Whakamāramatanga o nga Kupu whenua Flashcards
He horanga whenua tino nui, he papatahi, he āhua papatahi rānei.
mānia
He puke oneone, he wāhi tokatoka rānei kei te moana. Ka kitea ina mimiti te wai.
tāhuna
He ara whāiti i waenganui i ētahi pari tiketike poupou.
ara kūiti
He rerenga wai ka maringi iho i tētahi wāhi poupou, tētehi wāhi tiketike tonu.
tāheke, wairere, horowai, hīrere
He whenua oneone, he whenua kirikiri rānei e taiheke atu ana ki te tai.
one
He whenua noho mākū tonu, noho tāpokopoko tonu.
repo
Te wāhi whakarunga rawa o te maunga.
toi, akitu, tihi
He awa pakupaku tēnei e peka atu ana i tētahi awa matua.
manga, haemanga
He pito whenua e karapotia ana e te wai.
motu, moutere
He pito whenua teitei e toro atu ana i te tahatika ki te moana, ki te roto rānei.
kūrae
He pokorua i te pari, i te puke, i raro rānei i te whenua.
ana
He horanga whenua tino nui, he āhua pukepuke hoki.
raorao
Te wāhi o te awa e puta atu ai ōna wai ki tētahi atu awa, ki tētahi roto, ki te moana rānei.
wahapū, ngutuawa, pūaha
Ngā whenua e piri tata ana ki te whenua, e whai haere ana i te moana. Ki ētahi, mō ngā whenua tokatoka anake tēnei kupu.
ākau, takutai
He whenua kirikiri kei te takutai moana, ā, he areare te hanga o tētahi pito ki tētahi.
whanga
Te takotoranga whenua matua, ina whakatairitea ki ōna anō moutere iti e pātata ana
tuawhenua
Kua kore ngā tipu, ngā rākau, ngā otaota o tēnei whenua. He tūpā, he tītōhea.
koraha
Ko te iwituaroa tēnei o tētahi maunga, puke. Ko te ara whakawhiti tēnei i ētahi pae maunga.
hiwi
Ka marangai ana ka auheke te paruparu me te kirikiri i te taha o te maunga o te pari rānei.
horo
He takotoranga whenua roroa, he whāiti, he puke e rārangi ana i ngā taha e rua, tērā tonu pea he awa e rere ana i waenganui.
riu, awaawa, kōawaawa
He rite ki te horanga whenua raorao.
pārae
Ko te wai tēnei ka mātāpuna mai i te puku o te whenua.
puna
He mata tokatoka tū poupou, tū tiketike mai
pari
