Lá Spraoi san Ardchathair Flashcards
Iomha 1
Chuaigh Siobhán agus a mháthair go dtí an t-aerphort le mac léinn Spáinneach, Sophia a bhailiú.
Chuir siad failte chroíúil roimpi.
Bhí a lán daoine ag an aerfort agus iad ar bís le fáilte abhaile a chur roimh a gcairde agus a ngaolta.
Ba léir go raibh Sophia ag súil go mór leis an turas.
Iomha 2
A lá ina dhiaidh sin, chuaigh Siobhán agus Sophia ar thuras bus timpeall na cathrach.
Chuaigh siad go Sraid Uí Chonaill.
Chonaic siad an spíce agus Ard-Oifig an Phoist, agus thug siad comharthí den Luas faoi deara freisin.
Rinne Siobhán cur síos do Sophia ar na nithe seo go léir.
Tá an chuma orthu gur bhain siad an-taitneamh as an turas.
Iomha 3
Thug siad cuairt ar Chólaiste na Tríonóide.
Chonaic siad Leabhar Cheanannais agus Leabharlann Fhada.
Bhí an áit dubh le daoine agus bhí scuaine an-fhada ann.
Is doigh liom gur ith siad rud éigin sa bhialann ina dhiaidh sin.
Iomha 4
Ina dhiaidh sin arís, bhain siad an-sult as na rudaí eile a bhí le feiceáil sa chathair.
Thugadar Cuairt ar Phairc an Chrócaigh agus ceapaim gur bhain siad an-taitneamh as an iarsmalann ann.
Chuaigh siad go Staid Aviva agus Gairdín na nAinmhithe ina dhiaidh sin.
Ar deireadh thiar, chuaigh siad go hArdeaglais Naomh Pádraig.
Iomha 5
Tar éis an taistil go léir, bhí an-ocras ar na cailíní agus d’ith siad lón i mbialann i lár na cathrach.
D’ol siad caife agus chaith siad tamall ag caint is ag comhrá.
Rinne siad dreas siopadóireachta chomh maith agus mar sin bhí sos ag teastáil uathu.
Lig siad a scíth ar feadh tamaill sa bhialann.
Iomha 6
Bhí ticéad curtha in áirithe i gcomhair dráma acu.
Bhí dráma “The Field” le John B. Keane ar siúl in Amharclann na Mainistreach.
Shroich siad an amharclann roimh a hocht a chlog.
Bhain siad taitneamh as an dráma.
Ach ag deireadh na hoíche bhí siad scriosta tar éis na n-imeachtaí ar fad a bhí déanta acu.
Is cinnte nach ndéanfadh an Spáinneach dearmad ar a céad turas go hÉirinn.
Ceisteanna
- Cá raibh na daoine sa chéad phictiúr?
- Luaigh áis amháin a bhí ar fáil sa choláiste i mbosca cuig.
- Cén dráma a bhí ar siúl i bpictiúr a sé>
