Vocabulario Tema 1/2 Flashcards
Aluvión
Materiais que forman parte dos depósitos sedimentarios de orixe fluvial.
Caracterízanse polo desgastre das súas aristas debido ó frotamento durante o seu
arrastre
Foz
(tamén denominada garganta) val estreito e profundo, enmarcado por vertentes
abruptas, case verticais, creadas pola erosión dos ríos ó circular sobre materiais duros.
Esta forma é propia do relevo cárstico e do relevo sobre rocas metamórficas.
Meseta
superficie plana de gran extensión, horizontal ou lixeiramente ondulada,
elevada con respecto ao nivel do mar. Apenas presenta accidentes topográficos de
importancia e os seus rebordos poden ser montañosos. En España é a unidade principal
do relevo peninsular, resto do antigo macizo xurdido na oroxenia herciniana, que foi
arrasado pola erosión, e afectado e deformado polo movemento alpino que fixo xurdir
os seus sistemas interiores e os rebordos montañosos.
Tectónica de placas
Teoría que explicou a deriva continental e outros fenómenos.
A superficie exterior da Terra consiste en aproximadamente dez bloques ou placas
ríxidas. Estas transportan aos continentes e aos solos oceánicos, están en constante
movemento e son a causa de moita actividade xeolóxica (formación de montañas,
volcáns e terremotos). As placas sofren tres tipos básicos de movementos: sepáranse,
converxen e deslízanse
Ría
Val fluvial somerxido baixo o nivel do mar a causa da elevación deste. A orixe
xeomorfolóxica está relacionada cun asolagamento do val fluvial relacionado con
movementos isostáticos e un afundimento tectónico asociado á rede de fracturas
preexistentes.
Tómbolo
Barra de área que une un illote rochoso á costa. Pode ser dobre cando
son dúas as barras areentas quedando entón unha lagoa entre as dúas.
Zócolo
chairas ou mesetas formadas na era primaria ou paleozoico como resultado
do aplanamento pola erosión de cordilleiras xurdidas nesta era. Os materiais
paleozoicos son rochas silíceas: granito, lousa, cuarcita e xistos. Son ríxidas e ante
novos empuxes oroxénicos fractúranse ou rompen. Na actualidade, os zócolos
constitúen relevos horizontais que ocupan extensas áreas na metade occidental da
Península.
Macizos antigos
montañas formadas polo novo levantamento dun bloque do
zócolo como consecuencia dos movementos oroxénicos da era terciaria, polo tanto os
seus materiais son paleozoicos. Presentan cumios suaves e redondeados.
Cordilleiras de pregamento
grandes elevacións montañosas que xurdiron na
oroxénese da era terciaria polo pregamento de materiais sedimentarios calcarios,
depositados polo mar na era secundaria.
Cuncas sedimentarias
zonas afundidas formadas na era terciaria e recheas de
sedimentos. Presentan relevos horizontais ou suvemente inclinados porque non foron
afectados por oroxéneses posteriores.
Aridez
sequidade, falta de humidade. A aridez aumenta coa temperatura e a
escaseza de precipitacións. O índice de aridez establece a relación entre a
temperatura e a humidade nun espazo determinado; segundo o índice de Gaussen
un mes é árido cando o dobre da súa temperatura media é maior ou igual que as
precipitacións.
Barlovento
zona exposta á dirección do vento.
Inversión térmica
fenómeno meteorolóxico que se produce cando una capa de
aire quente se sitúa po enriba dunha capa de aire frío e altera a circulación norma
do aire. Produce néboas persistentes e, nas grandes cidades, un aumento dos niveis
de contaminación do aire.
Isobara
liña imaxinaria debuxada nun mapa que une todos os puntos que teñen
igual presión atmosférica
Isohieta
liña imaxinaria debuxada nun mapa que une todos os puntos que teñen
igual volume de precipitacións.
