Mahawarat Flashcards
آنکھیں دِکھانا
رویہ بدل لینا
مثال: مطلبی دوست برے وقت میں آنکھیں دکھا دیتے ہیں۔
ہاتھ ملنا
افسوس کرنا
مثلًا: سکول کی بس جانے پر طالبِ علم ہاتھ ملتا رہ گیا۔
ہاتھ دھو کر پیچھے پڑنا
برا طرح کسی چیز کے پیچھے پڑنا
مثلًا: امریکہ مسلمانوں کے پیچھے ہاتھ دھو کر پڑ گیا ہے۔
منہ پر ہوائیں اڑنا
رنگ اڑ جانا پریشانی یا خوف میں
مثلًا: ڈاکو کے ہاتھ میں خنجر دیکھ کر اسے کے مُنہ پر ہوائیاں اڑنے لگیں۔
منہ کی کھانا
بری طرح شکست کھانا
مثلًا: بھارت نے جب ۲۷ فروری ۲۰۱۹ پاکستان پر حملہ کیا تو اسے منہ کی کھانی پڑی۔
آنکھیں کھل جانا
حقیقت کھل جانا/ حیران ہونا
مثال: ملازمہ کی چوری پکڑی جانے پر گھر والوں کی آنکھیں کھل گئی۔
نقشہ بدل جانا
حالت یا شکل بدل جانا
مثال: جب سے بجلی آئی ہے، گاؤں کا تو نقشہ ہی بدل گیا ہے۔
دال میں کالا ہونا
شک و شبہ ہونا/ خرابی ہونا/ مشکوک معاملہ ہونا
مثال: عقیل کو اندازہ ہوگیا تھا کہ ضرور دال میں کچھ کالا ہے جو سب لوگ اشاروں میں باتیں کر رہے ہیں۔
منہ موڑنا
مقابلہ نہ کرنا/ کترا نا
مثال: ہمارے بہادر فوجی مقابلے سے منہ نہیں موڑتے اور ڈٹ کر دشمن کا سامنا کرتے ہیں۔
پیٹ کاٹنا
کفایت کرنا/ کم کھا کر گزر کرنا
مثال: غریب آدمی اپنا پیٹ کاٹ کر بچوں کی تعلیمی اخراجات پورے کرتا ہے۔
ہتھیار ڈالنا
معنی:
ہار مانا/ شکست تسلیم کرنا/اپنے آپ کو دشمن کے حوالے کرنا
مثال: کئی دن تک سخت مزاحمت کے بعد آخر کار فوج نے ہتھیار ڈال دیئے ۔
بازی لے جانا
فتح پانا/جیت جانا/ غالب آنا
مثال: محنت کرنے والے آخرکار ہر میدان میں بازی لے جاتے ہے۔
ہاتھ تنگ ہونا
مفلس ہونا
مثال: نسیم نے ملازمت چھوڑدی ہے اسی لیے آج کل اس کا ہاتھ تنگ ہے۔
روڑے اٹکانا
رکاوٹ پیدا کرنا
مثال: اگر کسی کی مدد نہیں کرسکتے تو کم از کم کسی کے کام میں روڑے تو نہ اٹکاؤ۔
دینگیں مارنا
شیخی بگھارنا/ اترانا
مثال: خرم نے نئی گھڑی کیا لے لی، ہر ایک کے سامنے ڈینگیں مارتا رہتا ہے۔
دن پھرنا
اچھا وقت آنا/ خوشحال ہونا
مثال: جب سے سلیم نے نیا کاروبار شروع کیا ہے، اس کے تو دن پھر گئے ہیں
جی چرانا
کسی کام سے بچنے کے لئے حیلے بہانے کرنا
مثال: محنت سے جی چراؤ گے تو کامیابی کی امید رکھنا بے کار ہے۔
تیر مارنا
بڑا کارنامہ کرنا(طنز کے طور پر استعمال ہوتا ہے)
مثال: صبح جلدی اٹھ کر تم نے کون سا تیر مار لیا ، اسکول تو آ ج بھی دیر سے پہنچے ہو۔
دانت پیسنا
نہایت غصے ہونا/غصہ دیکھانا
مثال: بچی کا برا نتیجہ دیکھ کر والدین دانت پیسنے لگے۔
اوس پڑنا
رونق نہ رہنا/اداس ہو جانا/پژمردہ ہونا
مثال: بارش کی وجہ سے احمر کے دوست سالگرہ پر نہ آسکے تو احمر پر گویا اوس پڑ گئی۔
جان پر کھیلنا
جان خطرے میں ڈال کر خطرناک/مشکل کام کرنا
مثال: ہمارے فوجی جان پر کھیل کر وطن کا دفاع کرتے ہیں۔
کان کھڑے ہونا
چوکنّا ہو جانا/خبردار ہو
مثال: دروازے پر آہٹ سن کر میرے کان ہو گئے ۔
خون سفید ہونا
محبت اور مروت باقی نہ رہنا
مثال: جائیداد کی لالچ میں رشتہ داروں کا خون سفید ہو گیا ہے اور ایک دوسرے کو نقصان پہنچانے کی فکر میں ہیں۔
آؤ بھگت کرنا
خاطر تواضع /مہمانداری کرنا۔
مثال: سالگرہ پر میرے دوست گھر آئے تو امّی نے ان کی خوب آؤ بھگت کی۔
اپنے منہ میاں مٹّھو بننا
اپنی تعریف آپ کرنا
مثال: دوسرے لوگ تعریف کریں تو بات بھی ہے، اپنے منہ میاں مٹّھو بننے سے کیا فائدہ۔
پول کھلنا
اصلیت(عیب/برائی) ظاہر ہونا[صرف منفی میں استعمال درست ہے]
مثال: اسد بظاہر تو امجد سے دوستی کا دعویٰ کرتا تھا،مگر ضرورت پڑنے پر اس کی دوستی کا پول کھل گیا۔
مثال۲: اس نے جھوٹ بول کر بچنے کی بہت کوشش کی مگر آخر اس کے جھوٹ کا پول کھل ہی گیا
دانت کھٹے کر دینا
عاجز کر دینا/ہمت توڑ دینا
مثال: ہماری بہادر افواج کے حملے نے دشمن کے دانت کھٹے کر دیے۔
رنگ لانا
اثر دیکھانا/ اثر ظاہر ہونا[مثبت، منفی دونوں معنوں میں استعمال ہو سکتا ہے]
مثال: طارق کی انتھک محنت رنگ لائی اور وہ شاندار نمبروں سے کامیاب ہوگیا۔
مثال۲: اس کی بے جا فضول خرپی رنگ لائی اور وہ کوڑی کوڑی کا محتاج ہوگیا۔
حوش کے ناخن لینا
عقل سے کام لینا[صرف تنبیہی جملے میں استعمال درست تسلیم کیا جائے]
مثال: اسلم! بوش کے ناخن لو! یوں وقت ضائع کرو گے تو بعد میں پچتاؤ گے۔
ناک رگڑنا
منت سماجت کرنا
مثال: چور نے بہت ناک رگڑی مگر لوگوں نے اسے پولیس کے حوالے کر دیا۔
مثال۲: غریب آدمی کے لاکھ ناک رگڑنے کے باوجود کسی نے اس کی مدد نہ کی۔
زہر کے گھونٹ پینا
غصہ ضبط کرنا/ غصہ ظاہر نہ کرنا
مثال: دوستوں کے سامنے چھوٹے بھائی کی بدتمیزی پر وہ زہر کے گھونٹ پی کر رہ گیا۔
لال پیلا ہونا
شدید غصے ہونا
مثال: اسلم کے بدتمیزی پر اس کے ابو غصے سے لال پیلے ہونے لگے۔
دل باغ باغ ہونا
بہت خوش ہونا
مثال: اپنی پسند کا تحفہ ملنے پر امجد کا دل باغ باغ ہونا۔
خون کا پیاسا ہونا
سخت دشمن بن جانا
مثال: دونوں بھائی جائیداد کے جھگڑے پر ایک دوسرے کے خون کے پیاسے ہیں۔
اینٹ سے اینٹ بجانا
خوب تباہ و ویران کرنا/ شکست فاش دینا
مثال: جنگ میں پاکستان نے اینڈیا کی اینٹ سے اینٹ بجا دی۔
آنکھوں میں دھول جھونکنا
دھوکہ دینا
دکان دار نے احمد کی آنکھوں میں دھول جھونک کر سستی چیز مہنگے داموں بیچ دی۔
دُم دبا کر بھاگنا
ڈر کر بھاگ جانا
مثال: پولیس کو دیکھ کر چور دوم دبا کر بھاگ گیا۔
کان کا کچا ہونا
ہر بات پر یقین کرنا
مثال: وہ کانوں کا کچا ہے ہر کسی کی بات پر یقیں کر لیتا ہے۔
خون پسینہ ایک کرنا
بہت محنت/مشقت کرنا
مثال: اس نے خون پسینہ ایک کرکے دولت کمائی ہے۔
پھولا نہ سمانا
بہت خوش ہونا
مثال: نوکری ملنے پر وہ خوشی سے پھولا نہ سمایا۔
طاق ہونا
ماہر ہونا
مثال: جابر ابن حیّان علمِ کیمیا میں طاق تھا۔
گُن گانا
تعریف کرنا
مثال: وہ اتنا اچھا ہے کہ ہر کوئی اُسکے گُن گاتا ہے۔
سر آنکھوں پر بٹھانا
بہت عزت/ خاطر تواضع کرنا
مثال: احمد صاحب اپنے ہر مہمان کو سر آنکھوں پر بٹھاتے ہیں۔
سر اونچا کرنا
سر فخر سے بلند کرنا
مثال: میں اچھے کام کرکے اپنے والدین کا سر اونچا کرو گا۔
ساز باز کرنا
سازش کرنا
مثال: وہ دوسروں کے ساتھ مل کر ہمیشہ میرے خلاف ساز باز کرتا ہے۔
منہ میں پھول جھڑنا
خوش گفتار/بیان ہونا
مثال: اسلم کی بات کرنے کا انداز اتنا اچھا ہے، یون لگتا ہے منہ سے پھول جھڑ رہے ہوں۔
بال بال بچنا
بمشکل بچنا
مثال: ڈرایؤر کی سمجھداری کی وجہ سے بس حادثے کا شکار ہونے سے بال بال بچ گئی۔
ناک میں دم کرنا
تنگ کرنا/پریشان کرنا
مثال: بچے ضد کر کے اپنے ماں باپ کے ناک میں دم کر دیتے ہیں۔
آڑے ہاتھوں لینا
خوب ڈانٹنا/ باتیں سنانا
مثال: گھر دیر سے پہنچنے پر امی نے خوب آڑے ہاتھوں لیا۔
سبز باغ دیکھانا
مکر و فریب کی باتیں کرنا/ جھوٹی امیدیں بندھانا
مثال: اپنا مطلب نکالنے کے لیے اس نے بڑے سبز باغ دکھائے تھے۔
راس آنا
فائدے مند ثابت ہونا
مثال: وطن چھوڑنا اسے راس نا آیا۔
عید کا چاند ہونا
بہت کم نظر آنا
مثال: جب سے اس نے گاڑی چلانا سیکھا ہے وہ ہر وقت گھر سے باہر ہوتا ہے اور ہمارے لئے تو عید کا چاند جیسا ہو گیا ہے۔
خاطر میں نہ لانا
پرواہ نہ کرنا
مثال: اس نے رات کے وقت اتنا شور مچایا اور وہ یہ خاطر میں نہ لایا کے اس کا شور کی وجہ سے سوتے ہوئے لوگوں پر کیا گزر رہی ہوگی۔
الٹی پٹی پڑھانا
غلط باتیں سکھانا
مثال: تم تو عجیب بڑے بھائے ہو تمہیں تو اسد کو اچھی باتیں سکھانی چاہیئے مگر تم تو اسے الٹی پٹی پڑھاتے ہوں۔
خیالی پلاؤ پکانا
ایسی باتیں کہنا یا سوچنا جسکا حقیقت میں کوئی وجود نہ ہو
مثال: احمر تو ہر وقت خیالی پلاؤ پکاتا ہے ، وہ پڑی کارنامے کرنے کا خواب دیکھتا ہے لیکن ان خواب کو حقیقت بنانے کے لئے ذرا بھی محنت نہیں کرتا۔
رال ٹپکنا
کسی اچھی چیز کو دیکھ کر اس کی چواہش کرنا[صرف کھانے کی چیزوں کے لئے استعمال ہوتا ہے جانوروں کے لئے نہیں]
سیخ پا ہونا
بہت زیادہ غصے میں آ جانا
مثال: احمد دشمن کو دیکھ کر سیخ پا ہوگیا ۔
گل چھرے اُڑانا
عیش کرنا/عیش و عشرت کرنا
مثال: ہمارے سیاست دان گل چھرے اُڑا رہے ہیں جبکہ عوام فاقے کر رہے ہیں۔
زہر اُگلنا
کسی کے خلاف بولنا
مثال: ہمارے سیاست دان ہمیشہ ایک دوسرے کے خلاف زہر اگلتے رہتے ہیں۔
چار چاند لگانا
رونق برسانا/ اچھائی یا خوبصورتی میں اضافہ
مثال: آپ کے آنے سے ہمارے محفل میں چار چاند لگ گئے۔
بھانڈا پھوڑنا
راز فاش کرنا
مثال: تم اپنا کوئی راز اس سے مت کہنا، وہ سب کے سامنے تمہارا بھانڈا پھوڑ دیگا۔
بےپر کی اڑانا
بے معنی بات کرنا/گپ اڑانا/بے بنیاد خبر مشہور کرنا
مثال:امجد نے یہ فلم تو دیکھی ہی نہیں، اس کی کہانی کے بارے میں یونہی بےپر کی اڑا رہا ہے۔
لوہے کے چنے چبانا
سخت اور مشکل کام کرنا
مثال: میڈیکل کی تعلیم حاصل کرنا تو لوہے کی چنے چبانے کے برابر ہے۔
لکیر کا فقیر ہونا
پرانی روایات کا اسیر یا پابند ہونا/اپنی عقل سے کام نہ لینا
مثال۱: کچھ لوگ لکیر کے فقیر ہوتے ہیں اور نئی دور کی تبدیلیوں کو قبول نہیں کرتے۔
مثال۲: نجمہ فیشن کے معملے میں بالکل لکیر کی فقیر ہے، مجال ہے جو اپنا دماغ استعمال کرے۔
خار کھانا
جلنا یا حسد/دشمنی کرنا(ناگواری کا اظہار کرنا بھی قبول کیا جا سکتا ہے)
مثال: نعیم کی ترقی دیکھ کر اس کے ناکام دوست اس سے خار کھانے لگے۔
راہ دیکھانا
انتظار کرنا
مثال: سالگرہ کی تیاری کر کے اسد بے چینی سے مہمانوں کی راہ دیکھ رہا تھا۔
راستہ ناپنا
چلے جانا/ اپنے کام سے کام رکھنا
مثال: مہنگی دکان میں قیمت دیکھ کر گاہک نے راستہ ناپنا ہی مناسب سمجھا۔
کنارہ کرنا
الگ ہو جانا / دوری اختیار کرنا
دھوکے باز دوست کی اصلیّت پتا چلنے پر میں نے اس کنارہ کرنا ہی بہتر سمجھا۔
صاف جواب دینا
انکار کرنا
مثال: کسان نے زمیندار سے قرض کی درخواست کی مگر اس نے صاف جواب دے دیا۔
دل میں لڈّو پھوٹنا
دل ہی دل میں خوش ہونا
مثال: امی کو فون پر رشتے کی بات پکی کرتے سن کر زارا کے دل میں لڈُو پھوٹنے لگے۔
کان بھرنا
کسی کے خلاف بات کرکے دوسرے کو اس سے بدظن کرنا
مثال: ضرور کسی نے میرے خلاف خالہ کے کان بھرے ہیں جو وہ مجھ سے ناراض ہیں۔
دل بھر آنا
غمزدہ ہونا/ رقّت ہونا
مثال: بڑھیا کی دکھ بھری داستان سن کر میرا دل بھر آیا۔
دوڑ دھوپ کرنا
کوشش کرنا/ جد وجہد کرنا
مثال: نوکری کی تلاش میں عدیل نے دوڑ دھوپ کی مگر کامیاب نہ ہوا۔
کیچڑ اچھالنا
الزام تراشی کرنا
مثال: الیکشن کے دنوں میں اکثر سیاستدان ایک دوسرے پر کیچڑ اچھالتے دکھائی دیتے ہیں۔
وارے نیارے ہونا
غیر متوقع کامیابی حاصل ہونا
مثال: سلیم کی لوٹری کیا نکلی اس کے تو وارے نیارے ہوگئے۔
آنچ نہ آنا
صدمہ نہ پہنچنا/ نقصان نہ ہونا
مثال: ہماری فوجی نے بہادری سے مقابلہ کیا اور ملکی سلامتی پر آنچ نہ آنے دی۔
شیشے میں اتارنا
قابو میں لانا/ رام کر لینا/ متاثر کرنا
مثال: دکاندار نے اپنی باتوں سے گاہک کو شیشے میں اتار لیا اور مہنگا سامان فروخت کیا۔
پگڑی اچھالنا
رسوا کرنا/ بے عزت کرنا/ تمسخر کرنا
مثال: مذاق ایک حد تک ہی مناسب ہے، اس بہانے کسی کی پگڑی اچھالنا بری بات ہے۔
کان دھرنا
توجہّ دینا/ غور سے سننا
مثال: امجد بہت شرارتی بچّہ ہے، کبھی بڑوں کی بات پر کان نہیں دھرتا۔
کان کاٹنا
چلاکی/ عیاری یا کسی منفی امر میں سبقت لے جانا
مثال: خیالی منصوبے بنانے میں تو نعیم شیخ چلی کے بھی کان کاٹتا ہے، مگر عملی طور پر بلکل نکمّا ہے۔
میدان مارنا
فتح کرنا/ غالب آنا/ کامیاب ہونا
مثال: اس نے مقابلے میں بہترین کارکردگی دیکھا کر میدان مار لیا ۔
ہاتھا پائی
دست و گریبان ہونا/ مار پیٹ کرنا یعنی عملًا لڑنا
مثال: دکاندار اور گاہک کے تو تکرار اتنی بڑھی کہ نوبت ہاتھا پائی تک آ گئی۔
ہاتھ پاؤن مارنا
کوشش کرنا/ جد و جہد کرنا
مثال: کچھ ہاتھ پاؤں مارو گے تو ہی بات بنے گی، صرف باتوں سے کام نہیں چلے گا۔
ایڑی چوٹی کا زور لگانا
بے انتہا کوشش کرنا
مثال: وہ امتحان میں کامیابی کے لئے ایڑی چوٹی کا روز لگایا۔
ایڑیاں رگڑنا
مصیبت اور تکلیف میں ہونا
مثال: آج محنت کر لو ورنہ ایڑیاں رگڑتے زندگی گزرے گی۔
پیٹ کا ہلکا ہونا
ہر بات کہہ دینا، کوئی بات راز نہ رکھ سکنا
مثال: اپنی کوئی بات اس سے مت کہنا وہ پیٹ کا بہت ہلکا ہے۔
آسمان سر پر اٹھانا
بے جہ شور کرنا(غصے کے معنی میں درست ہے)
مثال۱: بچے اسکول سے گھر آتے ہی آسمان سر پر اٹھا لیتے ہیں۔
مثال۲: اگر آصف کی کوئی چیز اِدھر سے اُدھر ہو جائے تو آسمان سر پر اٹھا لیتا۔
سر پر پاؤں رکھ کر بھاگنا
تیزی سے بھاگ جانا/ڈر یا خوف کی وجہ سے بھاگنا
مثال: چور پولیس کو دیکھتے ہی سر پر پاؤں رکھ کر بھاگ گیا۔
