Pagbasa sa Iba't ibang Disiplina Flashcards
Tumutukoy sa mga nakasulat na simbolong nagkakaroon ng kahulugan habang ito ay binabasa. Ito ay ang mga salitang bumubuo sa isang akdang binabasa. Nagtataglay ito ng mayamang ideya at impormasyon
Teksto
Tumutukoy sa mga akda o babasahing ginagamit sa pag-aaral tulad ng teksbuk
Tekstong Akademik
Panahon kung kailan nagsimula ang pagbibigay ng tuon at pagpapahalaga sa tekstong akademik. Sa panahong ito, naging sikat ang mga pag-aaral o kaisipang inilatag ng mga dalubhasa sa agham, pilosopiya, at politika
Panahon ng Pagkamulat (Age of Reason o Intellectual Revolution)
Saan at kailan nagmula ang Panahon ng Pagkamulat?
Europa, ika-18 siglo
5 DISIPLINA SA ILALIM NG TEKSTONG PANG-AKADEMIKO
- Teolohiya (Theology)
- Politika (Politics)
- Sining (Arts)
- Panitikan (Literature)
- Agham (Science)
Kahulugan ng salitang Theo
Diyos
Kahulugan ng salitang logos
Pag-aaral
Pinag-aaralan sa disiplinang ito ang mga ideya o konsepto tungkol sa Diyos at kung paano nakaaapekto ang ganitong paniniwala sa pananampalataya ng isang tao
Teolohiya (Theology)
Dito nagmula ang salitang politika na tumutukoy sa mamamayan
Politikos o Polis
Ito ang agham at sining ng pagpapatakbo ng pamahalaan
Politika (Politics)
Dito matututunan ng mga estudyante na maging malikhain sa pagpapahayag ng kanilang ideya o damdamin. Ito ay may mga uri (plastiko, itinatanghal, praktikal)
Sining (Arts)
Ito ay masining at malikhaing pagtatanghal ng ideya. Dito malalaman ng mga estudyante ang iba’t ibang uri nito tulad ng tula, maikling kwento, sanaysay, at nobela
Panitikan (Literature)
Proseso ng sistematikong pagtamo ng kaalaman. Dito mauunawaan at masusuri ang mundong ginagalawan sa pamamagitan ng pagmamasid at pagtuklas
Agham (Science)
Sistematikong pagsusuri ng mga modelo ng kayarian, pagbabago, at espasyo. Natututunan dito ang mga konsepto na may kinalaman sa BILANG at ang OPERASYON O RELASYON nito
Sipnayan o Matematika
Dito matututunan ang tamang paggamit ng mga salita na laganap sa isang sambayanan. Dito tayo natututo upang ipahayag ang ating nararamdaman, ideya, at nakakapagpalaganap ng impormasyon sa iba’t ibang paraan
Wika (Language)
Dito hango ang salitang Ekonomiya na nangangahulugang pangangasiwa ng pangangailangan ng tahanan
Oikonomia
Ito ay ang pag-aaral sa kilos at pagsisikap ng tao sa paraan ng paggamit ng limitadong pagkukunan ng yaman. Mapag-aaralan dito ang: mahahalagang salik na nakakaapekto sa pamumuhay ng mamamayan at mga isyu ng kakapusan ng mamamayan, trabaho, kahirapan, at marami pang iba na tumutukoy sa problema at sakripisyo ng bawat mamamayan
Ekonomiya (Economics)
Makikita dito ang mga pagtatala ng mga pangyayari di lamang sa bansang kinabibilangan, pati na rin sa pangkalahatan. Matutunghayan dito ang mga nangyari sa nakaraan, ang mga pagkabigo, pagkakaisa ng bawat isa, at pag-ahon ng bansa. Makikita din dito ang mga taong may naiambag sa kasaysayan at may mahahalagang papel na ginampanan
Kasaysayan (History)
Tumutukoy sa pag-aaral ng isang aspeto ng lipunan o isang anyo ng aktibidad sa lipunan. Dito matutunghayan ng mga estudyante ang mga impormasyon na nagsisiwalat o pinapakita kung papaano nakikisama at nakikisalamuha ang bawat mamamayan batay sa kultura na kanilang kinabibilangan
Agham Panlipunan (Social Science)
Ito ang mga akdang binabasa na may kinalaman sa propesyon o kursong kinukuha ng isang estudyante sa kolehiyo o unibersidad. Nakasaad dito ang mga kaalamang magagamit ng mambabasa kapag siya ay nagtrabaho na. Nais nito ang malaking paghahanda upang mahubog ang kasanayan sa napiling propesyon
Tekstong Propesyonal
Ito ang siyentipikong pag-aaral ng pag-iisip ng tao. Dito natututunan ng mga estudyante ang mga salik na nakakaapekto sa pag-iisip ng tao. Mahalaga ito sa pag-aaral dahil dito nasusuri ng mambabasa ang ugali ng tauhan ng isang kwento
Sikolohiya (Psychology)
Kahulugan ng salitang psyche
Utak
Tinaguriang ama ng sikolohiya
Willhelm Maximilian Wundt
Tinaguriang ama ng sikolohiya sa Pilipinas
Virgilio G. Enriquez
Tumutukoy sa sistematikong pag-aaral ng batas. Dito matututunan ng mga estudyante ang mga batas na may kinalaman sa karapatang-pantao sa lipunan. Mahalaga ang pag-aaral nito dahil mas magiging mapanuri ang mambabasa sa mensaheng inihahain ng may akda, kung dapat ba itong sang-ayunan o kung ito ba ay katanggap tanggap o lohikal
Abogasya (Law)
Siya ang simbolong kumakatawan sa sistema ng hukuman
Lady Justice (Justitia)
Ang pag-aaral ng pag-unlad at kultura ng lipunan. Dito matututunan ng mga estudyante ang mga salik na nakakaapekto sa pananaw o saloobin ng iba’t ibang pangkat na bumubuo sa lipunan. Mahalaga ito dahil makakasuri ito ng reaksyon o uri ng pagtanggap ng lipunan sa mensahe ng isang akda
Sosyolohiya (Sociology)
Kahulugan ng salitang socius
Kasama
Tinaguriang ama ng sosyolohiya
Maximilian Carl Emil Webe
Ito ay ang sistematikong proseso ng pagtuturo o pag-aaral. Dito nalalaman ng estudyante ang wastong paraan ng pagtuturo upang maging ganap ang pagkatuto ng mga mag-aaral na kanilang gagabayan sa hinaharap. Mahalaga ito dahil ginagamit ang mga aklat na binabasa natin upang tayo ay matuto. Masusuri ng mambabasa kung mahusay ang akda sa pagtuturo ng sapat at mahalagang impormasyon kung mayroong siyang kaalaman dito
Edukasyon (Education)
Mga guro noong Panahon ng Amerikano
Thomasites
Ang sistematikong pag-aaral ng kompuyter. Dito mapag-aaralan kung paano lumikha ng programang pangkompyuter. Kinakailangan dito ang kaalaman sa matematika at kakayahang magsuri dahil nakasalalay ang paggawa nang mahusay na programa sa wastong proseso
Agham Pangkompyuter (Computer Science)
Ito ang pag-aaral hinggil sa paggagamot. Mapag-aaralan din dito ang iba’t ibang uri ng sakit, sari saring mga gamot, o pamamaraang medikal na maaaring gamitin o gawin upang gumaling ang isang taong may sakit
Medisina
Kilala ang aklat na ito bilang isa sa mga pangunahing sangguniang ginagamit upang maging bihasa sa anatomiya o katawan ng tao
Gray’s Anatomy
Tumutukoy ito sa paggamit ng agham sa disenyo, paggawa at pagpapatakbo ng makina. Ang mga estudyante dito ay makakagawa ng mga dibuho at makapagpaplano kung paano itatayo ang mga gusali at emprastruktura
Inhinyeriya
Sila ay nakatuon sa proseso ng paggawa o paglikha ng isang bagay
Inhinyero
Nakatuon ang pag-aaral nito sa pagpaplano, pagdidisenyo at pagtayo ng mga gusali at iba pang pisikal na estruktura
Arkitektura
Isang interesanteng sanggunian para sa mga arkitekto na nais na malaman ang disenyo ng mga makasaysayang gusali. Ito ay aklat na isinulat ni Arch. Norma I. Alarcon
Philippine Architecture During the Pre-Spanish and Spanish Period
Ito ay ang agham hinggil sa bagay at enerhiya sa kalagayan ng musyon ng pwersa. Sa pag-aaral nito, matututunan ng mga estudyante kung ano ang gamit ng mga payak na makina na pinapatakbo sa mga pabrika. Matututunan din dito ang mahahalagang konsepto tungkol sa force, motion, gravity at iba pang siyentipikong konsepto upang mas maunawaan kung paano gumagalaw ang mga bagay na likas o gawang-tao na nakikita sa ating paligid
Pisika (Physics)
Ang tawag sa agham tungkol sa mga elemento at kompuwesto (compound) at kung ano ang gawain ng mga ito. Ito ang pag-aaral ng mga bagay na bumubuo sa ating katawan at ng mundong ating ginagalawan. Sa pag-aaral nito, matututunan ng mga estudyante ang iba’t ibang elemento at mga sangkap na bumubuo sa mga kemikal
Kimika (Chemistry)
Tawag sa taong nagpakadalubhasa sa kemika
Kimiko o kemist
Sa disiplinang ito, pinag-aaralan ang mga bagay na may buhay tulad ng mga halaman, hayop at tao. Matutunghayan din dito ang pagsusuri sa pisikal at atonomikal na anyo ng isang nilalang na may buhay
Biyolohiya (Biology)
Kahulugan ng salitang bio
Buhay
Sa pag-aaral nito, matututunan ng mga estudyante ang pinagmulan ng mga sinaunang kabihasnan gayundin ang mga kagamitan ng mga sinaunang tao
Arkeolohiya (Archeology)
