Sparta

Question 1

Ano ang Sparta sa sinaunang Gresya?

Answer 1

Ang Sparta ay isa sa mga pinakamakapangyarihang lungsod-estado sa sinaunang Gresya na may militaristikong kultura at matinding disiplina.

Question 2

Paano ang pamumuhay sa Sparta?

Answer 2

Umiikot ang pamumuhay sa militar. Mula sa murang edad, ang mga Spartan ay tinuturuan at inihahanda para maging sundalo.

Question 3

Ano ang ibig sabihin ng salitang ‘Spartan’?

Answer 3

Ang salitang ‘Spartan’ ay nangangahulugan ng pagiging masinop at hindi maluho.

Question 4

Ano ang pangunahing pagkain ng mga Spartan?

Answer 4

Ang kanilang pangunahing pagkain ay isang uri ng sabaw na tinatawag na black broth.

Question 5

Paano naiiba ang pamilya sa Sparta kumpara sa ibang bahagi ng Gresya?

Answer 5

Ang mga kalalakihan ay dinadala sa mga kampo ng pagsasanay militar mula edad 7 at bihirang makasama ang kanilang pamilya, habang ang mga kababaihan ay may mas mataas na kalayaan.

Question 6

Ano ang Agoge sa Sparta?

Answer 6

Ang Agoge ay ang sistema ng pagsasanay militar para sa mga batang lalaki mula edad 7, kung saan sila ay sumasailalim sa matinding disiplina at pisikal na pagsasanay.

Question 7

Ano ang layunin ng edukasyon ng mga batang babae sa Sparta?

Answer 7

Layunin nitong palakasin ang kanilang katawan upang makapag-anak ng malalakas na sundalo at turuan sila ng mga kasanayang praktikal.

Question 8

Ano ang pangunahing layunin ng edukasyon sa Sparta?

Answer 8

Lumikha ng mga epektibong sundalo at mamamayang matapat sa estado.

Question 9

Ano ang tatlong pangunahing grupo sa lipunan ng Sparta?

Answer 9

1. Spartiates 2. Perioikoi 3. Helot

Question 10

Sino ang mga Spartiates?

Answer 10

Sila ang pinakamataas na uri sa lipunan ng Sparta, mga malalayang mamamayan na may tungkulin bilang mga sundalo.

Question 11

Ano ang papel ng mga Helot sa lipunan ng Sparta?

Answer 11

Sila ang mga alipin na nagsasaka sa mga lupain ng mga Spartiates at obligado silang ibigay ang malaking bahagi ng kanilang ani.

Question 12

Ano ang kalagayan ng mga kababaihan sa Sparta?

Answer 12

May higit na kalayaan ang mga kababaihan sa Sparta kumpara sa ibang bahagi ng Gresya, kabilang ang karapatang magmay-ari ng ari-arian.

Question 13

Ano ang sistema ng pamahalaan sa Sparta?

Answer 13

Ang pamahalaan ng Sparta ay isang uri ng oligarkiya na binubuo ng apat na pangunahing sangay.

Question 14

Ano ang Dual Kingship sa Sparta?

Answer 14

Ang Sparta ay pinamumunuan ng dalawang hari mula sa dalawang magkaibang royal na pamilya, na may tungkuling hati sa militar at pambansang usapin.

Question 15

Ano ang Ephors sa pamahalaan ng Sparta?

Answer 15

Sila ay limang opisyal na inihahalal taun-taon upang mangasiwa sa pamahalaan at may kapangyarihang patawan ng parusa ang mga hari.

Question 16

Ano ang Gerousia?

Answer 16

Ang Gerousia ay binubuo ng 28 matatandang kalalakihan at ng dalawang hari, na nagmumungkahi ng mga batas at nagiging tagapayo sa mga hari.

Question 17

Ano ang tungkulin ng Apella sa Sparta?

Answer 17

Binubuo ito ng lahat ng lalaking mamamayan ng Sparta na higit 30 taong gulang, na bumoboto sa mga panukalang batas.

Question 18

Ano ang pangunahing layunin ng Sparta bilang isang lipunan?

Answer 18

Ang pagtataguyod ng isang malakas na militar at disiplina.