Eguraldia eta klimogramak

Question 1

Zeintzuk dira eguraldia neurtzeko erabiltzen ditugun ohiko tresnak?

Answer 1

Termometroa, barometroa, higrometroa, plubiometroa, haize orratza eta anemometroa.

Question 2

Zer neurtzen du eguraldia neurtzeko tresna bakoitzak?

Answer 2

1- Termometroak: tenperatura.
2- Barometroa: presioa.
3- Higrometroa: Airearen hezetasuna.
4- Plubiometroa: prezipitazio kopurua.
5- Haize orratza: Haizearen norabidea.
6- Anemometroa: Haizearen indarra.

Question 3

Zein tresna erabiliko ditut nire herri edo hiriko klimograma eraiki nahi badut?

Answer 3

Klimograman prezipitazioak eta tenperatura adierazten direnez, plubiometro eta termometroa beharko ditut.

Question 4

Barometroak emandako emaitzak mapa batean kokatzen baditut, bertan lortzen ditudan presio bereko lerroak…. deitzen dira.

Answer 4

Isobarak (presio bereko puntuak lotzen dituen lerroak. Mapa isobarikoa, isobarak dituen mapa.

Question 5

Mapa isobarikoetan presio desberdineko zonaldeak agertzen dira. 1013mb da muga. Azpitik edo gainetik egongo da presioa gune horietan, nola deitzen zaio bakoitzari?

Answer 5

1013mb gainetik dagoena presio altuko zonaldea da, antizikloia.
1013mb azpitik dagoena presio baxuko zonaldea da, borraska edo depresioa.

Question 6

Mapa hauetan fronteak agertzen dira ere. Zein motatakoak?

Answer 6

Fronte hotz (aire beroagoko masa baten kontra doan aire masa hotzagoa). Urdinez eta triangeluekin adierazten da.
Fronte beroa (aire hotzagoko masa baten kontra doan aire masa beroagoa). Gorriz eta borobil erdiekin adierazten da.

Question 7

Zer gertatzen da aire masa hotz batek bero bat aurkitzen duenean?

Answer 7

Fronte hotz bat dugu. Hotza beroaren azpian sartu eta beroa azkar igotzen da. Kondentsatu eta euri-jasak (txaparroiak) sortuko dira.

Question 8

Zer gertatzen da aire masa bero batek hotz bat bidean aurkitzen duenean?

Answer 8

Fronte bero bat dugu. Bero hotzaren gainean jartzen da poliki poliki. Kondentsatu eta hodeiak sortuko dira, zeru estaliak (euri-jasa handiak ez). Batzuetan euri arinak eta iraupen luzekoak sortu daitezke (xirimiri motakoak).

Question 9

Borraska edo presio baxuko zonetan zer egiten du aireak?

Answer 9

Presio baxuko masak arinagoak dira eta gora igotzen dira, azkar kondentsatu eta hodeiak sortuz. Euri-jasak gertatuko dira zonalde hauetan.

Question 10

Antizikloi edo presio altuko zonetan zer egiten du aireak?

Answer 10

Presio altuko masak pisutsuagoak dira eta behera jaisten dira, ez da hodeirik sortzen eta zeru garbiak izango ditugu.

Question 11

Italiako penintsulan B handi bat kokatzen bada, aterkia ateratzea komeni al zaie bertako biztanleei?

Answer 11

Bai, euria egiten egongo da edo egingo du. Borraska bat dago eta euri-jasak egongo dira.

Question 12

Portugal gainean A handi bat kokatzen bada, aterkia beharko al du Lisboa ezagutzera ateratzen banaiz?

Answer 12

Ez, antizikloi baten eraginpean zeruak garbi egongo dira eta eguraldia egonkorra izango da, prezipitaziorik gabea.

Question 13

Zer esan nahi du isobara mapa batean hauek oso oso gertu badaude?

Answer 13

Haizea zakarra ibiliko dela hor.

Question 14

Zer esan nahi du isobarak elkarrengandik oso urrun badaude?

Answer 14

Haizerik ez dela ibiliko edo baldin badago oso gutxi izango dela.

Question 15

Zer da haizea?

Answer 15

Airearen mugimendua da.

Question 16

Nondik nora mugitzen da airea?

Answer 16

Airea antizikloitik borraskara mugitzen da. Hau da, presio altuetatik baxuetara.

Question 17

Nola mugitzen da airea antizikloien eta borraskaren barruan?

Answer 17

Antizikloietan airea ordulariaren norantzan mugitzen da, borraskan alderantziz.

Question 18

Zein norabidetan mugitzen dira borraska, antizikloi eta fronteak edozein mapa isobarikotan?

Answer 18

Mendebaldetik ekialderantz.

Question 19

Zeinek adieraziko dit zein den tenperatura eguraldi mapa edo mapa isobariko batean?

Answer 19

Bertan jartzen duen datak, urtaroa adieraziko didalako.

Question 20

Klimograma baten azterketak zein hemisferiotakoa den adieraz dezake?

Answer 20

Bai, urtaroari buruzko pistak ematen ditu eta zein hilabetetan gertatzen diren kontuan hartuz hemisferioa ondoriozta dezakegu.
Hilabete beroenak uztaila eta abuztua dira IH-an. HH-an, aldiz, urtarrila ingurukoak izango dira.

Question 21

Nola jakin dezaket nolakoa den tenperatura klimograma batean? Zein hilabete hotz edo beroena?

Answer 21

Klimogramako lerro kurbatua aztertuz. Kurbako punturik baxuena hilabete hotzena izango da eta altuena beroena.

Question 22

Nola jakin dezaket zein prezipitazio neurtu diren klimograma batean? Zein hilabete euritsu edo lehorrena?

Answer 22

Klimogramako zutabeak aztertuz. Altuerana hilabete euritsuena izango da, baxuena lehorrena.

Question 23

Nola jakin dezaket urtean zenbat prezipitazio egon diren, guztira (totalean)?

Answer 23

Hilabete bakoitzean egin duena batuz.

Question 24

Nola kalkula dezaket prezipitazioen batez bestekoa?

Answer 24

Denak batuz eta 12 hilabeteekin zatituz.

Question 25

Nola kalkula dezaket batez besteko tenperatura?

Answer 25

Aurrekoan bezala, denak batuz eta zati 12.