Bible Text Flashcards
1
Q
An propesiya dai kasuarin man ihinayag paagi sa kabutan nin tawo, kundi an mga tawo nagtaram gikan sa Diyos mantang ginigiyahan sinda kan banal na espiritu.
A
2 Pedro 1:21
2
Q
An bilog na Kasuratan ipinasabong nin Diyos asin kapaki-pakinabang sa pagtukdo.
A
2 Timoteo 3:16
3
Q
Dai dapat mapasuhay sa saimong nguso an mga tataramon kan librong ini kan Katugunan, asin basahon mo ini sa maluway na boses aldaw asin banggi, tanganing maingat mong mautob an gabos na nakasurat digdi; huli ta sa paaging ini magigi kang mapanggana asin madunong.
A
Josue 1:8
4
Q
Maugma an tawong dai naglalakaw sigun sa sadol kan mga maraot . . . , kundi an ikinakaugma niyang marhay iyo an katugunan ni Jehova, asin an Saiyang katugunan binabasa niya sa maluway na boses, aldaw asin banggi. . . . An gabos na ginigibo niya magigin mapanggana.
A
Salmo 1:1-3
5
Q
An saiyang dai nahihiling na mga kuwalidad—an saiyang daing sagkod na kapangyarihan asin pagka-Diyos—malinaw na nahihiling puon pa sa paglalang kan kinaban, dahil namamansayan an mga iyan paagi sa mga bagay na linalang, kaya dai sindang rason na dai maniwala.
A
Roma 1:20
6
Q
Hurop-hurupon mo an mga bagay na ini; itao mo diyan an saimong lubos na atensiyon, tanganing an saimong pag-uswag malinaw na mahiling kan gabos na tawo.
A
1 Timoteo 4:15
7
Q
Isipon ta an kada saro sa katuyuhan na mapahiro an lambang saro na magpahiling nin pagkamuot asin marahay na mga gibo, na dai pinapabayaan an satuyang pagtiripon.
A
Hebreo 10:24, 25
8
Q
Kun an siisay man sa saindo kulang sa kadunungan, padagos siyang maghagad sa Diyos, huling siya bukas-palad na nagtatao sa gabos asin dai nanunuyaw, asin itatao iyan sa saiya.
A
Santiago 1:5
9
Q
Lugod na maaraman kan mga tawo na ika, na an pangaran Jehova, ika sana an Kahuruhalangkawi sa bilog na daga.
A
Salmo 83:18
10
Q
An lambang saro na nag-aapod sa pangaran ni Jehova maliligtas.
A
Roma 10:13
11
Q
Siyempre, an lambang harong igwa nin nagtugdok, alagad an nagtugdok kan gabos na bagay iyo an Diyos.
A
Hebreo 3:4
12
Q
Magtangad kamo sa langit asin masdan nindo. Siisay an naglalang kan mga bagay na ini? Siya an Saro na pinapanginutan sinda bilang hukbo uyon sa saindang bilang; gabos sinda inaapod niya sa pangaran. Huli kan saiyang daing limiteng mapuwersang enerhiya asin kan makangangalas na kapangyarihan niya, mayo ni saro an nawawara sa sainda.
A
Isaias 40:26
13
Q
Iinuunat niya an norteng kalangitan sa daing laog na kahiwasan asin ibinibitin an daga sa mayo.
A
Job 26:7
14
Q
Igwa nin Saro na nag-iirok sa ibabaw kan bilóg na daga.
A
Isaias 40:22
15
Q
Papangyarihon kong magkaigwa nin pag-iiwal sa pag-ultanan mo saka kan babayi asin sa pag-ultanan kan saimong gikan saka kan saiyang gikan. Rurunuton niya an saimong payo, asin lulugadon mo siya sa buol.
A
Genesis 3:15
16
Q
Dumatong lugod an Kahadian mo. Mangyari lugod an kabutan mo, kun paano sa langit, siring man sa daga.
A
Mateo 6:10
17
Q
Pag an gabos na bagay naipasairarom na sa saiya, dangan an Aki mismo ipapasairarom man an saiyang sadiri sa Saro na nagpasairarom kan gabos na bagay sa saiya, tanganing an Diyos an magin gabos na bagay sa lambang saro.
A
1 Corinto 15:28
18
Q
Kaya ihinulog an dakulang dragon, an gurangan na halas, an inaapod na Diyablo asin Satanas, na nanglalagalag sa bilog na daga; ihinulog siya sa daga, asin an saiyang mga anghel ihinulog kaibanan niya.
A
Kapahayagan 12:9
19
Q
An nasyon makikilaban sa nasyon asin an kahadian makikilaban sa kahadian . . . An gabos na bagay na ini kapinunan nin mga kasakitan.
A
Mateo 24:7, 8
20
Q
Sa huring mga aldaw maabot an delikado asin masakit na mga panahon. Huli ta an mga tawo magigin interesado na sana sa sadiri nindang kapakanan, mamumuton sa kuwarta, mahambog, mapalangkaw, paralanghad, masinuway sa mga magurang, dai tataong magpasalamat, bakong maimbod, mayong natural na kapadangatan, habo nin ano man na kasunduan, parapakaraot, daing pagpupugol sa sadiri, maringis, daing pagkamuot sa karahayan, traydor, matagas an payo, orgulyoso, mahilig na magpasiram-siram imbes na magpahiling nin pagkamuot sa Diyos, na nagsasagin man ngayang maki-Diyos pero dai man talaga iyan nahihiling sa buhay ninda.
A
2 Timoteo 3:1-5
21
Q
Imposible nanggad na gumibo nin maraot an tunay na Diyos, na gumibo nin sala an Makakamhan sa Gabos!
A
Job 34:10
22
Q
Pag an siisay man nag-aagi nin pagbalo, dai niya pagsabihon: ‘Pigbabalo ako nin Diyos.’ Huli ta an Diyos dai puwedeng baluon paagi sa maraot na mga bagay, asin siya mismo, dai niya binabalo an siisay man paagi sa maraot na mga bagay.
A
Santiago 1:13
23
Q
[Ipasa] nindo sa saiya an gabos nindong kahaditan, huli ta nagmamakulog siya sa saindo.
A
1 Pedro 5:7
24
Q
Si Jehova dai nag-aatraso sa pag-utob kan saiyang panuga, arog kan pighuhuna nin ibang tawo, kundi mapasensiya siya sa saindo huling habo niyang malaglag an siisay man, imbes, gusto niya na an gabos makapagsulsol
A
2 Pedro 3:9
25
Bako an mga marikas an pirming nanggagana sa paurumbasan, ni an mga makusog an pirming nanggagana sa ralaban, ni an mga madunong an pirming igwang kakanon, ni an mga matali an pirming igwang kayamanan, ni an mga may kaaraman an pirming igwang kapangganahan, huling an panahon asin an dai linalauman na mga pangyayari minaabot sa sainda gabos.
Eclesiastes 9:11
26
Paagi sa sarong tawo an kasalan luminaog sa kinaban asin an kagadanan luminaog paagi sa kasalan, asin sa siring an kagadanan luminakop sa gabos na tawo huling sinda gabos nagkasala—.
Roma 5:12
27
Sa katuyuhan na ini ihinayag an Aki nin Diyos, tanganing rauton an mga gibo kan Diyablo.
1 Juan 3:8
28
An bilog na kinaban nasa kapangyarihan kan saro na maraot.
1 Juan 5:19
29
Magigin pagsadiri kan mga matanos an daga, asin maistar sinda diyan nin daing sagkod.
Salmo 37:29
30
An daga nagdadanay sagkod lamang.
Eclesiastes 1:4
31
Hahalunon niya an kagadanan sagkod lamang, asin papahidon kan Soberanong Kagurangnan na Jehova an mga luha sa gabos na lalawgon.
Isaias 25:8
32
Sa panahon na iyan, an mga mata kan mga buta magkakamuruklat, asin an mga talinga kan mga bungog magkakaburuksan. Sa panahon na iyan, an pilay malukso-lukso arog kan usa, asin an dila kan mga púla makurahaw sa kaugmahan. An mga tubig maburulwak sa kaawagan, asin an mga sapa sa disyertong kapatagan.
Isaias 35:5, 6
33
Papahidon niya an lambang luha sa saindang mga mata, asin an kagadanan mawawara na. Dai na man magkakaigwa nin pagmundo, o nin pagtangis, o nin kulog. An mga dating bagay nakalihis na.
Kapahayagan 21:4
34
Matugdok sinda nin mga harong asin maistar sa mga iyan, asin magibo sinda nin mga ubasan asin kakakanon an bunga kan mga iyan. Dai sinda matugdok na iba an maistar, ni matanom sinda na iba an makakan. Huli ta an mga aldaw kan sakuyang banwaan magigin siring sa mga aldaw nin sarong kahoy, asin lubos na ikakaugma kan sakuyang mga pinili an mga gibo kan saindang mga kamot.
Isaias 65:21, 22
35
Aram kan mga buhay na sinda magagadan, pero an mga gadan dai na lamang nin naaaraman . . . Ano man na magigibo kan saimong kamot, gibuha sa bilog mong kusog, huling mayo na nin gibo ni pagpaplano ni kaaraman ni kadunungan sa Lubungan, na saimong papadumanan.
Eclesiastes 9:5, 10
36
Dai nindo ini ipagngalas, huli ta maabot an oras na an gabos na yaon sa mga lulubngan na girumduman makakadangog kan saiyang boses asin maruluwas.
Juan 5:28, 29
37
Bubuhayon liwat nin Diyos an mga matanos pati an mga bakong matanos.
Gibo 24:15
38
Nakahiling ka na nin tawo na mahusay sa saiyang trabaho? Matindog siya sa atubangan nin mga hadi; dai siya matindog sa atubangan nin mga ordinaryong tawo.
Talinhaga 22:29
39
An saro na namumuot sa pag-uruugma magigin pobre; an saro na namumuot sa arak asin lana dai máyaman.
Talinhaga 21:17
40
An nangungutang uripon kan nagpapautang.
Talinhaga 22:7
41
Siisay sa saindo na gustong magtugdok nin tore an dai nguna matukaw asin makuwenta kan gastos tanganing aramon kun baga magkakaigo an saiyang kuwarta para mahaman iyan? Ta kun dai, puwedeng mailatag niya an pundasyon kaiyan pero dai niya iyan matapos, asin an gabos na nagmamasid mapuon na magturuya-tuya sa saiya, na sinasabi: ‘An tawong ini nagpuon na magtugdok pero dai niya man natapos.
Lucas 14:28-30
42
Mas marahay pa an putaheng gulay pero may pagkaminuruutan, kisa sa pinatabang torong baka pero may pagkainurungisan.
Talinhaga 15:17
43
Ako, si Jehova, an saimong Diyos, an Saro na nagtutukdo sa saimo tanganing makinabang ka, an Saro na naggigiya sa saimo sa dalan na dapat mong lakawan.
Isaias 48:17
44
Maugma an mga nakakamating kaipuhan ninda nin espirituwal na mga bagay, huli ta sa sainda an Kahadian kan kalangitan.
Mateo 5:3
45
Kamutan mo an saimong kapwa nin siring sa saimong sadiri.
Mateo 22:39
46
Kun ano an gusto nindong gibuhon sa saindo kan mga tawo, arog man kaiyan an gibuhon nindo sa sainda.
Lucas 6:31
47
Maugma an mga nagdadangog kan tataramon nin Diyos asin nag-uutob kaiyan!
Lucas 11:28
48
Maski kadakul kan pagsadiri nin sarong tawo, dai siya kaiyan matatawan nin buhay.
Lucas 12:15
49
Kaya, sa pagkaigwa nin kakanon asin maisusulot, makontento na kita sa mga bagay na iyan.
1 Timoteo 6:8
50
Igwang urog na kaugmahan sa pagtao kisa sa pag-ako.
Gibo 20:35
51
Ipasa mo ki Jehova an saimong pasan, asin aalalayan ka niya. Dai niya nuarin man tutugutan na matumba an saro na matanos.
Salmo 55:22
52
An mga plano kan mahigos siguradong magigin mapanggana, pero an gabos na pabigla-bigla siguradong pasiring sa pagigin dukha.
Talinhaga 21:5
53
Dai ka matakot, ta kaibanan mo ako. Dai ka maghadit, ta ako an saimong Diyos. Papakusugon taka, iyo, tatabangan taka, talagang kakaputan taka kan sakong tuong kamot nin katanusan.
Isaias 41:10
54
Siisay sa saindo an makakadagdag nin maski dikit sa lawig kan saiyang buhay paagi sa paghadit?
Mateo 6:27
55
Kaya dai kamo nuarin man maghadit manungod sa masunod na aldaw, huli ta an masunod na aldaw magkakaigwa kan sadiri kaiyan na mga kahaditan. Tama na sa kada aldaw an sadiri kaiyan na mga problema.
Mateo 6:34
56
[Siyertuhon] nindo kun ano an mas importanteng mga bagay.
Filipos 1:10
57
Dai kamo mahadit sa ano man na bagay, kundi sa gabos na bagay paagi sa pamibi asin pagngayo-ngayo na may kaibang pasasalamat, ipaaram nindo sa Diyos an saindong mga kahagadan; asin an katuninungan nin Diyos na nakakalabi sa gabos na pakasabot iyo an magbabantay sa saindong puso asin kaisipan paagi ki Cristo Jesus.
Filipos 4:6, 7
58
Sa kaparehong paagi, dapat na mamutan kan mga agom na lalaki an saindang mga agom nin siring sa sadiri nindang hawak. An lalaking namumuot sa saiyang agom namumuot sa saiyang sadiri, huling mayo nin tawong naungis kasuarin man sa sadiri niyang hawak, kundi pinapakakan niya ini asin inaataman . . . An lambang saro sa saindo dapat na mamutan an saiyang agom na babayi siring kan pagkamuot niya sa saiyang sadiri.
Efeso 5:28, 29, 33
59
Mga ama, dai nindo pag-uyamon an saindong mga aki, kundi padagos sindang padakulaon sa disiplina asin sadol ni Jehova.
Efeso 6:4
60
An agom na babayi dapat na magkaigwa nin hararom na paggalang sa saiyang agom.
Efeso 5:33
61
Kamong mga agom na babayi, magpasakop kamo sa saindong mga agom na lalaki, na iyo an maninigong gibuhon kan mga parasunod kan Kagurangnan.
Colosas 3:18
62
Mga aki, magin masinunod kamo sa saindong mga magurang kauyon kan kabutan kan Kagurangnan, huli ta ini matanos. An tugon na ‘Tawan mo nin onra an saimong ama saka an saimong ina’ iyo an inot na pagbuot na may kaibang panuga: ‘Tanganing maparahay ka asin magdanay ka nin halawig na panahon sa daga.
Efeso 6:1-3
63
Kamong mga aki, magin masinunod kamo sa saindong mga magurang sa gabos na bagay, huli ta nakakapaugma ini sa Kagurangnan.
Colosas 3:20
64
O Paradangog nin pamibi, mapasiring sa saimo an gabos na klase nin tawo.
Salmo 65:2
65
Magtiwala ka ki Jehova sa bilog mong puso, asin dai ka manarig sa sadiri mong pakasabot. Sa gabos mong lakad isipon mo siya, asin itatanos niya an saimong mga dalan.
Talinhaga 3:5, 6
66
Ini nangangahulugan nin buhay na daing katapusan, an mamidbid ninda ika, an iyo sanang tunay na Diyos, asin an saro na saimong isinugo, si Jesu-Cristo.
Juan 17:3
67
tanganing hanapon ninda an Diyos. Kun magmamaigot lang sindang hanapon siya, talagang manunumpungan siya, dahil an totoo, bako man siyang harayo sa lambang saro sa sato.
Gibo 17:27
68
Kun an siisay man sa saindo kulang sa kadunungan, padagos siyang maghagad sa Diyos, huling siya bukas-palad na nagtatao sa gabos asin dai nanunuyaw, asin itatao iyan sa saiya.
Santiago 1:5
69
Rumani kamo sa Diyos, asin marani siya sa saindo. Linigon nindo an saindong mga kamot, kamong mga parakasala, asin dalisayon nindo an saindong puso, kamong mga dai makapagdesisyon.
Santiago 4:8
70
Ini an kahulugan kan pagkamuot sa Diyos, an utubon ta an saiyang mga tugon; alagad ta an saiyang mga tugon bakong pagabat.
1 Juan 5:3
71
An saimong tataramon lampara sa bitis ko, asin liwanag para sa dalan ko.
Salmo 119:105
72
Kaya, padumán kamo asin gumibo kamo nin mga disipulo sa mga tawo kan gabos na nasyon, na binabawtismuhan sinda sa ngaran kan Ama asin kan Aki asin kan banal na espiritu, na tinutukduan sinda na utubon an gabos na bagay na ipinagbuot ko sa saindo. Asin uya! kaibanan nindo ako sa gabos na aldaw sagkod sa pagtatapos kan sistema nin mga bagay.
Mat 28:19, 20
73
Paagi sa saiya, pirmi lugod kitang magdulot sa Diyos nin atang nin pag-umaw, an buot sabihon, an bunga kan satuyang mga ngabil na hayagan na nagpapahayag sa mga tawo manungod sa saiyang pangaran.
Heb 13:15
74
Si Jehova an nagtatao kan pagbuot; An mga babaying nagbabalangibog kan maugmang bareta sarong dakulang hukbo.
Sal 68:11
75
Pasturan nindo an aripumpon nin Diyos na nasa pangangataman nindo, na naglilingkod bilang mga paraataman, bako sa paaging napipiritan, kundi gikan sa buot sa atubangan nin Diyos; bakong dahil sa pagkamuot sa materyal na pakinabang, kundi dahil gustong-gusto nindo; dai dinodominar an mga pagsadiri nin Diyos, kundi nagigin mga halimbawa sa aripumpon.
1Pe 5:2, 3
76
Minsan siring, igwa kami kaining kayamanan na yaon sa mga lalagan na dalipay, tanganing mahiling na an puwersa na urog kisa sa ordinaryo gikan sa Diyos asin bako sa samo.
2Co 4:7
77
Igwa akong kusog na atubangon an gabos na bagay paagi sa saiya na nagtatao sa sako nin puwersa.
Filipos 4:13
78
Asin an maugmang baretang ini kan Kahadian ihuhulit sa bilog na kinaban bilang patotoo sa gabos na nasyon, dangan maabot an katapusan.
Mat 24:14;
79
Si Jehova dai nag-aatraso sa pag-utob kan saiyang panuga, arog kan pighuhuna nin ibang tawo, kundi mapasensiya siya sa saindo huling habo niyang malaglag an siisay man, imbes, gusto niya na an gabos makapagsulsol.
2Pe 3:9
80
Kundi sa saindong puso pabanalon nindo an Cristo bilang Kagurangnan, na pirming handang idepensa an saindong paglaom sa siisay man na naghahagad nin rason mapadapit diyan, pero ginigibo iyan na may mahuyong buot asin hararom na paggalang.
1Pe 3:15
81
Asin nahiling ko an saro pang anghel na naglalayog sa kaitaasan, asin igwa siya nin daing katapusan na maugmang bareta na ipapahayag sa mga nag-iistar sa daga, sa lambang nasyon asin tribo asin lengguwahe saka banwaan.
Kap 14:6
82
Magpasakop an lambang tawo sa haralangkaw na awtoridad, huli ta mayong awtoridad na bakong hali sa Diyos; an nag-eeksister na mga awtoridad nag-ookupar kan saindang magkakalain na mga posisyon na itinugot nin Diyos para sa sainda.
Roma 13:1
83
Pupulpugon ninda an saindang mga espada tanganing magin mga tarom nin arado Asin an saindang mga garod tanganing magin mga pantakras na kagot. An nasyon dai na mabingat nin espada laban sa nasyon, Ni mag-aadal pa man sinda nin pakikigiyera.
Isaias 2:4
84
Tinatawan ko kamo nin sarong bagong tugon, na kamutan nindo an lambang saro; kamutan nindo an lambang saro arog kan pagkamuot ko sa saindo. Paagi kaini, maaaraman kan gabos na kamo sakuyang mga disipulo—kun igwa kamo nin pagkamuot sa lambang saro.
Juan 13:34, 35
85
Tawan nindo nin onra an gabos na klase nin tawo, magkaigwa kamo nin pagkamuot sa bilog na kasararuan nin magturugang, magkaigwa kamo nin takot sa Diyos, tawan nindo nin onra an hadi.
1Pedro 2:17
86
An mga tataramon na ini na ipinagbubuot ko sa saimo ngunyan dapat na mamugtak sa saimong puso, asin dapat mong itadom iyan sa saimong mga aki asin sabihon iyan sa sainda pag nakatukaw ka sa saimong harong asin pag naglalakaw ka sa tinampo saka pag naghihigda ka asin pag minabangon ka.
Deuteronomio 6:6,7
87
Dawa pa bayaan ako kan sadiri kong ama asin ina, Si Jehova mismo an makupkop sa sakuya.
Salmo 27:10
88
Kaya magdangog kamo sako, kamo na mga may pakasabot: Imposible nanggad na gumibo nin maraot an tunay na Diyos, Na gumibo nin sala an Makakamhan sa Gabos!
Job 34:10
89
Aram niyato na kita naggikan sa Diyos, pero an bilog na kinaban nasa kapangyarihan kan saro na maraot.
1Juan 5:19
90
Huli ta an Diyos namuot na gayo sa kinaban kaya itinao niya an saiyang bugtong na Aki, tanganing an lambang nagtutubod sa saiya dai malaglag kundi magkaigwa nin buhay na daing katapusan.
Juan 3:16
91
Asin papahidon niya an lambang luha sa saindang mga mata, asin an kagadanan mawawara na. Dai na man magkakaigwa nin pagmundo, o nin pagtangis, o nin kulog. An mga dating bagay nakalihis na.
Kapahayagan 21:4
92
Maghimati ka, aki ko, sa disiplina kan saimong ama, Asin dai mo pagbayaan an instruksiyon kan saimong ina.
Talinhaga 1:8
93
Magin madunong ka, aki ko, asin paugmaha an sakong puso, Tanganing may maisimbag ako sa saiya na nagtutuya sa sako.
Talinhaga 27:11
94
An saro na naglalakaw kaiba kan mga madunong magigin madunong, Pero an saro na nakikiiba-iba sa mga mangmang mapapahamak.
Talinhaga 13:20
95
Dai kamo magpadaya. An maraot na pag-iriba minaraot kan marahay na mga ugali.
1Co 15:33
96
Kaya rayuan mo an mga kamawutan na dara nin pagigin hoben, pero magmaigot ka na mahiling sa saimo an pagigin matanos, an pagtubod, an pagkamuot, an pagigin matuninong, kaiba kan mga nag-aapod sa Kagurangnan gikan sa malinig na puso.
2Ti 2:22
97
Sa ibong na lado, an bunga kan espiritu iyo an pagkamuot, kagaya-gayahan, katuninungan, pagpapasensiya, kabuutan, karahayan, pagtubod, kahuyuan, pagpupugol sa sadiri. Mayo nin pagbuot kontra sa siring na mga bagay.
Galacia 5:22
98
Igwa nin dalan na garo baga tama sa paghiling nin sarong tawo, Pero kagadanan an puro kaiyan.
Talinhaga 16:25
99
Aram kong marhay, O Jehova, na an dalan nin tawo bakong saiya. Bako para sa tawong naglalakaw dawa an giyahan an sadiring lakad niya.
Jeremias 10:23
100
Aki ko, dai mo isikwal an disiplina ni Jehova, Asin dai mo ikauyam an pagsagwi niya,12Huli ta an mga namumutan ni Jehova sinasagwi niya, Arog kan ginigibo kan sarong ama sa aki na saiyang ikinakaugma.
Talinhaga 3:11,12
101
An siisay man na nagpupugol sa paggamit kan saiyang pamakol nauungis sa aki niya, Pero an saro na namumuot sa saiya matiyaga siyang dinidisiplina.
Talinhaga 13:24
102
An siisay man na hinahabuan an disiplina ikinakabaldi an buhay niya, Pero an siisay man na nagdadangog sa pagsagwi nagkakamit nin pakasabot.
Talinhaga 15:32
103
Mangapot ka sa disiplina; dai mo iyan pagbutasan. Ingatan mo iyan, huling nangangahulugan iyan kan saimong buhay.
Talinhaga 4:13
104
Namumutan kong marhay an saimong katugunan! Hinuhurop-hurop ko iyan nin bilog na aldaw.
Salmo 119:97
105
Alagad magin mga parautob kamo kan tataramon asin bakong mga paradangog sana, na dinadaya an saindong sadiri nin salang pangangatanusan.
Santiago 1:22
106
Sa katunayan, inapod kamo para sa arog kaiyan na buhay, huling si Cristo mismo nagsakit para sa saindo, na nagwalat sa saindo nin sarong arugan tanganing sundan nindong marhay an saiyang mga lakad.
1Pedro 2:21
107
Papagdanayon nindo an marahay nindong paggawi sa tahaw kan mga nasyon, tanganing pag inaakusaran ninda kamo na kamo mga paragibo nin maraot, magin mga saksi sinda kan saindong marahay na mga gibo asin, bilang resulta, pamurawayon ninda an Diyos sa aldaw kan saiyang pagsiyasat
1Pedro 2:12
108
Imbes, an lambang saro nababalo pag naguguyod siya asin naaakit kan sadiri niyang pagmawot. Dangan an pagmawot, pag iyan nangidam, nangangaki nin kasalan; an kasalan man, pag iyan naisagibo, nagbubunga nin kagadanan.
Santiago 1:14,15
109
Asin dai na kamo magpamolde sa sistemang ini nin mga bagay, kundi maliwat kamo paagi sa pagbago kan saindong isip, tanganing mapatunayan nindo sa saindong sadiri an marahay, akseptable, saka perpektong kabutan nin Diyos.
Roma 12:2
110
Ultimo, mga tugang, ano man na bagay na totoo, ano man na bagay na angay tawan nin seryosong atensiyon, ano man na bagay na matanos, ano man na bagay na malinig, ano man na bagay na kawili-wili, ano man na bagay na positibo, ano man na bagay na igwang karahayan, asin ano man na bagay na kaumaw-umaw, padagos nindong isip-isipon an mga ini.
Filipos 4:8
111
Tinukduan kamo na halion an luma nindong personalidad na kauyon kan dati nindong dalan nin paggawi asin na pigraraot kan mapandayang mga kamawutan kaiyan. Asin dapat na padagos nindong baguhon an nangingibabaw na dalagan kan saindong isip, asin dapat nindong isulot an bagong personalidad na linalang sigun sa kabutan nin Diyos, kauyon kan tunay na katanusan asin kaimbudan.
Efeso 4:22-24
112
Halion nindo sa saindong sadiri an lambang klase nin grabeng paghinanakit, kaanggutan, pagkaungis, sirilyakan, asin mapang-insultong pagtaram, pati na an ano man na bagay na nakakadanyar.
Efeso 4:31
113
Kamong mga agom na lalaki, padagos na mamutan an saindong mga agom na babayi asin dai maanggot sa sainda nin may kapaitan.
Colosas 3:19
114
An tawong madaling mag-init an payo minapukaw nin iriwal, Pero an saro na dai tulos naaanggot nagpapahupa nin pag-iiwal.
Talinhaga 15:18
115
Magin mahigos, bakong hugakon. Magin malaad paagi sa espiritu. Magpauripon ki Jehova.
Roma 12:11
116
Siring sa sukà sa mga ngipon asin aso sa mga mata, Arog man kaiyan an tawong hugakon sa nagsusugo sa saiya.
Talinhaga 10:26
117
Siring sa sukà sa mga ngipon asin aso sa mga mata, Arog man kaiyan an tawong hugakon sa nagsusugo sa saiya.
Talinhaga 26:13
118
Dai kamo maggibo nin ano man na bagay nin dahil sa hilig na makipagdaugan o nin dahil sa pagigin mapagpaimportante sa sadiri, kundi may kapakumbabaan nindong ibilang an iba na mas urog kisa saindo
Filipos 2:3
119
Alagad kun an saro igwa nin materyal na mga pagsadiri sa kinaban na ini asin nahihiling niya na nangangaipo an saiyang tugang pero habo niyang magpahiling nin malasakit sa saiya, paano masasabing may pagkamuot siya sa Diyos?
1Juan 3:17
120
Mayong uripon na makakapaglingkod sa duwang kagurangnan; huli ta magsalang ikakaungis niya an saro asin mamumutan an saro, o magigin maimbod siya sa saro asin hahabuan an saro. Dai kamo makakapaglingkod bilang uripon nin Diyos asin nin Kayamanan.
Mateo 6:24
121
Huli ta an pagkamuot sa kuwarta gamot nin gabos na klase nin nakakadanyar na bagay, asin dahil sa pagsunod sa pagkamuot na ini, an iba naparayo sa pagtubod asin pauruutrong dinarahan an saindang sadiri nin dakul na kakulugan.
1Timoteo 6:10
122
An saindo lugod na pamumuhay dai mahilingan nin pagkamuot sa kuwarta, mantang kontento na kamo sa mga bagay na igwa kamo. Huli ta siya nagsabi: “Dai taka nuarin man babayaan, asin dai taka nuarin man papabayaan.”
Hebreo 13:5
123
Dai kamo mamuot sa kinaban o sa mga bagay na yaon sa kinaban. Kun an siisay man namumuot sa kinaban, mayo siya nin pagkamuot sa Ama;16huli ta an gabos na yaon sa kinaban—an kamawutan kan laman asin an kamawutan kan mga mata saka an pagpasikat nin saro kan mga bagay na igwa siya—bakong gikan sa Ama, kundi gikan sa kinaban.
1Juan 2:15, 16
124
Nasa kampi ko si Jehova; dai ako matatakot. Ano an magigibo sa sako nin tawo?
Salmo 118:6
125
An pagtakig sa mga tawo sarong siod, Pero an saro na nagtitiwala ki Jehova poprotektaran.
Talinhaga 29:25
126
Kun sasabihon nin siisay man, “Namumutan ko an Diyos,” pero nauungis siya sa saiyang tugang, saro siyang putikon. Huli ta kun an saro dai namumuot sa saiyang tugang, na nahihiling niya, dai man niya magigibong mamuot sa Diyos, na dai niya nahihiling.
1Juan 4:20
127
An tawong madaling mag-init an payo minapukaw nin iriwal, Pero an saro na dai tulos naaanggot nagpapahupa nin pag-iiwal.
Talinhaga 15:18
128
An pagpuon nin ribok garo pagbukas nin sagop; Bago pa magpuon an iriwal, maghali ka na.
Talinhaga 17:14
129
Alagad an kadunungan na gikan sa itaas inot sa gabos dalisay, tapos mapagpatuninong, rasonable, andam na magsunod, pano nin pagkahirak asin marahay na mga bunga, daing ipinapaurog, bakong mapagsagin-sagin.
Santiago 3:17
130
Dawa si Jehova halangkaw, tinatawan niya nin atensiyon an mapakumbaba, Alagad an mapalangkaw midbid lang niya sa harayo.
Salmo 138:6
131
Pagigin orgulyoso nguna bago an pagbagsak, Asin kapalangkawan nguna bago an pagkatumba.
Talinhaga 16:18
132
Pero kamo gabos, magsulot kamo nin kapakumbabaan sa pagtrato nindo sa lambang saro, huli ta an Diyos kontra sa mga mapalangkaw, alagad nagpapahiling siya nin daing kapantay na kabuutan sa mga mapakumbaba.
1Pedro 5:5
133
Huli ta siisay an guminibo sa saimo na magin lain ka sa iba? Asin ano an igwa ka na bakong tao saimo? Ngunyan kun tao man nanggad iyan saimo, ano ta naghahambog ka na garo baga bako iyan tao saimo?
1Corinto 4:7
134
Kaya, girumduma an saimong Pinakanangungurog na Kaglalang sa mga aldaw kan saimong pagkahoben, bago mag-abot an mga aldaw nin kasakitan asin mag-abot an mga taon na ika magsabi: “Dai na ako nauugma sa mga iyan.
Eclesiastes 12:1
135
Pagkatapos na madangog an gabos, an kongklusyon iyo ini: Magkaigwa ka nin pagkatakot sa tunay na Diyos asin utubon mo an saiyang mga tugon, huling iyo ini an bilog na obligasyon nin tawo.
Eclesiastes 12:13
