Preguntanan pa examen rijbewijs B Flashcards
- Pa cual categoria di rijbewijs bo a bin pasa examen?
Pa rijbewijs categoria B
- Ki sorto di vehiculo bo por maneha (stuur) cu rijbewijs categoria “B”?
a. Un vehiculo di motor di cual su peso conta cu e peso maximo no ta mas cu 3500 kg
b. Cu no tin mas di ocho (8) asiento fiho, sin conta esun di e chauffeur aden
- Pa cuanto tempo un rijbewijs ta valido?
Tur rijbewijs ta valido pa cinco (5) aña
- Ki ora un rijbewijs ta perde su valides?
a. Ora bo perd’e
b. Ora el a gasta y cu parcialmente o completamente no por lesa mas ta na kende e ta pertenece
- Kiko bo mester hasi ora bo rijbewijs perde su valides?
Bo tin cu saca un duplicado
- Ki ora bo no por maneha un vehiculo? (6 redenen)
a. Ora bo NO tin um rijbewijs o permiso pa siña maneha (oefenvergunning)
b. Ora bo ta bou di influencia di un substancia cu por reduci bo habilidad pa maneha (p.e. alcohol o droga)
c. Durante e tempo cu polis a prohibi bo pa maneha te cu un tempo maximo di 24 ora (rijverbod)
d. Ora cu bo derecho di maneha a wordo kita door di un huez, durante e periodo cu e castigo ta den vigor.
e. Ora cu bo rijbewijs wordo declara invalido (2 situaties bij vraag 5)
f. Ora polis dunabo ordo pa entrega bo rijbewijs.
- Cual ta e documentonan cu bo mester tin cu bo ora bo ta maneha (stuur) ariba un caminda (no ora bo ta siña maneha)? (5)
a. Un rijbewijs categoria “B”
b. Un comprobante di keur (keuringskaart)
c. Un comprobante cu bo a paga e number
d. Un comprobante cu a paga seguro obligatorio
e. Formulario si bo a haña dispensacion (ontheffing)
- Pa cuanto tempo un comprobante di keur ta valido?
a. Dos (2) aña pa vehiculo di motor di propio uso
b. Un (1) aña pa tur otro vehiculo di motor
- Con bo por paga impuesto di number pa vehiculo di motor?
a. cada seis luna (2x6)
b. pa henter un aña (full)
- Kiko ta e espacio cu tin pa cada persona riba un asiento?
Si e asiento ta pa mas cu 1 persona sinta, cada 50 cm ta wordo considera como 1 asiento.
Si ta asiento pa un persona so, anto ta un so por sinta.
- Unda ta prohibi pa pasajero sinta?
a. Dilanti di e chauffeur o banda di e chauffeur si nan no ta sinta ariba un lugar destina pa sinta.
b. Banda di e chauffeur si e ta un mucha bou di 12 aña.
- Ta permiti pa transporta persona den baki di un vehiculo di carga? P.e. un pick-up?
a. Den un vehiculo cu baki sera (cu un dak) SI por.
b. Den un vehiculo cu baki habri (sin dak) NO ta permiti.
- Ki ora si ta permiti pa trasnaporta persona den baki di un vehiculo habri (sin dak)?
Ora bo tin dispensacion (ontheffing) di Minister di Husticia
- Kende ta e personanan cu mester bisti faha di seguridad (seatbelt) y den cual vehiculo?
a. E chauffeur y tur pasaheronan di un vehiculo di motor sin dak. P.e. jeep, autonan convertibel, etc.
b. E chauffeur y e pasahero(nan) cu ta sinta banda di e chauffeur den un vehiculo di motor cu mas cu dos wiel cu tin dak.
- Con bo mester comporta den trafico?
a. Di tal manera cu e libertad di trafico no ta wordo stroba sin motibo
b. E seguridad di trafico no ta wordo treci den peliger
- Kiko bo mester hasi ora bo ta envolvi den un accidente di trafico? (4)
a. Si tin persona herida mi tin cu percura pa haña yudansa mas liher cu ta posibel
b. Mi mester keda na e sitio di accidente warda polis
c. Mi mester duna e otro partido oportunidad pa haña mi identidad o esun di e vehiculo cu mi ta maneha
d. Mi mester mustra e otro partido envolvi mi comprobante di seguro
- Kiko bo mester hasi ora bo a dal un animal domestico ariba caminda?
Mi no mag di lag’e sin yudansa atras ariba e caminda
- Kiko bo mester hasi ora polis dunabo ordo pa para bo vehiculo?
Mi tin e obligacion di para esaki mesora y entreg’e e documentonan concerni cu mi mester tin cu mi den e vehiculo di motor
- Cual vehiculo no mester keur?
Tur vehiculo di motor durante e prome tres (3) aña
- Con un vehiculo di motor mester ta pa e wordo usa ariba caminda?
E mester ta tecnicamente den bon condicion
- Con e pito mester ta?
E mester ta consisti di por lo menos un (1) aparato pa pita cu por wordo tendi na un distancia di por lo menos 100 meter
- Con e mofler mester ta y kiko e gasnan no mester causa?
Riba henter su largura e mester ta bon sera y cu no ta causa molester di huma na persona ni animalnan cu ta wordo transporta
- Con e sonido di e mofler mester ta?
E sonido di e mofler no mester cause daño na oido (dus no mester ta demasiado duro)
- Na unda e spiel mester ta pa un vehiculo di motor?
Tur vehiculo di motor tin un spiel na e parti robes pafo
- Un vehiculo di motor mester tin un spiel parti paden?
Si e ta construi pa transporta mas cu un persona e mester tin un spiel paden tambe
- Un vehiculo di motor mester tin un spiel na e parti drechi pafo?
Si e chauffeur cu e spiel (cua di nan?) no por wak e caminda cu ta keda patras di dje, e mester tin tambe un spiel pafo na banda drechi
- Na unda den un vehiculo di motor mester tin faha di seguridad?
Na e asiento di e chauffeur y e asiento cu ta keda banda di dje mester tin bon “seatbelts”
- Con e glas di e bentananan di un vehiculo di motor mester ta construi y con mester wak door di nan?
- Nan mester ta construi di un material cu tanto paden como pafor por wak constantemente bon door di nan. 2. Den caso cu e glas kibra e no mester laga randnan skerpi
- Kiko no mester tin riba e windshield tambe riba e glasnan na banda robes y drechi di e chauffeur?
Riba e windshield y tambe e glasnan na banda robes y banda drechi banda di e chauffeur no por tin nuin material poni cu por stroba e visibilidad tanto di paden como di pafor (tinted glas)
- Kiko un vehiculo di motor cu tin windshield mester tin?
- E mester tin por lo menos un wiper cu ta traha bon y automatico y 2. e mester ta na banda di e chauffeur
- Con e brik nan mester ta?
a. E brik di pia mester wanta tur e wielnan pareu of casi pareu
b. E brik di man mester por wanta por lo menos dos wiel: e dosnan di dilanti of e dosnan di patras
- Di ki color y con e lusnan di señal mester ta dilanti?
- Nan mester ta blanco, oraño/geel te cu oraño. 2. Nan mester ta bon visibel pa auto contrario.
- Di ki color y con e lusnan di señal mester ta patras?
- Nan mester ta di un colo cora of oraño/cora. 2. Nan mester ta visibel pa e trafico su tras.
- Cuanto lus mester ta poni dilanti y di ki color nan mester ta?
Dilanti mester tin 2 lus cu por sende un color blanco o geel
- Cuanto lus mester tin poni patras y di color nan mester ta?
Patras mester tin po lo menos dos lus cora (tenminste vs 2 bij voorlichten)
- Con e lusnan di dilanti por sende?
Nan por sende na Dim of na Bright
- Ki color di lus NO por briya dilanti ariba un vehiculo di motor?
Lusnan color cora
- Un auto o pick-up por tin tres (3) stoplight (dus patras)?
Si. Si e tin tres, un mester keda meimei y no mas halto cu e vehiculo
- Ki ora e stoplightnan aki mester sende?
Ora cu primi ariba e pedal di brik nan mester sende automaticamente
- Cual lus por tin patras color blanco?
a. Lus pa ilumina e plachi di number
b. Lus di back-up/reverse
- Fuera di e lusnan patras, kiko tambe mester tin patras?
Por lo menos dos reflector (NO DEN UN FORMA DI TRAINGULO)
- Con bo ta reconoce un sitio pa peatonnan crusa caya?
a. Zebrapad
b. Borchi (E9)
- Ki ora ta anochi?
a. di ora solo baha te ora solo subi
b. ora cu awacero ta cai hopi duro
c. ora tin hopi humedad cu ta stroba e visibilidad ariba caminda
- Na un crusada cu tin borchi y lusnan di trafico y e lusnan di trafico ta sende paga tras di otro (knipperlicht), cual regla ta conta?
E regla(nan) cu e borchi(nan) ta indica
- Riba un crusada cu lusnan di trafico tin un polis ta dirigi e trafico y e ta manda bo pasa den lus cora. Kiko bo tin cu hasi?
Bo tin cu sigui e ordo di Polis! Pues pasa door di lus cora
- Si un auto di polis core pasa bo y send un luz cu ta indica “STOP POLIS” o si bo mire anochi un luz cora ariba caminda cu ta subi baha vertical, liher tras di otro, kico bo mester haci?
Bo tin cu para mes ora
- Si na un sitio di crusa caya tin un verkeersbrigadier cu un borchi ta dirigi e trafico. Kico bo mester hasi?
Bo mester sigui e instruccionan di e verkeersbrigadier mes ora
- Si na un crusada bo haña luz berde, kico bo mester hasi?
Sigui core pa hasi e crusada liber
- Semper bo mester subi un crusada ora cu bo tin luz berde?
No! Si mi subi un crusada y mi no por haci’e liber mi tin cu para dilanti e liña blanco (stoplijn). Keda para riba un crusada ta prohibi (paso bo no mag di blokia e crusada)
- Bo ta core ariba un caminda y bo ta mira cu tin un liña sera meimei ariba e caminda cu ta parti e caminda (aslijn). Kico e liña ta nifica?
Bo no por crusa e liña cu ningun parti di bo vehiculo
- Bo ta core ariba un caminda y bo ta mira un liña kibra (strepi strepi). Kico e liña ta nifica?
Bo por crusa e liña cu bo vehiculo SOLAMENTE si bo no causa peliger pa otro
- Bo ta core ariba un caminda y bo ta mira cu tin dos liña banda di otro meimei ariba e caminda y e liña mas serca di bo ta kibra (strepi strepi) y e otro ta sera. Kico e liñanan ta nifica?
E trafico contrario no por crusa e liñanan cu ningun parti di nan vehiculo. Ami por crusa e liñanan SOLAMENTE si mi no ta causa peliger pa otro.
- Bo ta core ariba un caminda y bo ta mira cu tin dos liña banda di otro meimei ariba e caminda y esun mas serca di bo ta sera, y e otro ta strepi strepi. Kico e liñanan ta nifica?
Trafico contrario por crusa e liñanan cu nan vehiculo SOLAMENTE si nan no ta causa peliger pa otro. Ami no por crusa e liñanan cu ningun parti di mi vehiculo.
- Bo ta core ariba un caminda y bo ta mira ariba e caminda liñanan blanco (sargeant strepen). Kico e liñanan ta nifica?
Bo no por ta cu un parti di bo vehiculo ariba e liñanan aki
- Con bo mester core ariba un crusada cu tin flecha pinta pa mustrabo e direccion pa core?
Bo no mag cambia mas. E ora bo tin cu sigui e direccion cu e flecha ta indicabo.
- Si na rand di un caminda bo ta mira un strepi color geel. Kico e ta nifica?
Cu bo no por staciona ariba o banda di dje
- Ora bo ta para ariba caminda o canto di caminda y bo kier cuminsa core. Kico bo mester hasi?
- Bo tin cu huza bo luznan pa indica unda bo kier bai y 2. Bo mester duna preferencia na tur otro trafico promer cu bo cuminsa core
- Ariba un caminda bo kier cambia di direccion na bo man robes. Kico bo mester hasi prome cu cambia di direccion? (7)
A. Duna señal na tempo cu bo ta bai cambia di direccion
B. Wak bon den spiel
C. Bira wak den e hoeki morto (unda bo no ta wak via spiel)
D. Sortia na tempo
E. Duna preferencia na e trafico cu ta core patras serca dibo na man robes
F. Duna preferencia na e trafico cu ta core banda di bo na bo man robes
G. Duna preferencia na trafico contrario
- Ariba un crusada bo kier cambia di direccion na bo man drechi. Kico bo mester haci prome cu bo cambia di direccion? (6)
A. Duna señal na tempo cu bo ta bai cambia di direccion
B. Wak bon den spiel
C. Bira wak den e hoeki morto (unda bo no ta wak via spiel)
D. Sortia na tempo
E. Duna preferencia na e trafico cu ta core patras serca di bo na man drechi
F. Duna preferencia na e trafico cu ta core banda dibo na bo man drechi
- Con nos mester core ariba un caminda?
- Mas tanto posibel na nos drechi
2. Chauffeurnan di vehiculo di motor semper mester laga un espacio pa manehadornan di bicicleta
- Kico bo tin cu haci ora di topa cu un obstaculo den bo drechi riba caminda?
- Wak si bo por pasa na drechi di e obstaculo
- Si e prome no por, baha bo velocidad laga e trafico contrario pasa promer cu bo continua
- Si bo no por sigui, bo mester para bo vehiculo
- Con nos mester core na un rotonde?
Na un rotonde tur hende mester core na su man drechi. Ta permiti pa core na banda robes, BASTA bo no sali na e promer afslag.
- Ki distancia un manehador cu ta core un vehiculo di motor mester mantene partras di otro vehiculo cu e ta core su tras pafo di parti habita?
Un distancia cu otro vehiculo cu ta pasa por drenta entre e y esun cu ta core su dilanti
- Ta semper bo mester mantene e distancia aki pafo di parti habita?
Den caso cu e situacion di trafico ta hasi imposibel o innecesario bo por mantene un distancia mas chikito. Por ehempel den un fila.
- Ki distancia un manehador di un vehiculo cu a para den parti habita mester mantene tras di otro vehiculo di motor?
E mester semper mantene un distancia di por lo menos 1 meter
- Na cua banda di caminda bo tin cu pasa otro vehiculo?
Na banda robes
- Prome cu bo pasa otro vehiculo o prome cu bo haci un movecion importante na bo robes, kico bo mester hasi pa avisa otro usadornan di caminda?
Bo mester duna un indicacion cu e luznan di trafico
- Unda ta prohibi pa un vehiculo di motor pa pasa un vehiculo di motor ariba mas cu dos wiel?
A. Inmediatamente prome o ariba un crusada y partimento di caminda
B. Den un lorada sin bon bista
C. Riba un caminda, cerca di e punto mas halto di un subida
- Ki ora bo por pasa ariba un cruzada?
Esei por ora cu bo no ta bai core ariba e parti di caya cu ta destina pa trafico contrario
- Kico ta prohibi pa un manehador di un vehiculo di motor hasi na un sitio pa peaton crusa caya (zebrapad)?
Ta prohibi pa manehadornan di vehiculo di motor pa pasa un vehiculo ariba mas cu dos wiel cu ta para o ta acercando poco poco un zebrapad
- Ta permiti pa pasa na banda drechi ariba un caminda?
Si, hasta ta obliga pa pasa na banda drechi ora;
A. un mahehador di un vehiculo cu ta core bo dilanti ta indica cu e ta bai cambia di direccion na su robes y e la sortia
B. cu ariba un caminda rin mas cu dos fila ta core den mesun direccion y e fila cu ta keda na bo drechi ta core mas duro cu esun na bo robes
- Con bo mester subi un crusada o partimento di caminda?
A. Cu masha cautela
B. Di tal forma cu bo mester para ariba e crusada
- Bo por subi un crusada y keda para ei riba?
Si, basta cu tin suficiente espacio entre e caminda cu ta destina pa e trafico cu ta core pasa bo dilanta y bo tras
- Unda ta prohibi pa para un vehiculo di motor? (9)
A. Unda ta prohibi pa medio di borchi (E2)
B. Ariba un parti di caminda cu ta destina pa subi caminda (i.e. invoegstrook)
C. Ariba un parti di caminda cu ta destina pa baha for di e caminda (uitvoegstrook)
D. Ariba un crusada o partimento di caminda
E. Ariba un sitio cu peaton ta crusa caya (zebrapad)
F. Ariba un parti di r caminda cu ta destina pa peaton cana (voetpad/berm/trottoir)
G. Ariba un parti di caminda destina pa manehadornan di bicicleta (fietspad)
H. Di tal forma cu bo ta stroba e libertad di trafico mas cu ta necesario
I. Di tal forma cu bo por trece e sefuridad di trafico den peliger
- Unda ta prohibi pa staciona (parkeer) un vehiculo di motor? (13)
A. Unda ta prohibi pa via di borchi (E1)
B. Ariba un brug
C. Na un crusada o partimento di caminda ariba un distancia di menos cu 5 meter for di e rand di caminda
D. Dilanti di un salida o entrada pa vehiculonan di motor
E. Ariba un caminda na haltura di un liña sera si e distancia entre e liña cu e vehiculo cu ta para ei nan ta menos cu 3 meter
F. Ariba un caminda na haltura di un vluchtheuvel si e distancia entre e vluchtheuvel cu e vehiculo cu ta para ei nan ta menos cu 3 meter
G. Pafo di parti habita, ariba un caminda di preferencia
H. Pafo di parti habita, ariba o den cercania di e punto mas halto di un subida sin bon bista
I. Serca o den un lorado sin bon bista
J. Ariba un distancia di menos cu 5 meter for di un borchi di trafico indicando un oarada di bus
K. Ariba un caminda di entrada (invoegstrook)
L. Ariba un salida di caminda (uitvoegstrook)
M. Den un parkeervak cu tin un parkeerneter, si e suma cu ta indica ariba e parkeerneter no ta paga
- Ei kico bo mester ta capas ora cu bo scohe un velocidad pa core?
Cua velocidad cu bo tuma, bo mester ta capas pa para bo vehiculo na tempo den e distancia cu ta bashi bo dilanti (con chikito o grandi e distancia ta no ta importa, ta para bo tin cu para na tempo)
- Manehadornan di vehiculo di motor por core poco poco compara cu e otro trafico ariba caminda?
No, sin ningun motibo ta prohibi pa stroba trafico door di core demasiado poco poco
- Cua ta e velocidad maximo pa core?
Den parti habita: 50 km/u
Pafo di parti habita: 80 km/u
- Por core pafo y den parti habita cu lus bright sendi?
Si, ora cu ta wordo indica cu borchi
- Ki ora ta prohibi pa core cu lus bright sendi?
A. Ora bo tin trafico contrario ta aserca
B. Ora bo ta coriendo serca (na un distancia cortico) di e auto bo dilanti
C. Den parti habita
- Ki lus un vehiculo ariba mas cu dos wiel cu para anochi, completamente o parcialmente ariba un caminda, mester tin sendi?
A. Dilanti mester tin dos lus chikito cu ta briya cla di un color blanco
B. Patras mester tin dos lus cu ta briya un color cora
- Bo por laga un vehiculo anochi para, completamente o parcialmente ariba un caminda, sin lus cendi?
No, solamente si bo lage den cercania di un palo di lus ilumina, na un distancia di no mas cu 30 meter
- Ki señal un manehador di un vehiculo di motor por huza ora tin un peliger menasante?
A. Den dia e por huza pito.
B. Anochi e por huza lus (cambia entre dim y bright lihe).
C. Tambe por huza e luz “hazard” si pa algun motibo mester para e auto ariba un caminda o core poco poco
- Cua ta e regla di preferencia na un crusada o splitsing? (12)
A. Trafico na man drechi tin preferencia
B. Trafico cu ta core ariba caminda di preferencia tin preferencia ariba trafico e caminda cu ta bin di man drechi y man robes
C. Trafico cu ta core ariba cruzada di preferencia tin preferencia ariba trafico cu ta bin di man drechi y man robes
D. Na un crusada di T esun cu ta ariba e caminda cu ta sigui tin prefencia ariba e caminda cu ta caba
E. Caminda duro (asphalt) tin preferencia ariba caminda di tera o no duro
F. Trafico di motor tin preferencia ariba trafico lento
G. Ningun trafico por crusa dilanti un trafico contrario ariba e mesun caminda
H. Lus berde tin preferencia
I. Polis cu ta dirigi trafico tin preferencia
J. Peaton ariba zebrapad tin preferencia
K. Polis, brandweer y ambulance cu alarma y sirena tin preferencia
L. Trafico cu ta para mester duna tur trafico cu ta participa preferencia prome cu cuminsa core
- Cuanto manera di sorta bo conoce?
Cuatro:
1. Ariba un caminda di un solo direcion bo ta sorta completamente na man robes
2. Ariba un caminda di dos direcion bo ta hiba e parti links di e auto na e liña cu ta parti e caminda den dos (si no tin liña bo ta imagine)
C. Ora tin compartimento special bo ta drenta den e compartimento
- Con bo mester sortia ora bo bai bira na man drechi?
Completamente na man drechi (lagando espacio pa bicicleta?)
- Cuanto parti habita tin na Aruba?
Oranjestad y San Nicolas
