G10 3 Flashcards
Ito ay isang kuwento na hango sa banal na aklat o Bibliya. Ito ay ang katawagan sa mga kuwento na ginamit ng ating Panginoon sa kanyang pangangaral. Ito ay nagmula sa salitang Griyego “parabole” na ang ibig sabihin ay pagkukumpara.
Parabula
Ang mga pangunahing tauhan sa mga parabula ay mga tao. Ito ay kalimitang may aral na nakapaloob. Ito ay naglalarawan sa may tunay na nangyayari sa buhay ng isang tao.
Parabula
Ang parabula ay…
✓ Kuwentong hango sa banal na kasulatan ng iba’t ibang relihiyon.
✓ Kapupulutan ng maraming aral na nasasalamin sa buhay ng karaniwang tao.
✓ Nagsisilbing gabay sa mga nararapat na gawin ng tao.
✓ Isang tekstong nagsasalaysay ng mga payak na pangyayari sa buhay.
✓ Gaya ng iba pang akdang pampanitikan ay binubuo rin ng iba’t ibang elemento: tauhan, tagpuan, at banghay
Katangian ng Parabula
Ito ang mga karakter na nagbibigay-buhay sa parabula. Gaya ng karaniwang pagkilos ng mga tao sa totoong buhay, nagtataglay rin ng iba’t ibang emosyon ang mga tauhang ito na siyang nagiging representasyon ng damdaming umiiral sa kuwento. Karaniwang ipinakikilala lamang ng isang tagapagsalaysay ang katangian ng mga tauhan sa kuwento. Gayundin, ang tagapagsalaysay ay maituturing na kabilang sa mga tauhan sa kuwento.
Tauhan
Ito ay tumutukoy sa lugar na pinangyarihan ng kuwento. Dahil kalimitang mula ang mga kuwentong ito sa Bibliya, hango rin sa sinaunang pamumuhay ang paglalarawan ng mga tagpuan nito. Ipinakikita rin ng pisikal na katangian ng tagpuan ang mga salik na maaaring makaapekto sa damdamin at kilos ng mga tauhan dito
Tagpuan
Ito ang sunod-sunod na pangyayari at daloy ng salaysay sa parabula. Kadalasang ito ay simple lamang na paglalahad. Nagsisimula ito sa pagpapakilala ng tauhan at ang paglalahad ng mga katangian nito. Hanggang sa pataas na pataas na aksyon. Sa huli, nagbibigay ito ng wakas na nagbibigay ng mensaheng nais ipabatid ng parabula.
Banghay
Ito ay humuhubog sa pagkatao ng isang mambabasa. Tumitimo sa isipan ng mambabasa ang mga aral na pinalulutang ng isang parabula.
➢ Ito ay tumutulong sa pagbibigay ng tamang desisyon. Nagiging gabay ang mga aral na mapupulot sa parabula tungo sa pagtimbang sa tama at maling desisyon.
➢ Ito ay naglalahad ng mga proseso o hakbangin sa tamang pagdedesisyon.
➢ Ito ay nagbibigay-payo. Nag-iiwan ng palaisipan ang mga parabula na ang layunin ay makapag-isip ang mambabasa sa kung ano ba talaga ang mas angkop na gawin sa isang desisyon.
➢ Ito ay naglalahad ng mga tama at maling gawain. Kalimitang naguguluhan ang mga tao sa kung ano nga ba ang tama at mali, at ang dapat sa hindi dapat. Malaki ang gampanin dito ng parabula sa pamamagitan ng pagbibigay ng mga halimbawang sitwasyon mula sa kuwento
Kakanyahan ng Parabula
