Bible Glosary

Question 1

Sarong ekspresyon na parating ipinapanungod ki Jesus, na nagduduon na siya an Tagapagmana kan tipan para sa Kahadian, na mauutob paagi sa sarong gikan ni David.​—Mat 12:23; 21:9.

Answer 1

Aki ni David

Question 2

An ekspresyon na ini mga 80 beses na naglataw sa mga Ebanghelyo. Nanunungod ini ki Jesu-Cristo asin nagpapahiling na paagi sa pagkamundag niya sa laman, nagin siyang sarong tawo asin bako sanang basta sarong espiritung linalang na nagsulot nin pisikal na hawak

Answer 2

Aki nin tawo

Question 3

An pinakaimportanteng banal na aldaw para sa mga Israelita. Inaapod man ining Yom Kippur (hali sa Hebreong yohm hak·kip·pu·rimʹ, “aldaw kan mga pantahob”) asin isineselebrar kada ika-10 aldaw kan bulan nin Etanim. Sa aldaw sanang ini kan taon minalaog an halangkaw na saserdote sa Kabanal-banali kan tabernakulo asin kan huri kan templo tanganing idulot an dugo kan mga atang para sa saiyang mga kasalan, mga kasalan kan iba pang mga Levita, asin mga kasalan kan banwaan.

Answer 3

Aldaw nin Pagbayad sa Kasalan

Question 4

Sarong espesipikong aldaw, o peryodo nin panahon, na diyan an partikular na mga grupo, mga nasyon, o an katawuhan sa pangkagabsan maatubang sa Diyos para husgaran. Posibleng magin panahon iyan nin pagpadusa nin kagadanan sa mga nahusgaran nang maninigo para diyan, o posibleng an paghusgar magtao nin oportunidad para sa iba na maligtas asin mag-ako nin buhay na daing katapusan.

Answer 4

Aldaw nin Paghukom

Question 5

An inot asin huring letra kan alpabetong Griego; sa Kapahayagan, tulong beses ining ginamit na magkaibanan bilang sarong titulo nin Diyos. Sa mga kontekstong iyan, an kahulugan kan ekspresyon na ini kapareho nin “an inot asin an huri” saka “an kapinunan asin an katapusan.”​—Kap 1:8; 21:6; 22:13.

Answer 5

Alpha asin Omeg

Question 6

Sarong estruktura o plataporma na gibo sa daga, mga gapo, sarong bloke nin gapo, o kahoy na kinalupkupan nin metal kun sain idinudulot an mga atang o insenso para sa pagsamba.

Answer 6

Altar

Question 7

“Mangyari lugod,” o “iyo nanggad.” Hali ini sa Hebreong root word na ʼa·manʹ, na nangangahulugan na “magin maimbod, mapagtitiwalaan.

Answer 7

Amen

Question 8

An termino sa Griego igwa nin duwang kahulugan. Nanunungod ini sa saro na kontra sa Cristo. Puwede man ining ipanungod sa bakong tunay na Cristo, sa saro na kinukua an papel ni Cristo. An gabos na tawo, organisasyon, o grupo na putik na naghihingakong nagrerepresentar ki Cristo o naghihingakong iyo an Mesiyas o na nagkokontra ki Cristo asin sa saiyang mga disipulo

Answer 8

Anticristo

Question 9

An panginot na kahulugan kaini “saro na isinugo,” asin ginamit ini para magpanungod ki Jesus asin sa nagkapira na isinugo tanganing maglingkod sa iba.

Answer 9

Apostol

Question 10

An buot sabihon “pamayo kan mga anghel.”

Answer 10

Arkanghel

Question 11

Nangangahulugan “Bukid nin Megido.” Ikinokonektar an tataramon na ini sa “giyera kan dakulang aldaw kan Diyos na Makakamhan sa Gabos” na diyan matiripon “an mga hadi sa bilog na daga” tanganing makipaglaban ki Jehova. (Kap 16:14, 16; 19:11-21

Answer 11

Armagedon

Question 12

Sarong dulot sa Diyos bilang tanda nin pasasalamat saka pagmidbid sa pagkakasala, asin bilang paagi para maibalik an marahay na relasyon sa saiya

Answer 12

Atang

Question 13

An dai nahihiling na puwersa na ginagamit nin Diyos para mautob an saiyang kabutan. Banal iyan huling hali iyan ki Jehova, an saro na malinig asin matanos sa pinakalubos na sentido, asin huling iyan an ginagamit nin Diyos para maisagibo kun ano an banal.​—Lu 1:35; Gi 1:8.

Answer 13

Banal na espiritu

Question 14

nangangahulugan na “ilubog,” o iirarom sa tubig

Answer 14

Bawtismo

Question 15

Makuapo ni Noe, asin an ikaapat na aking lalaki ni Ham. An 11 tribo na naggikan saiya kan huri nag-istar sa rehiyon na nasa kahalabaan kan sirangan na Mediteraneo sa pag-ultanan kan Ehipto asin Siria

Answer 15

Canaan

Question 16

Sarong Romanong pangaran nin pamilya na nagin titulo kan mga emperador kan Roma.

Answer 16

Cesar

Question 17

An titulo ni Jesus, katumbas kan Hebreong tataramon na itrinadusir na “Mesiyas,” o “Linahidan.”​—Mat 1:16; Ju 1:41

Answer 17

Cristo

Question 18

Sa Hebreong Kasuratan, an terminong ini sa parati nanunungod sa sarong peste, hilang, o kalamidad na ipinaabot ni Jehova bilang padusa.

Answer 18

Damat

Question 19

Sarong simbolikong lugar nin “naglalaad na kalayo asin asupre”; ilinaladawan man bilang an “ikaduwang kagadanan.” An dai nagsusulsol na mga parakasala, an Diyablo, asin pati an kagadanan saka an Lubungan (o, Hades) inapon digdi.

Answer 19

Danaw nin kalayo

Question 20

Dai nahihiling asin maraot na mga espiritung linalang na may kapangyarihan na nakakalabi sa tawo.

Answer 20

Demonyo

Question 21

Sinsilyong pirak kan mga Romano na mga 3.85 gramos an gabat asin may ladawan ni Cesar sa sarong ibong. Ini an tangdan nin sarong trabahador para sa sarong aldaw asin an sinsilyong “buhis” na hinahagad kaidto kan mga Romano sa mga Judio.

Answer 21

Denario

Question 22

Sa Kristiyanong Griegong Kasuratan, nanunungod ini sa sarong sinsilyong pirak kan mga Griego na kan panahon na idto may gabat na 3.4 gramos.

Answer 22

Drakma

Question 23

Sarong klase nin lukton na garo mahibog na panganuron pag sarabay na minabalyo pasiring sa ibang lugar. Sa Katugunan ni Moises, kaiba an mga ini sa ibinibilang na malinig na kakanon.

Answer 23

Duron

Question 24

Saro pang pangaran na itinao ki Esau, na aki ni Isaac.

Answer 24

Edom

Question 25

An pangaran kan ikaduwang aki ni Jose; kan huri, ini an nagin apod sa saro sa mga tribo nin Israel. Pagkatapos na mabanga an Israel,an tribong ini bilang an pinakaprominenteng tribo, an nagrepresentar sa bilog na sampulong tribong kahadian

Answer 25

Efraim

Question 26

arong parakopya kan Hebreong Kasuratan. Kan yaon si Jesus sa daga, nanunungod ini sa sarong grupo nin mga lalaki na eksperto sa Katugunan.

Answer 26

Eskriba

Question 27

An paniniwala na an mga espiritu kan mga nagadan na tawo nagdadanay na buhay pagkagadan kan pisikal na hawak asin na nakikikomunikar sinda sa mga buhay, partikular na paagi sa sarong tawo (espiritista) na madaling maimpluwensiyahan ninda.

Answer 27

Espiritismo

Question 28

Sa literal, sarong kapon na lalaki. An arog kaining mga lalaki sa parati ninonombrahan sa mga palasyo bilang mga suruguon o mga paraasikaso kan reyna asin kan mga sekondaryong agom. Nanunungod man an terminong ini sa sarong lalaki na bakong literal na kapon, kundi sarong opisyal na tinawan nin mga responsabilidad sa palasyo kan hadi.

Answer 28

Eunuko

Question 29

Sarong titulo kan mga hadi kan Ehipto

Answer 29

Faraon

Question 30

sarong prominenteng sekta kan relihiyon na Judaismo kan inot na siglo C.E. Bako sindang gikan sa pamilya nin mga saserdote, pero istrikto nindang inuutob an Katugunan sagkod sa kasadit-saditing detalye kaini, asin ibinilang nindang kapantay kan Katugunan an berbal na mga tradisyon. (Mat 23:23) Kontra sinda sa ano man na impluwensiya nin Griegong kultura, asin bilang mga eksperto sa Katugunan saka sa mga tradisyon, may dakula sindang awtoridad sa mga tawo.

Answer 30

Fariseo

Question 31

Griegong termino na katumbas kan Hebreong termino na “Sheol.” Itrinadusir ining “Lubungan” (nakakapital an inot na letra), tanganing ipahiling na nanunungod ini sa pangkagabsan na lubungan nin katawuhan

Answer 31

Hades

Question 32

Sa irarom kan Katugunan ni Moises, ini an panginot na saserdote na nagrerepresentar sa banwaan sa atubangan nin Diyos. Nasa superbisyon niya an iba pang mga saserdote.

Answer 32

Halangkaw na Saserdote

Question 33

Traduksiyon kan Griegong termino na stau·rosʹ, na nangangahulugan na sarong patindog na harigi o poste, arog kan ginamit sa paggadan ki Jesus.

Answer 33

Hariging Pasakitan

Question 34

Pangaran kan pamilya nin sarong dinastiya na namahala sa mga Judio paagi sa pagnombra kan Roma.

Answer 34

Herodes

Question 35

Mga lalaking ninombrahan ni Jehova tanganing iligtas an saiyang banwaan kan panahon bago magkaigwa nin mga tawong hadi nin Israel.​

Answer 35

Hukom

Question 36

Gginagamit sa mga propesiya sa Bibliya tanganing ipanungod sa panahon kun nuarin masagkod sa kulminasyon an mga pangyayari sa kasaysayan. Depende sa propesiya, puwede ining sarong peryodo nin pira sanang taon o nin dakul na taon.

Answer 36

Huring mga aldaw

Question 37

Sarong estruktura na ginagamit sa pagtunaw nin gapong may metal (ore) o sa pagtunaw nin metal; ginagamit man iyan para lutuan kan lalagan na dalipay asin iba pang mga bagay na seramiks.

Answer 37

Hurno

Question 38

Sarong representasyon nin ano man na bagay, tunay man ini o imahinasyon sana, na puwedeng gamiton nin mga tawo sa pagsamba.

Answer 38

Idolo; Idolatriya

Question 39

Pinaghalong mahamot na mga pulot saka balsamo na luway-luway na natututong asin nagluluwas nin mahamot na parong

Answer 39

Insenso

Question 40

An pangaran na itinao nin Diyos ki Jacob. Ini man an nagin apod sa gabos na mga gikan niya bilang sarong grupo.

Answer 40

Israel

Question 41

Aking lalaki ni Isaac asin Rebeca. Kan huri, tinawan siya nin Diyos nin pangaran na Israel, asin siya an nagin patriyarka kan banwaan nin Israel (inaapod man na mga Israelita asin kan huri, mga Judio). Siya an ama kan 12 lalaki, na kaiba an saindang mga gikan, iyo an minakompuwesto sa 12 tribo kan nasyon nin Israel.

Answer 41

Jacob

Question 42

An kada ika-50 taon, puon kan maglaog an Israel sa Dagang Panuga.

Answer 42

Jubileo

Question 43

An ikaapat na aking lalaki ni Jacob sa agom niyang si Lea. Kan madali nang magadan si Jacob, ihinula niya na sarong makapangyarihan asin nagdadanay na tagapamahala an magikan sa linya kan pamilya ni kaini.

Answer 43

Juda

Question 44

Termino na ginagamit para sa sarong tawong naggikan sa tribo ni Juda pagkatapos kan pagbagsak kan sampulong tribong kahadian nin Israel. (2Ha 16:6) Pagkatapos kan pagkadistiyero sa Babilonya, nagin apod ini sa mga Israelitang hali sa manlain-lain na tribo na nagbalik sa Israel.

Answer 44

Judio

Question 45

An pinakalaog na kuwarto kan tabernakulo asin kan templo, kun sain nakabugtak an kaban kan tipan; inaapod man na Banal nin mga Banal.

Answer 45

Kabanal-banali

Question 46

Baul na gibo sa kahoy na akasya na kinalupkupan nin bulawan saka ilinaag sa Kabanal-banali kan tabernakulo asin kan huri sa Kabanal-banali kan templong itinugdok ni Solomon. Igwa ini nin solidong bulawan na takop na may duwang kerubin na magkahampang. An mayor na laog kaini iyo an duwang tablang gapo na nasusuratan kan Sampulong Tugon.

Answer 46

Kaban kan tipan

Question 47

An ekspresyon na ini ginagamit partikularmente para sa soberaniya nin Diyos na irinerepresentar kan maharlikang gobyerno kan saiyang Aki, si Cristo Jesus.

Answer 47

Kahadian nin Diyos

Question 48

Sarong puon nin kahoy sa hardin nin Eden na ginamit nin Diyos bilang simbolo kan saiyang deretso na magbugtak para sa mga tawo nin mga pamantayan sa kun ano an “marahay” asin kun ano an “maraot.”

Answer 48

Kahoy nin pakaaram kan marahay asin maraot

Question 49

Hali sa Griegong tataramon na aʹbys·sos, na an buot sabihon “labi-labi kararom” o “dai matugkad, daing sagkudan.” Ginamit ini sa Kristiyanong Griegong Kasuratan para ipanungod sa sarong lugar o kamugtakan na nagseserbing bilangguan. Kabali digdi an lubungan pero bakong limitado diyan.

Answer 49

Kairaruman

Question 50

An pinagkatudan na traduksiyon kan Hebreong terminong neʹphesh asin Griegong terminong psy·kheʹ. Sa pagsiyasat kun paano ginamit sa Bibliya an mga terminong ini, nagigin malinaw na sa panginot nanunungod an mga ini sa (1) mga tawo, (2) mga hayop, o (3) sa buhay nin tawo o nin hayop.

Answer 50

Kalag

Question 51

Inaapod man na Kapiyestahan nin mga Tabernakulo, o Kapiyestahan nin Pagtipon nin Ani. Ginigibo ini puon ika-15 sagkod ika-21 nin Etanim. Isineselebrar digdi an pag-ani sa katapusan kan ibinibilang na taon nin pagtanom sa Israel, asin panahon ini nin pag-ugma saka pasasalamat sa mga pagbendisyon ni Jehova sa mga pananom ninda.

Answer 51

Kapiyestahan nin mga Payag-payag

Question 52

Lunadan na duwa an ruweda asin ginuguyod nin kabayo. Ginagamit ini panginot na sa giyera.

Answer 52

Karwahe

Question 53

Sa Kristiyanong Griegong Kasuratan, nanunungod ini sa sagradong mga isinurat na minakompuwesto kan Tataramon nin Diyos.

Answer 53

Kasuratan

Question 54

Grupo nin mga tawong nagkakatiripon para sa sarong partikular na katuyuhan o gibuhon. Sa Hebreong Kasuratan, nanunungod ini sa parati sa nasyon nin Israel.

Answer 54

Kongregasyon

Question 55

An pangaran na itinao nin Diyos sa mga parasunod ni Jesu-Cristo.​

Answer 55

Kristiyano

Question 56

An tela na magayunon an pagkahabol asin igwa nin mga burdang kerubin na nagseserbing dibisyon kan Banal asin kan Kabanal-banali sa tabernakulo asin sa templo.

Answer 56

Kurtina

Question 57

Pahalabang pidaso nin anit o hinabol na materyales na arog nin litid nin hayop, tambo, o barahibo. Ilinalaag sa halakbang na parte kaiyan sa tahaw an pambala, na sa parati sarong gapo.

Answer 57

Lagpitaw

Question 58

Sarong sangkap na ihinahalo sa masa nin harina bilang pampausbog o sa mga likido bilang pampaalsom; partikularmenteng nanunungod sa sarong porsiyon nin pinausbog na masa na itinada hali sa nainot na pagmasa. Parati ining ginagamit sa Bibliya bilang simbolo nin kasalan asin karatan, asin ginagamit man ini para iladawan an dai nahihiling pero mahiwas na paglakop.​

Answer 58

Lebadura

Question 59

Sarong malalang hilang sa kublit. Sa Kasuratan, bako sanang nanunungod sa hilang na inaapod ngunyan sa kaparehong pangaran, huling bako sanang tawo an puwedeng maapektaran kaiyan kundi pati mga bado asin harong.

Answer 59

Leproso