L3L4_Introduksyon at Layunin

Question 1

Ito ay tumutukoy sa isang maikling talatang
kinapapalooban ng pangkalahatang
pagtalakay ng paksa.

Dito tinatalakay ang
mga sagot sa tanong na Ano at Bakit

Answer 1

Panimula o Introduksyon (Rasyunal)

Question 2

Mga Gabay na Katanungan sa Pagbuo ng Rasyunal

Answer 2

1. Tungkol saan ang iyong pananaliksik?Bakit ito mahalagang pag-aralan?
2. Anong problema, isyu o katanungan ang nais sagutin ng isasagawang pananaliksik?
3. Paano ito maiuugnay sa lokal at global na
   konteksto?
4. Anong mga pag-aaral ang naisagawa na hinggil sa paksang pampananaliksik na nais gawin?

Question 3

Sa bahaging ito nakalagay ang sanhi o layunin kung bakit isinasagawa ang
pag-aaral.

Tinutukoy rin dito ang mga pangunahing suliranin na nasa anyong patanong.

Ito ay isa sa pinakamahalagang bahagi ng pananaliksik.

Ito ang pokus o sentro ng pag-aaral.

Answer 3

Layunin

Question 4

Ano-ano ang mga disenyo ng pananaliksik?

Answer 4

Kwantitatibo

Kwalitatibo

Deskriptibo

Action Research

Historikal

Case Study

Komparatibo

Normative Study

Etnograpikong Pag-aaral

Eksploratori

Question 5

Itong disenyo ng pananaliksik at tumutukoy sa sistematiko at empirical na imbestigasyon ng iba’t ibang paksa at penomenong panlipunan sa pamamagitan ng mathematical, estadikal, at mga teknik na pamamagitan ng gumagamit ng komputasyon.

Answer 5

Kwantitatibo

Question 6

Itong disenyo ng pananaliksik ay kinapapalooban ng mga uri ng pagsisiyasat na ang layunin ay malalimang unawain ang pag-uugali at ugnayan ng mga tao at ang dahilan na gumagabay rito.

Answer 6

Kwalitatibo

Question 7

Sa disenyo ng pananaliksik na ito ay pinag-aaralan ang pagkasalukuyang ginagawa, pamantayan, at kalagayan.

Answer 7

Deskriptibo

Question 8

Sa disenyo ng pananaliksik na ito inilalarawan at tinatasa ng mananaliksik ang isang tiyak na kalagayan, pamamaraan, modelo, polisiya, at iba pa sa layuning palitan ito ng mas epektibong pamamaraan.

Answer 8

Action Research

Question 9

Ang disenyo ng pananaliksik na ito ay gumagamit ng iba’t ibang pamamaraan ng pangangalap ng datos upang makabuo ng mga kongklusyon hinggil sa nakaraan.

Answer 9

Historikal

Question 10

Ang pananaliksik na nasa ganitong disenyo ay naglalayong malalimang unawain ang isang partikular na kaso kaysa magbigay ng pangkahalatang kongklusyon sa iba’t ibang paksa ng pag-aaral.

Answer 10

Case Study

Question 11

Ang disenyo ng pananaliksik ng ito ay naglalayong maghambing ng anomang konsepto, kultura, bagay, pangyayari, at iba pa.

Answer 11

Komparatibo

Question 12

Ang disenyo ng pananaliksik na ito ay naglalayong maglarawan ng anomang paksa; gayunpaman, naiiba ang diesnyong ito—hindi lamang simpleng deskripsyon ang layunin nito, kundi nagbibigay-diin sa pagpapabuti o pagpapaunlad ng populasyong pinag-aaralan batay sa mga tanggap na modelo o pamantayan.

Answer 12

Normative Study

Question 13

Ito ay isang disenyo ng pananaliksik na nag-iimbestiga sa kaugalian, pamumuhay, at iba’t ibang gawi ng isang komunidad sa pamamagitan ng pakikisalamuha rito.

Answer 13

Etnograpikong Pag-aaral

Question 14

Isinasagawa ang disenyo ng pananaliksik na ito kung wala pang gaanong pag-aaral na naisagawa tungkol sa isang paksa o suliranin.

Answer 14

Eksploratori

Question 15

Naglalaman ang bahaging ito ng tiyak na bílang ng mga kasangkot sa pag-aaral, tiyak na lugar, at ang hangganan ng kaniyang paksang
tatalakayin sa pananaliksik pati na ang tiyak na panahong sakop ng pag-aaral.

Answer 15

Mga Kalahok at Sampling

Question 16

Mga Katanungang Dapat Sagutin Hinggil sa Sampling

Answer 16

Sino ang kasangkot sa pag-aaral?

Ilan ang kasangkot?

Paano sila pipiliin?

Question 17

Ito ay tumutukoy sa grupo ng interes ng gagawing pananaliksik; ang grupong ninanais paghanguan ng resulta sa gagawing pag-aaral.

Answer 17

Populasyon

Question 18

Ito ay tumutukoy sa grupo (tao o bagay) na pinaghahanguan ng mga impormasyon para sa pananaliksik.

Answer 18

Sampol

Question 19

Ito ay tumutukoy sa proseso ng pagpili ng mga indibidwal na miyambro ng isang grupo para sa paksa ng gagawing pag-aaral o pananaliksik.

Answer 19

Pagkuha ng Sampol

Question 20

Bakit karaniwang praktis ang kumiha ng isang bahagi ng malaking populasyon?

Answer 20

1. Magastos kung buong populasyon
2. Maraming oras ang igugugol kung buong populasyon
3. Nakapaghihinuha (Inferring) at nakapaglalahat (generalizing) tungkol sa populasyon gámit ang sampling

Question 21

Ano-ano ang mga hakbang sa pagsasampling?

Answer 21

Pagkilala sa populasyon, pagtiyak sa kinakailangang sukat ng sampol at estratehiya sa pagpili ng sampol

Question 22

Ano-ano ang mga estratehiya sa sampling?

Answer 22

Random Sampling:
Simple
Stratified
Cluster

Non-Random Sampling
Systematic
Convenience
Purposive

Question 23

Ito ay isang uri ng sampling na kung saan, ang bawat miyembro ay mayroong pantay na pagkakataon upang mapili (EQUIPROBABILITY) at maging bahagi ng gagawing sampol ng pag-aaral

Answer 23

Random Sampling

Question 24

Sa bahaging ito, inilalahad ng mananaliksik ang mga detalye sa paraan ng pangongolekta ng datos na kinakailangan o ginagamit upang matugunan ang mga suliraning ipinahayag sa pag-aaral.

Answer 24

Kasangkapan sa Pangangalap ng Datos

Question 25

Ano-ano ang mga paraan sa pangangalap ng datos?

Answer 25

1.Paghahanap ng mga impormasyon sa mga aklat, internet at iba pang babasahin.

2. Talatanungan

3.Pakikipanayam

Question 26

Ito ang karaniwang ginagamit sa pagsasagawa ng sarbey.

Ito ang pinakamabilis na paraan sapagkat may tiyak na katanungan na sinasagot ang mga respondyente. Karaniwan din ang pagkakaroon nito ng tiyak na sagot na pagpipilian.

Answer 26

Talatanungan

Question 27

Ano-ano ang mga uri ng talatanungan?

Answer 27

Malayang Tugon
Walang takdang bilang
Walang takdang tugon

May Pagpipiliang Tugon
Dichotomous Question
Multiple Choice
Ranking Scale
Agreement Scale

Question 28

Ito ay isang uri ng talatanungan na kung saan, ang tinatanong ay walang ibang pagpipilian maliban sa mga nakahaing sagot sa talatanungan

Answer 28

May Pagpipiliang Tugon

Question 29

Ito ay isang uri ng talatanungan na kung saan, malayang naipapahayag ng mga taong pinag-aaralan ang kanilang opinyon. Ang mga tanong dito ay walang inaasahang tiyak na sagot.

Answer 29

Malayang Tugon

Question 30

Ito ang direktang paghahanap ng mga impormasyon na magkaharap ang mananaliksik at ang taong magbibigay ng impormasyon.

Answer 30

Pakikipanayam

Question 31

Ano-ano ang mga uri ng panayam?

Answer 31

Impormal na panayam

Panayam na may gabay

Bukas o malayang panayam (Open-ended)

Panayam batay sa mga inihandang tanong at sagot na pagpipilian (fixed response)

Pagsasarbey gamit ang telepono

Pagpapadala sa koreo (sulat)

Sarbey gamit ang computer (online survey)

Question 32

Ito ay isang paraan ng pangangalap ng datos na siyang pangunahing paraan ng siyentipikong pananaliksik. Maaari itong gamitin sa iba’t ibang layunin ng pananaliksik.

Answer 32

Obserbasyon

Question 33

Ano-ano ang mga paraan sa pangangalap ng datos?

Answer 33

● Makabubuting bigyan ang kinakapanayam ng letter of consent ng kanilang pakikilahok sa pag-aaral

● Tiyaking may dalang interview guide ang mananaliksik upang maging mabuti ang daloy ng pagtatanong.

● Planuhing mabuti ang itatanong.

● Tiyakin sa kinakapanayam na ang mga impormasyong kanyang ibibigay ay magiging kumpidensyal at magagamit lamang sa pag-aaral.

● Humingi ng pahintulot sa napiling taong kakapanayamin bago ito isagawa.

● Humingi ng pahintulot sa kinakapanayam kung gagamit ng recorder o video.

● Maging magalang at mapagpasalamat matapos ang panayam.