lines 303-407

Question 1

tandem hīs Aenēān compellat vōcibus ultrō:

Question 2

‘dissimulāre etiam spērāstī, perfide, tantum posse nefās tacitusque meā dēcēdere terrā?

Question 3

nec tē noster amor nec tē data dextera quondam nec moritūra tenet crūdēlī fūnere Dīdō?

Question 4

quīn etiam hībernō mōlīris sīdere classem et mediīs properās Aquilōnibus īre per altum, crūdēlis?

Question 5

quid, sī nōn arva aliēna domōsque ignōtās peterēs, et Troia antīqua manēret, Troja per undōsum peterētur classibus aequor?

Question 6

mēne fugis?

Question 7

per ego hās lacrimās dextramque tuam tē (quandō aliud mihi iam miserae nihil ipsa relīquī), per cōnūbia nostra, per inceptōs hymenaeōs, sī bene quid dē tē meruī, fuit aut tibi quicquam dulce meum, miserēre domūs lābentis et istam, ōrō, sī quis adhūc precibus locus, exue mentem.’

Question 8

Tē propter Libycae gentēs Nomadumque tyrannī ōdēre, īnfēnsī Tyriī;

Question 9

tē propter eundem exsīnctus pudor et quā sōlā sīdera adībam fāma prior.

Question 10

Cui mē moribundam dēseris - hospes, (hoc solum nōmen quoniam dē conjuge restat?) Quid moror?

Question 11

An mea Pygmaliōn dum moenia frāter dēstruat, aut captam dūcat Gaetūlus Iarbās?

Question 12

Saltem sī qua mihī dē tē suscepta fuisset ante fugam subolēs, sī quis mihi parvulus aulā lūderet Aenēās, quī tē tamen ōre referret, nōn equidem omnīnō capta ac dēserta vidērer.”

Question 13

Dīxerat. Ille Jovis monitīs immōta tenēbat lūmina, et obnixus cūram sub corde premēbat.

Question 14

Tandem pauca refert:

Question 15

“Ego tē, quae plūrima fandō ēnumerāre valēs, numquam, rēgīna, negābō prōmeritam, nec mē meminisse pigēbit Elissae, dum memor ipse meī, dum spīritus hōs regit artūs.

Question 16

Pro rē pauca loquar.

Question 17

Neque ego hanc abscondere fūrtō spērāvī (nē finge) fugam, nec conjugis umquam praetendī taedās, aut haec in foedera vēnī.

Question 18

Mē sī fāta meīs paterentur dūcere vītam auspiciīs et sponte meā compōnere cūrās, urbem Trojānam prīmum dulcīsque meōrum reliquiās colerem, Priamī tēcta alta manērent, et recidīva manū posuissem Pergama victīs.

Question 19

Sed nunc ītaliam magnam Grynēus Apollō, ītaliam Lyciae jussēre capessere sortēs;

Question 20

hic amor, haec patria est.

Question 21

Sī tē Karthāginis arcēs Phoenissam Libycaeque aspectus dētinet urbis, quae tandem Ausoniā Teucrōs cōnsīdere terrā invidia est?

Question 22

Et nōs fās extera quaerere rēgna.

Question 23

Mē patris Anchīsae, quotiēns ūmentibus umbrīs nox operit terrās, quotiēns astra ignea surgunt, admonet in somnīs et turbida terret imāgō;

Question 24

mē puer Ascanius capitisque injūria cārī, quem rēgnō Hesperiae fraudō et fātālibus arvīs.

Question 25

Nunc etiam interpres dīvum Jove missus ab ipsō (testor utrumque caput) celerīs mandāta per aurās dētulit:

Question 26

ipse deum manifestō in lūmine vīdī intrantem mūrōs vōcemque hīs auribus hausī.

Question 27

Dēsine mēque tuīs incendere tēque querēlis;

Question 28

ītaliam nōn sponte sequor.’

Question 29

tālia dīcentem jamdūdum āversa tuētur
hūc illūc volvēns oculōs tōtumque pererrrat
lūminibus tacitīs et sīc accēnsa profātur:

Question 30

“nec tibi dīva parēns generis nec Dardanus auctor, perfide sed dūrīs genuit tē cautibus horrēns caucasus Hyrcānaeque admōrunt ūbera tigrēs.

Question 31

Nam quid dissimulō aut quae mē ad majōra reservō? num flētū ingemuit nostrō? num lūmina flexit? num lacrimās victus dedit aut miserātus amantem est? quae quibus anteferam?

Question 32

jam jam nec maxima jūnō nec Sāturnius haec oculīs pater aspicit aequīs. nūsquam tūta fidēs.

Question 33

ejectum lītore, egentem excēpī et rēgnī dēmēns in parte locāvi.

Question 34

āmissam classem, sociōs ā morte redūxī (heu furiīs incēnsa feror!):

Question 35

nunc augur apollō, nunc Lyciae sortēs, nunc et jove missus ab ipsō interpres dīvum fert horrida jussa per aurās.

Question 36

scīlicet is superīs labor est, ea cūra quiētōs sollicitat.

Question 37

neque tē teneō neque dicta refellō:

Question 38

ī, sequere ītaliam ventīs, pete rēgna per undās.

Question 39

spērō equidem mediīs, sī quid pia nūmina possunt, supplicia hausūrum scopulīs et nōmine Dīdō saepe vocātūrum.

Question 40

sequar ārtrīs ignibus absēns et, cum frīgida mors animā sēdūxerit artus, omnibus umbra locīs aderō.

Question 41

dabis, improbe, poenās.

Question 42

audiam et haec mānīs veniet mihi fāma sub īmos.”

Question 43

hīs medium dictīs sermōnem abrumpit et aurās aegra fugit sēque ex oculīs āvertit et aufert, linquēns multa metū cūnctantem et multa parantem dīcere.

Question 44

suscipiunt famulae conlāpsaque membra marmoreō referunt thalamō strātīsque repōnunt.

Question 45

at pius Aenēās, quamquam lēnīre dolentem sōlandō cupit et dictīs āvertere cūrās, multa gemēns magnōque animum labefeactus amōre jussa tamen dīvum exsequitur classemque revīsit.

Question 46

tum vērō Teucrī incumbunt et lītore celsās dēdūcunt tōtō nāvīs.

Question 47

natat ūncta carīna, frondentīsque ferunt rēmōs et rōbora silvīs īnfabricāta fugae studiō.

Question 48

migrantīs cernās tōtāque ex urbe ruentīs.

Question 49

ac velut ingentem formīcae farris acervum
cum populant hiemis memorēs tēctōque repōnunt, it nigrum campīs agmen praedamque per herbās convectant calle angustō:

Question 50

pars grandia trūdunt obnixae frūmenta umerīs, pars agmina cōgunt castīgantque morās, opere omnis sēmita fervet.