T.3/4/5

Question 1

Poboación activa

Answer 1

é o conxunto de persoas de 16 e máis anos que aportan man de obra
para a produción de bens e servizos ou que están dispoñibles e fan xestións para se
incorporar á dita produción. Comprende tanto a poboación que realiza un traballo
remunerado, poboación activa ocupada, como a que está buscando un posto de traballo,
poboación activa desocupada, ben porque o tivo e está en paro, ou ben porque está
buscando o seu primeiro emprego

Question 2

esperanza de vida

Answer 2

promedio do número de anos que un individuo pode esperar vivir ben
no momento de nacer ou cando acada unha determinada idade, sempre que os niveis de
mortalidade permanezan constantes. Este índice obtense a partir das táboas de mortalidade.

Question 3

réxime demográfico

Answer 3

denomínase así a cada unha das etapas ou fases na evolución do
movemento natural da poboación nun país, nas que a natalidade, a mortalidade e o
crecemento natural presentan características homoxéneas.

Question 4

censo de poboación

Answer 4

fonte demográfica que consiste no reconto individualizado da poboación do país nun momento determinado. Recolle datos demográficos, económicos e sociais da poboación: sexo, idade, estado civil, lugar de nacemento, nacionalidade, idioma, nivel de estudos, … O censo realízase en España cada dez anos ( desde o 1981, nos acabados en 1 ) O último, de 2011, cifraba o número de residentes en España en 40,8 millóns de habitantes. Trátase dun documento estático que reflicte o estado da poboación nun momento dado.

Question 5

crecemento vexetativo

Answer 5

refírese á diferenza entre a natalidade e a mortalidade nunha rexión ou país. Será positivo se a natalidade supera á mortalidade, e negativo en caso contrario.

Question 6

taxa de fecundidade

Answer 6

indicador demográfico que pon en relación o número de nacidos vivos co número de mulleres en idade de procrear, isto é, entre os 15 e os 49 anos. Exprésase en tantos por mil

Question 7

padrón municipal

Answer 7

fonte demográfica que consiste no rexistro das veciñas e veciños dos
termos municipais, recolle tamén datos demográficos, económicos e sociais da poboación.
É un documento dinámico, vivo, xa que cando unha persoa se traslada a vivir a outro
municipio ten a obriga legal de empadroarse nel. De aí que sexa denominado Padrón
continuo de poboación

Question 8

laurisilva

Answer 8

vexetación forestal moi densa característica da zona subtropical húmida,
con máis de vinte especies, sendo a faia e o loureiro as máis abundantes. En España
atópase nas abas das montañas das illas Canarias occidentais, entre os 800 e os
1200 m, aproximadamente, onde o mar de nubes dos alisios provoca a diminución
da temperatura e o aumento da humidade.

Question 9

maquis

Answer 9

formación arbustiva de máis de dous metros de altura, moi densa e case impenetrable, propia da rexión bioxeográfica mediterránea. Non é una formación vexetal clímax, senón o resultado da degradación do bosque mediterráneo polo ser humano. As especies principais son a xara, o breixo, o lentisco e a xesta.

Question 10

vexetación antrópica

Answer 10

vexetación introducida polo ser humano, xeralmente co fin de obter unha maior rendibilidade económica que coa vexetación climax.

Question 11

landa /vaquita)

Answer 11

formación vexetal densa de matogueira propia das zonas de clima oceánico. Pode aparecer pola degradación do bosque caducifolio ou como vexetación supraforestal. As especies máis abundantes son o breixo, o toxo e a xesta.

Question 12

cunca fluvial

Answer 12

territorio drenado por un río principal e os seus afluentes e o terreo por onde discorren as augas que os alimentan. Está delimitada por divisorias de augas, formadas polos cumios dos relevos montañosos que a rodean.

Question 13

estiaxe

Answer 13

diminución do caudal de auga dun río ou dun lago, nunha determinada
época do ano, debido á escaseza de precipitacións

Question 14

marisma

Answer 14

Terreo pantanoso, de auga salgada, situado nas proximidades da
costa, case sempre á beira das desembocaduras de ríos.

Question 15

comunidade autónoma

Answer 15

entidade territorial formada por provincias limítrofes, territorios insulares ou provincias con entidade histórica rexional, dotadas de autonomía lexislativa e capacidade de autogoberno sobre os asuntos da súa competencia. En España hai 17 comunidade autónomas e dúas cidades autónomas

Question 16

estatuto de autonomía

Answer 16

: é a norma legal básica pola que se rexen todas as comunidades autónomas. Neles establécese a súa denominación, delimitación territorial, identificación das institucións autonómicas existentes e a súa localización, así como as competencias que asumen. O Estatuto de Autonomía de Galicia foi promulgado o 6 de abril de 1981.

Question 17

municipio

Answer 17

constitúe a entidade territorial básica en España. A súa función é prestarlle servizos aos veciños/as, máis variados canto maior sexa a súa poboación. O goberno e a
administración municipal correspóndelle ao concello, integrado polo alcalde/sa e os/as concelleiros/as. As/os concelleiras/os elíxense por sufraxio universal directo, e estes, á súa vez, elixen ao alcalde/sa.

Question 18

parroquia

Answer 18

división administrativa menor ca un municipio integrada por varios núcleos de
poboación, propia de Galicia e Asturias. É a categoría tradicionalmente recoñecida ás
entidades colectivas de poboación. Como tales non teñen entidade xurídica ningunha. En
Galicia existen 3781 parroquias, que comprenden desde unha aldea até quince ou máis.

Question 19

provincia

Answer 19

entidade territorial formada por unha agrupación de municipios. A súa función é
fomentar os intereses provinciais, prestar servizos de ámbito provincial, coordinar os
servizos dos municipios e cooperar con eles. O goberno e a administración provincial
correspóndelle á deputación, integrada por un presidente/a e os/as deputados/as. Os/as
deputados/as escóllense entre os/as concelleiros/as electos e estes, á súa vez, elixen ao
presidente/a.

Question 20

movementos antiglobalización

Answer 20

constitúen un amplo conxunto de movementos sociais
formado por activistas provenientes de distintas correntes políticas, que a finais do século
XX converxeron na crítica social ao proceso de globalización. Acusan ao actual proceso de
globalización de beneficiar ás grandes multinacionais e aos países máis ricos, acentuando
a precariedade do traballo e consolidando un modelo de desenvolvemento inxusto e non
sustentable. Tamén o acusa de socavar a capacidade democrática dos Estados, entre outros
aspectos negativos.

Question 21

obxectivos de desenvolvemento

Answer 21

tamén coñecidos como Obxectivos Mundiais, son 17 propósitos de desenvolvemento humano fixados pola ONU en 2015. Estes 17 obxectivos baséanse nos logros dos Obxectivos de Desenvolvemento do Milenio (2000), aínda que inclúen novas esferas como o cambio climático, a desigualdade económica, a innovación, o consumo sustentable e a paz e a xustiza, entre outras prioridades.

Question 22

efecto invernadoiro

Answer 22

retención de calor nas capas baixas da troposfera. Prodúcese de modo natural pola presenza de vapor de auga e nubes, pero a actividade estao intensificando a causa da emisión de monóxido de carbono (CO) procedente da queima de combustibles fósiles. O CO, combinado co vapor de auga atmosférico produce CO2, elemento que actúa a modo dun cristal: deixa pasar a radiación solar, pero non deixa escapar o calor irradiado polo chan

Question 23

paisaxe

Answer 23

conxunto formado polo ecosistema dunha área e os elementos económicos, sociais e
culturais propios da sociedade humana e que determinan a súa influencia no lugar

Question 24

Cambio climático

Answer 24

É a modificación que sofre o clima en relación ao paso do tempo e no ámbito global. Sobre o clima influen minutos fenómenos: órbita da Terra, as corrientes marinas.

Question 25

Pegada ecológica

Answer 25

E un indicador para medir o impacto que provoca unha persoa sobre o planeta. Calculase sumando as Terras de cultivo, pastos bosques e zonas de pesca que unha persoa precisa para producir os alimentos e os materias que consumen e absorben os residuos que produce