Scileanna le Daoine Flashcards
Suim i mothúcháin daoine eile
Tá suim agat i mbuarthaí agus i mothúcháin daoine eile. Déanann tú iarracht bealaí a aimsiú chun teacht i gcabhair ar dhaoine.
Léargas ar dhaoine
Tá tuiscint agat ar cad ina thaobh a dhéanann daoine na rudaí a dhéanann siad, agus tá foighne agat i dtaca leis na gníomhartha a dhéanann daoine eile.
Oscailteacht
Molann tú agus fáiltíonn tú roimh chumarsáid le gach aon duine ag gach aon leibhéal. Tá an claonadh ionat do thaithí phearsanta a roinnt agus muinín a bheith agat as daoine eile.
Meas
Tá cumas ionat mothúcháin, riachtanais, smaointe, mianta agus roghanna daoine eile (lena n-áirítear daoine ó chultúir agus ó chiníonacha eile), a thuiscint.
Cumas Cainte
Tá tú in ann eolas a chur i láthair daoine aonair agus grúpaí, go soiléir agus go muiníneach. Is féidir leat féachaint sna súile ar dhaoine agus is féidir leat aird lucht féachana nó daoine aonair a choimeád.
Éisteacht Ghníomhach
Éisteann tú go cúramach le daoine eile. Tógann tú do chuid ama ag éisteacht, cuireann tú ceisteanna, agus ní chuireann tú isteach orthu agus iad ag caint.
Comhrá
Labhraíonn tú go soiléir agus éisteann tú go cúramach. Tugann tú d’aird don duine eile. Lorgaíonn tú soiléiriú nuair is gá agus tuigeann conas déileáil le comharthaíocht choirp.
Áiteamh
Léiríonn tú gur féidir leat dul i bhfeidhm ar dhaoine eile. Cuidíonn daoine leat go héasca.
Ballraíocht foirne
Oibríonn tú go maith le grúpaí daoine agus léiríonn tú tiomantas do chuspóirí na foirne. Tugann tú aird chothrom ar thuairimí gach baill den fhoireann.
Rannpháirtíocht foirne
Nochtann tú do chuid tuairimí agus an dearcadh atá agat os ard agus go hoscailte i ngrúpa. Léiríonn tú go bhfuil tú sásta tascanna agus freagrachtaí a ghlacadh ort féin de réir na taithí atá agat.
Ceannaireacht
Is féidir leat do sprioc a chur ina luí ar dhaoine eile agus is féidir leat daoine a spreagadh chun gnímh. Is maith leat torthaí a bhaint amach agus cuidiú daoine a fháil.
