Rannyezhoù ha lavarennoù

Question 1

Bzhg Gw. evit druzoni, lard ur pemoc’h

Answer 1

Bloneg

Question 2

Ub a zo laouen d’ober ar pezh o deus c’hoant ar re all, ub a zo kountant d’en em reizhañ diouzh c’hoant ar re all.

Answer 2

Bugel an holl

Question 3

Un doare all da lavarout «ne wele den ebet»

Answer 3

Ne wele kristen (Treger)

Ne wele gour (Enez Eusa)

Question 4

Ober udb hep taol evezh

Answer 4

Ober udb a-dro-jouas

Question 5

Un doare all da lavarout «daskrenet en deus» pe «hiriset en deus»

Answer 5

Aet eo an Ankoù dreist dezhañ.

Question 6

Pa’z erru ub hep gwenneg ebet.

Answer 6

Aet eo an andon da hesk.

Question 7

Mont kuit a-daol-trumm, hep soñjal en a-raok.

Answer 7

Mont a-raok e benn

Tec’hel a-raok e benn

Question 8

Un doare da lavarout «tost eo ar fin, marv e vo a-benn nebeut», galleg «ça sent le sapin».

Answer 8

Arouez plankenn a zo gantañ

Question 9

«Treut eo»

Answer 9

N’eus nemet ar pevar askorn anezhañ.

Question 10

Da pep hini e natur.

Answer 10

Askorn d’ar c’hi, logodenn d’ar c’hazh.

Question 11

Un doare all da lavarout «kerkent hag am bo tro».

Answer 11

Diouzhtu p’am bo avel.

Question 12

Lezel e frankiz d’ub.

Answer 12

Leuskel avel gant ub.

Question 13

Ub n’en deus ket aon d’ober udb.

Answer 13

Ur paotr/baotrez badezet mat.

Question 14

Chom boud, bezañ abaf

Answer 14

Chom balc’h e c’henoù

Question 15

Ur grennlavar a dalvez «ub a gaoz kalz diwar-benn ar re all a zle bezañ prest da reseviñ e begement»

Answer 15

An neb a zo lemm beg e deod a zle bezañ kalet kostez e benn.

Question 16

Ub a zo war-nes mervel pe koll pep tra.

Answer 16

Emañ o vont d’ar bern. (Leon)

Question 17

Gwelout ar vro tro-dro

Answer 17

Gwelet ar biojoù. < biog

Question 18

Mont da vevañ digant boued, lojeiz ha/pe labour ar re all.

Answer 18

Lipat e viz e ti unan all.

Question 19

«Naon-du am eus»

Answer 19

Me zo blank va c’hof gant an naon.

Question 20

Ub a chom e-unan.

Answer 20

Bleiz Kergadiou.

Question 21

Kaozeal hep gouzout eus a bep seurt traoù.

Answer 21

Prezeg pig ha bran.

Question 22

Bezañ nac’het gant ur paotr/baotrez e-keñver karantez.

Answer 22

Kaout ur c’habestr.

Question 23

Koll e amzer en aner.

Answer 23

Kalfichat an ibil re voan.

Question 24

Un doare da lavarout «hennezh a gas e aferioù en un doare kevrinus, sekred».

Answer 24

Hennezh na lavar ket e oferenn war gan.

Question 25

Ober pep tra en-e-unan, hep skoazell.

Answer 25

Kanañ ha dougen ar groaz.

Question 26

Pa n’eo ket kountant ur bugel hag e chom hep kaozeal en ur gornell, en ur ziskouez ez eo displijet.

Answer 26

Aet eo ar boc’h war e chouk.

Question 27

Un doare all da lavarout «Dougerez eo-hi»

Answer 27

Pounneraat a ra he botoù.

Question 28

Kanañ puilh diwar-benn ub, kontañ traoù drouk diwar-benn ub all.

Answer 28

Ober e votoù d’un all.

Question 29

Fougeal diwar netra.

Answer 29

Ober lorc’h gant bougasin.

Question 30

Ub a zo kountant forzh penaos, mat eo pep tra dezhañ ingal.

Answer 30

Un den brizh e sac’h.

Question 31

Reiñ un dra en eskemm d’an hevelep tra.

Answer 31

Gwerzhañ e vuoc’h da gaout un annoar.

Question 32

Kanañ pouilh d’ub.

Answer 32

Kannañ e roched d’ub.

Question 33

Lavaret diwar-benn ur familh/par en deus kudennoù en ti.

Answer 33

Ar c’harr a wigour.

Question 34

Mont da cheñch udb goude bezañ e brenet.

Answer 34

Cheñch bugel er c’havell d’ub.

Question 35

Bezañ kuzh

Answer 35

Ober e gazh gleb

Question 36

Ur grennlavar da lavarout ez eskemmer traoù par an eil ouzh egile.

Answer 36

Kemm ouzh kemm

Ed evil holen.

Question 37

Un doare da lavarout «kaout debron en e dreid»

Answer 37

Emañ ar gemenerien o wriat em zreid.

Question 38

Un doare all da lavarout «Kerse ho po !»

Answer 38

C’hwi a lakao ho piz en toull kerse.

Question 39

Un doare da lavarout «aes eo d’ub a zo en diogel komz ha burutellañ»

Answer 39

Ar c’hi en e loj

E vez kreñv e gaoz

Question 40

Un doare all da lavarout «lakaat ar c’harr a-raok ar c’hezeg»

Answer 40

Debriñ e gig a-raok e soubenn.

Question 41

Ul lavarenn da dalvezout reolenn Sant Tomas, .i. gwell eo din gwelout eget klevout.

Answer 41

Kant kleved ne dalvezont ket ur gweled.

Question 42

Un doare da lavarout «pep afer he deus daou du, daou zoare da sellout outi»

Answer 42

Ne saver ket ar c’hleuz deus un tu hepken.

Question 43

Bouzar-glez, bouzar penn-da-benn.

Answer 43

Bouzar evel ur c’hloc’h.

Question 44

Ret eo anzaviñ ubd mat graet gant ub, ret eo anavezout ur servij.

Answer 44

Koar d’ar sant pa vez graet ar burzhud.

Question 45

Ober freuz-stal.

Answer 45

Sankañ e gontell er voger. (Leon)

Question 46

Ul lavarenn evit «en em glevout a reont mat»

Answer 46

Mont mat a ra ar c’hoñvers ganto/etrezo.

Question 47

Mont hep ober netra, bezañ lezireg.

Answer 47

Ober e gorf.

Question 48

Kaozeal lous diwar-benn ub.

Answer 48

Ober ur c’houez war ub.

Question 49

Ul lavarenn a dalvez «klufan».

Answer 49

Yann e grampouezhenn domm

Question 50

Kaozeal gant ub d’o c’hendrec’hiñ, komz d’ub d’hen lakaat da sevel a-du.

Answer 50

Ober ur c’hrog lemm war ub.

Question 51

«C’est mon anniversaire»

Answer 51

Echu eo va bloavezh ganen.

Question 52

Latar, brumenn* (Leoneg)

Answer 52

Mogidell*

Question 53

Bragoù (Leon)

Answer 53

Bragez*

Question 54

«Stanket on, setu me gwall paket»

Answer 54

Bourdet on !

Question 55

Gwelout a ra mat-tre

Answer 55

Ken krak eo e lagad da hini ar goulm.