09. තාපය Flashcards
උෂ්ණත්වය යනු කුමක් ද?
වස්තුවක් නිර්මාණය වී ඇති අංශුවල පවතින මධ්‍යන්‍ය චාලක ශක්තිය පිළිබඳ මිනුමකි
උෂ්ණත්වය මැනීම සඳහා යොදා ගන්නා උපකරමැය කුමක් ද?
උෂ්ණත්වමානය
ලොව මුල් ම උෂ්ණත්වමානය නිපදවූයේ කවු ද?
ක්‍රි. ව. 1600 දී පමණ ගැලීලියෝ ගැලීලි විසින්
දැනට භාවිත වන විවිධ උෂ්මත්වමාන වර්ග මොනවා ද?
- වීදුරු - රසදිය උෂ්ණත්වමානය
- වීදුරු - මධ්‍යසාර උෂ්ණත්වමානය
- සංඛ්‍යාංක උෂ්ණත්වමානය
වීදුරු - රසදිය උෂ්ණත්වමානයක කොටස් මොනවා ද?
- රසදිය අඩංගු බල්බය
- කේශික සිදුරක් සහිත වීදුරු කඳ
උෂ්ණත්වමාන ද්‍රවයක් ලෙස රසදිය භාවිත වීමට හේතු මොනවා ද?
- ප්‍රසාරණය පුළුල් උෂ්ණත්ව පරාසයක් තුළ ඒකාකාරී වීම
- හොඳින් තාපය සන්නයනය කිරීම
- පුළුල් උෂ්ණත්ව පරාසයක් තුළ ද්‍රවයක් ලෙස පැවතීම
රසදිය ද්‍රවයක් ලෙස පවතින උෂ්ණත්ව පරාසය කොපමණ ද?
-39°C සිට 357°C දක්වා
වීදුරු - මධ්‍යසාර උෂ්ණත්වමානයක භාවිත වන උෂ්ණත්වමාන ද්‍රවය කුමක් ද?
එතිල් (එතනෝල්)
මද්‍යසාර උෂ්ණත්වමානයකින් මැනිය හැකි උෂ්ණත්ව පරාසය කොපමණ ද?
-115°C සිට 100°C දක්වා
එතිල් මද්‍යසාරයේ ද්‍රවාංකය කොපමණ ද?
-115°C
මද්‍යසාර උෂ්ණත්වමාන යෝග්‍ය වන්නේ කවර උෂ්ණත්ව මැනීම සඳහා ද?
සෙල්සියස් අංශක 0 ට අඩු උෂ්ණත්ව මැනීම සඳහා
එතනෝල් උෂ්ණත්වමාන ද්‍රවයක් ලෙස භාවිතයට ගැනීම සඳහා හේතු මොනවා ද?
- ද්‍රවාංකය ඉතා පහළ අගයක් (-115°C) ගැනීම නිසා සෙල්සියස් ඍණ අගයක් ගන්නා උෂ්ණත්ව මැනීමට යෝග්‍ය වීම
- අනෙක් ද්‍රවවලට සාපේක්ෂ ව ප්‍රසාරණය වැඩි වීම
- ප්‍රසාරණය, උෂ්ණත්වය සමග ඒකාකාරී වීම
සංඛ්‍යාංක උෂ්ණත්වමානයක උෂ්ණත්වය මැනීම සඳහා භාවිත වන ගුණය කුමක් ද?
ප්‍රතිරෝධය වැනි උෂ්ණත්වය මත රඳා පවතින විද්‍යුත් ගුණයක්
වර්තමානයේ භාවිත වන උෂ්ණත්ව පරිමාණ මොනවා ද?
- සෙල්සියස් පරිමාණය
- ෆැරන්හයිට් පරිමාණය
- කෙල්වින් පරිමාණය
සෙල්සියස් පරිමාණය සාදා ඇත්තේ කෙසේ ද?
1 atm පීඩනය යටතේ සංශුද්ධ අයිස් ජලය බවට පත්වන උෂ්ණත්වය ශුන්‍ය ලෙසත්, ජලය හුමාලය බවට පත්වන උෂ්ණත්වය 100°C ලෙසටත් ගැනීමෙන්
සෙල්සියස් පරිමාණය සඳහා ජලය අයිස් වන උෂ්ණත්වය හා හුමාලය වන උෂ්ණත්වය තෝරාගෙන ඇත්තේ ඇයි?
- පහසුවෙන් ලබා ගත හැකි උෂ්ණත්ව දෙකක් වීම
- පීඩනයේ සිදුවම වෙනස්කම් හැරුණු විට වෙනස් නොවන උෂ්ණත්ව වීම
උෂ්ණත්ව පරිමාණයක් සකස් කර ගැනීම සඳහා භාවිත කරන වෙනස් නොවන උෂ්ණත්ව හැඳින්වෙන නම කුමක් ද?
අචල ලක්ෂ්‍ය
ෆැරන්හයිට් පරිමාණය සාදා ඇත්තේ කෙසේ ද?
සංශුද්ධ ජලය අයිස්වන උෂ්ණත්වය 32°F ලෙසත්, හුමාලය වන උෂ්ණත්වය 212°F ලෙසත් ගෙන අචල ලක්ෂ්‍ය දෙක අතර පරාසය කොටස් 180 කට බෙදීමෙන්
කෙල්වින් පරිමාණය සකස් කළේ කවු ද?
කෙල්වින් සාමිවරයා
යම් වස්තුවකට තිබිය හැකි අවම උෂ්ණත්වයක් පවතින බව සොයා ගත්තේ කවු ද?
කෙල්වින් සාමිවරයා
යම් වස්තුවක උෂ්ණත්වයට තිබිය හැකි අවම අගය හඳුන්වන නම කුමක් ද?
නිරපේක්ෂ ශුන්‍යය
නිරපේක්ෂ ශුන්‍යය සෙල්සියස් පරිමාණයෙන් කොපමණ අගයක් ගනී ද?
-273.15°C
කෙල්වින් පරිමාණය සාදා ඇත්තේ කෙසේ ද?
නිරපේක්ෂ ශුන්‍යයේ උෂ්ණත්වය 0°K ලෙසත්, 1°K ක උෂ්ණත්ව පරාසයක් 1°C ට සමාන වන ලෙසත්
උෂ්ණත්වය මැනීමේ ජාත්‍යන්තර ඒකකය කුමක් ද?
කෙල්වින් K
ජලය අයිස් වන උෂ්ණත්වය කෙල්වින් කොපමණ ද?
273 K
ජලය නටන උෂ්ණත්වය කෙල්වින් කොපමණ ද?
373 K
තාපය යනු කුමක් ද?
යම් වස්තු දෙකක් අතර පවතින උෂ්ණත්ව වෙනස හේතුවෙන් එක් වස්තුවක සිට අනෙක් වස්තුවට ගලා යන ශක්තිය
තාප සංක්‍රාමණය යනු කුමක් ද?
එක් වස්තුවක සිට තවත් වස්තුවකට තාපය ගලා යෑම
වස්තු දෙකක් අතර උෂ්ණත්වය සමාන වීම නිසා එකිනෙකට තාප සංක්‍රාමණයක් සිදු නොවන අවස්ථාව හඳුන්වන නම කුමක් ද?
තාපජ සමතුලිතතාව
තාපය මැනීම සඳහා භාවිත වන අන්තර්ජාතික ඒකකය කුමක් ද?
ජූල් J
තාපය මැනීම සඳහා භාවිත වන ඒකක මොනවා ද?
- ජූල්
- කැලරි
තාප ධාරිතාවය යනු කුමක් ද?
යම් වස්තුවක උෂ්ණත්වය ඒකක 1 කින් වැඩි කිරීම සඳහා සැපයිය යුතු තාප ප්‍රමාණය, එම වස්තුවේ තාප ධාරිතාවය ලෙස හැඳින්වේ
තාප ධාරිතාව මනින අන්තර්ජාතික ඒකකය කුමක් ද?
- කෙල්විනයට ජූල් ( J K-1)
තාප ධාරිතාව මනින ඒකක මොනවා ද?
- කෙල්විනයට ජූල් ( J K-1)
- සෙල්සියස් අංශකයට ජූල් ( J °C-1)
යම් වස්තුවක තාප ධාරිතාවය රඳා පවතින සාධක මොනවා ද?
- වස්තුව සාදා ඇති ද්‍රව්‍ය
- වස්තුවේ ස්කන්ධය
යම් ද්‍රව්‍යක තාප ධාරිතාවය දක්වන සංකේතය කුමක් ද?
C
විශිෂ්ට තාප ධාරිතාව යනු කුමක් ද?
යම් ද්‍රව්‍යක ඒකක ස්කන්ධයක උෂ්ණත්වය ඒකක එකකින් වැඩි කිරීමට ලබා දිය යුතු තාප ප්‍රමාණය
ද්‍රව්‍යක තාප ධාරිතාව හා සමානුපාතික වන්නේ එම ද්‍රව්‍යයේ කුමන ගුණය ද?
ස්කන්ධය
වස්තුවක තාප ධාරිතාව ලබා ගැනීමට ඇති සූත්‍රය කුමක් ද?
තාප ධාරිතාව = ස්කන්ධය × විශිෂ්ට තාප ධාරිතාව
C = mc
