.
Skryf in die verlede tyd:
“Die donkie trek ‘n donkiekar.”
Die donkie het ‘n donkiekar getrek.
Noem die 3 tye wat in die Afrikaanse taal voorkom.
verlede tyd
teenwoordige tyd
toekomende tyd
Skryf in die teenwoordige tyd:
“My pa het vir my ‘n fiets gekoop.”
My pa koop vir my ‘n fiets.
