LS1 FILIPINO

Question 1

1. Labis na pagkapagod ang nadarama ng aking ina sa sobrang pagtatrabaho.
   Ano ang payak na anyo ng salitang nakasalungguhit sa pangungusap?
   (A) pag
   (B) pagka
   (C) pagod
   (D) kapagod

Answer 1

(C) pagod

Question 2

2. Mahilig sa mga gadget si Jenny. Madalas ay hindi na siya kumakain at di natutulog sa
   tamang oras. Hindi na rin nakakapokus sa pag-aaral, kaya hindi siya nakapasa.
   Ano ang sanhi ng hindi pagpasa ni Jenny?
   (A) Hindi siya natutulog.
   (B) Marami siyang gadget.
   (C) Wala siyang hilig mag-aral.
   (D) Nakapokus lang siya sa mga gadget.

Answer 2

(D) Nakapokus lang siya sa mga gadget.

Question 3

3. Sa makabagong panahon, maraming kabataang millennial ang naniniwalang ang tagumpay
   ay madali nilang makakamit. Tulad ni Mina, dahil magaling sa computer, positibo siya na
   makapagpapapatayo ng computer shop.
   Batay sa nabasa, ano ang maaaring mangyari kay Mina?
   (A) Magiging makabago siya.
   (B) Magbababad siya sa internet.
   (C) Magkakaroon siya ng negosyo.
   (D) Mag-aaral pa siya ng kurso sa computer.

Answer 3

(C) Magkakaroon siya ng negosyo.

Question 4

Si Karen ay nagmamay-ari ng maliit na panaderya sa kanilang bayan. Sa loob ng
isang buwan, napansin niya ang pagbaba ng kita dahil sa mainit na panahon na
nagdudulot ng mabilis na pagkasira ng mga tinapay. Bilang resulta, kailangan niyang
itapon ang maraming produkto araw-araw. Nais ni Karen na maiwasan ang pag-aaksaya
ng tinapay at mapanatili ang kalidad ng kanyang paninda.
Habang nag-iisip ng solusyon, napag-usapan nila ng kanyang kaibigan na si Ella
ang paggamit ng refrigerator para mapanatiling sariwa ang tinapay. Gayunpaman, mataas
ang gastos sa kuryente, at limitado ang kanyang budget. Nais ngayon ni Karen na tukuyin
kung ang paggamit ng refrigerator ay angkop o may iba pang solusyon na maaaring
subukan.
4. Ano ang unang hakbang na maaaring gawin ni Karen upang matugunan ang problema ng
mabilis na pagkasira ng kanyang mga tinapay?
(A) Magdagdag ng preservatives sa mga tinapay.
(B) Isara ang panaderya tuwing mainit ang panahon.
(C) Taasan ang presyo ng mga tinapay para mabawi ang kita.
(D) Magtanong sa ibang panaderya kung paano nila hinahawakan ang kanilang mga
produkto.

Answer 4

(D) Magtanong sa ibang panaderya kung paano nila hinahawakan ang kanilang mga
produkto

Question 5

5. Matapos makapanayam ang ibang panaderya, natutunan ni Karen ang tungkol sa paggamit
   ng refrigerator at mga airtight na lalagyan. Ano ang pinaka-angkop na hakbang na maaaring
   gawin niya upang mapanatili ang sariwang kalidad ng tinapay nang hindi masyadong
   gumagastos?
   (A) Bumili ng bagong refrigerator kahit mataas ang gastusin.
   (B) Maglagay ng mas maraming asin sa mga tinapay upang magtagal ito.
   (C) Mag-alok ng malaking diskwento para mabilis na maubos ang mga tinapay.
   (D) Gumamit ng airtight na lalagyan upang iwasan ang mabilis na pagkasira ng
   tinapay.

Answer 5

(D) Gumamit ng airtight na lalagyan upang iwasan ang mabilis na pagkasira ng
tinapay.

Question 6

6. Kung hindi magiging sapat ang airtight na lalagyan, ano ang maaaring alternatibong
   solusyon na maaaring subukan ni Karen upang maiwasan ang pag-aaksaya ng mga
   produkto?
   (A) Magtayo ng mas malaking panaderya sa ibang lugar.
   (B) Huminto sa paggawa ng tinapay tuwing mainit ang panahon.
   (C) Gumawa ng mga tinapay na mas matamis upang mas matagal.
   (D) Mag-alok ng “Buy One, Take One” promo tuwing hapon upang mabilis maubos
   ang tinapay

Answer 6

(D) Mag-alok ng “Buy One, Take One” promo tuwing hapon upang mabilis maubos
ang tinapay.

Question 7

7. Mahilig kumain si Luisa ng kendi, cake, at ice cream. Madalas din siyang uminom ng
   softdrinks. Ayaw niyang uminom ng gatas. Iniiwasan din niya ang pagkain ng gulay at
   prutas. Ano ang maaaring mangyari kay Luisa kung ipagpapatuloy niya ang ganitong gawi?
   (A) Tatangkad at tatalino si Luisa.
   (B) Maaari siyang magka-diabetes.
   (C) Masisira ang panunaw ni Luisa.
   (D) Lulusog ang kaniyang pangangatawan.

Answer 7

(B) Maaari siyang magka-diabetes.

Question 8

8. Ayon sa babala ng Department of Health (DOH), may mga dapat gawin at iwasan ang mga
   tao, kaugnay ng COVID-19. Mahihinuhang ang layunin nila ay
   (A) maglarawan ng kalagayan ng China
   (B) manghikayat na iwasan ang pangingibang bansa
   (C) magsalaysay ng mga pangyayaring may kaugnayan sa nasabing sakit
   (D) maipaliwanag ang mga sintomas at dapat gawin upang makaiwas sa sakit
   na ito

Answer 8

(D) maipaliwanag ang mga sintomas at dapat gawin upang makaiwas sa sakit
na ito

Question 9

Kaya naman hindi masamang mag-log-out muna tayo sa social
media at muling balikan ang mga bagay na nagpapasaya dahil hindi
sa internet makikita ang sagot sa tanong na “Sino talaga ang totoong
ako?” kung hindi sa ginagalawan nating tunay at makulay na
mundo.
(Halaw sa sanaysay ni Jason Renz D. Barrios na ang
Pinakamagandang Pamato sa Larong Piko)
9. Alin sa sumusunod ang nais iparating ng manunulat sa talatang nababasa sa itaas?
(A) Bigyan natin ng panahon ang mga larong pisikal.
(B) Sa internet ay makikita natin ang tunay na mundo.
(C) Higit na makikilala natin ang ating sarili sa mata ng iba.
(D) Magiging masaya tayo kung titigilan natin ang social media.

Answer 9

(A) Bigyan natin ng panahon ang mga larong pisikal.

Question 10

Ah! Ikaw, tigre ay nahulog sa hukay at hindi makaahon. Ikaw naman,
lalaki, narinig mo ang paghingi ng saklolo, kaya tinulungan mo ang
tigre. Sa ibang salita, kung ang tao ay hindi nagpakita ng kabutihan
at iniwan ang tigre sa hukay, walang naging problema. Kaya naisip
ko na magpatuloy ang tao sa kaniyang paglalakbay at dapat manatili
ang tigre sa hukay”, ang hatol ng kuneho.
(Halaw sa pabulang mula sa Korea na isinalin sa
Filipino ni Vilma Ambat na Ang Hatol ng Kuneho)
10. Anong katangian ng mga taga-Korea ang masasalamin sa pabula?
(A) Mabait at matalino
(B) Palatanong at magaling
(C) Matulungin at makatarungan
(D) Mapagpatawad at makatarungan

Answer 10

(C) Matulungin at makatarungan

Question 11

11. Nagtungo ang presidente sa kongreso upang bigyang parangal ang bagong halal na
    gobernador.
    Sa anong wika hiniram ang mga salitang may salungguhit?
    (A) Arabe
    (B) Hindu
    (C) Ingles
    (D) Espanyol

Answer 11

(C) Ingles

Question 12

12. Pagkatapos ng paglulunsad ng proyektong “Kabataan, Kailangan Ka ng Barangay”, pinuri
    ng kapitan ng barangay si Mariana. Nasunod daw nito ang mga hakbang sa pakikipanayam
    sa panauhing pandangal.
    Ano ang tamang pagkakaayos ng mga hakbang sa pakikipanayam?
13. Magpasalamat sa kinakapanayam.
14. Magtanong nang magalang sa kinakapanayam.
15. Kilalanin ang taong kakapanayamin.
16. Isulat nang maayos ang nakuhang impormasyon sa panayam.
    (A) 1, 4, 3, 2
    (B) 2, 3, 4, 1
    (C) 3, 1, 2, 4
    (D) 4, 2, 1, 3

Answer 12

(B) 2, 3, 4, 1

Question 13

“Hindi ako titigil hanggang ang Brazilians ay walang pagkain sa
kanilang hapag, may pamilyang pakalat-kalat sa mga lansangan
na nawawalan ng pag-asa at habang may mahirap na batang
tuluyan nang inabandona”.
(Dilma Rousef wattpad.com. Grade 10 Filipino Module)
13. Anong saloobin ang ipinapahayag ni Dilma Rousef?
(A) Ipinakikita ang kalakasan ng kababaihan.
(B) Ikinukumpara ang kalagayan ng Brazil sa Pilipinas.
(C) Ipinagpapalagay na wala nang solusyon ang ganitong suliranin.
(D) Ipinapahayag ang pagnanais na malutas ang suliranin ng kanilang bansa.

Answer 13

(D) Ipinapahayag ang pagnanais na malutas ang suliranin ng kanilang bansa.

Question 14

14. Ang gandang panlabas ay lumilipas subalit ang panloob na ganda ay nananatili, di nawawala
    Ano ang ibig sabihin ng pahayag na ito?
    (A) Lumilipas din ang ganda ng loob.
    (B) Mapapanatili ang gandang panlabas.
    (C) Ang gandang panloob at panlabas ay laging magkasama.
    (D) Mas mabuting tingnan ang kalooban ng isang tao, kaysa ganda ng mukha.

Answer 14

(D) Mas mabuting tingnan ang kalooban ng isang tao, kaysa ganda ng mukha.

Question 15

15. Dalawampung taon na po akong taxi driver. Hindi pa ganito ang Maynila. Ang daming
    naglalakad at abalang-abala. Noong araw, mas tahimik; kakaunti pa lang ang mga taxi
    driver, at di-masyadong maraming kotse at bus.”
    Ano ang mensaheng nais ipabatid ng taxi driver?
    (A) Malaki na ang ipinagbago ng Maynila.
    (B) Magulo na ang Maynila noong araw pa.
    (C) Nagsasawa na siya sa pagiging taxi driver.
    (D) Hindi na kumikita ang mga taxi driver sa Maynila.

Answer 15

(A) Malaki na ang ipinagbago ng Maynila.

Question 16

16. May nabasang post si Grace sa isang social media tungkol sa salitang “rice”. Nais niyang
    malaman din ito ng mga kaklase niya.Alin sa sumusunod ang pinakamabilis na paraan
    upang maipasa niya ito?
    (A) Gumawa ng blog sa tungkol dito.
    (B) Ipasa ang impormasyon sa group chat nila.
    (C) Ipasa ang link sa email sa mga kakilala niya.
    (D) Lumikha ng teleconference para ipaliwanag pa ito.

Answer 16

(B) Ipasa ang impormasyon sa group chat nila.

Question 17

17. Naatasan ng guro ang mga mag-aaral na mangalap ng datos tungkol sa mga out-of-school
    youth sa kanilang barangay. Sa pagtatanong nila, lumabas na may kabuuang 140 ang OSY.
    Ang 29 sa bilang na ito ay nasa pagitan ng edad 16-25, may 25 na nasa pagitan ng edad
    26-30, at 86 ang nasa edad na 31 pataas.
    Batay sa nakalap na datos, kung nais ipakita ang paghahati ng kabuuan ayon sa edad,
    aling paglalahad ang pinakaangkop gamitin?

Answer 17

A. Datos ng OSY (Edad)
16-25 26-30 31 pataas
Babae 19 15 30
Lalaki 10 10 56
Kabuuan 29 25 86

Question 18

18. Inatasan si Tricia ng kaniyang guro na pamunuan ang klase para sa pagsasagawa ng Tree
    Planting. Tumawag siya ng pulong para magplano ng mga dapat nilang gawin. Nakipag-
    ugnayan sila sa kapitan ng barangay at pagkatapos ay isinagawa na ang mga binalak nilang
    hakbang. Alin sa sumusunod ang tamang ayos ng mga hakbang sa pagsasagawa ng
    proyekto?
19. Nagplano sila ng mga hakbang na gagawin.
20. Nagsaya sila dahil naisagawa nang maayos ang proyekto.
21. Tumawag sila ng pulong.
22. Naisakatuparan nila ang nabuong proyekto.
23. Nakipag-ugnayan sila sa kapitan ng barangay.
    (A) 3, 1, 5, 4, 2
    (B) 3, 1, 5, 2, 4
    (C) 2, 3, 4, 1, 5
    (D) 1, 5, 3, 2, 4

Answer 18

(A) 3, 1, 5, 4, 2

Question 19

19. Maraming Pilipina, kahit edukado at may propesyon, ay pinipiling magtrabaho at sumapi
    sa Yaya Sisterhood sa Hongkong dahil sa mas mataas na sahod. Dahil dito, nagkukulang
    tayo ng mga kinakailangang propesyonal sa bansa. Ano ang pangunahing mensahe ng
    kuwento na nagpapakita ng suliraning panlipunan na dapat mabigyan ng solusyon?
    (A) Dapat itaas ang sahod ng mga propesyonal sa bansa.
    (B) Dapat magtulungan ang mga Pilipino sa ibang bansa.
    (C) Dapat maglaan ng pondo ang gobyerno para sa mga OFW.
    (D) Dapat lumikha ang gobyerno ng mas maraming trabaho sa Pilipinas.

Answer 19

(A) Dapat itaas ang sahod ng mga propesyonal sa bansa.

Question 20

Si Mico ay nahilig sa paghahalaman at palaging nagtatanim ng mga bulaklak sa
kanilang bakuran. Isang araw, sinabi ng kanyang kapitbahay na ang pagtatanim ng
bawang sa paligid ng mga bulaklak ay nakakapigil sa mga insekto. May isang kaibigan din
siya na nagsabi na ang pagsasalita sa mga halaman ay nakakatulong upang sila’y lumago
nang mas mabilis. Napag-alaman din ni Mico mula sa isang gardening book na ang
wastong pagdidilig at paggamit ng tamang pataba ang tunay na susi sa magandang
paglago ng mga halaman. Sa kabilang dako, may narinig siya na kapag may itinatanim na
bulaklak, dapat daw ay maglagay ng barya sa ilalim ng lupa upang magdala ito ng swerte.

20. Alin sa sumusunod ang may mapagkakatiwalaang batayan?
    (A) Ang paglalagay ng barya sa ilalim ng lupa ay sinasabing nagdadala ng swerte.
    (B) Ang pagtatanim ng bawang sa paligid ng mga bulaklak ay nakakapigil sa mga
    insekto.
    (C) Ang pagsasalita sa mga halaman ay nakakatulong upang sila’y lumago nang mas
    mabilis.
    (D) Ayon sa isang gardening book, ang wastong pagdidilig at paggamit ng tamang
    pataba ay mahalaga para sa magandang paglago ng mga halaman,

Answer 20

(D) Ayon sa isang gardening book, ang wastong pagdidilig at paggamit ng tamang
pataba ay mahalaga para sa magandang paglago ng mga halaman,

Question 21

21. Tuwing panahon ng eleksiyon, mahalaga ang papel na ginagampanan ng mga guro. Ang
    pagod nila ay walang katumbas na halaga, mula sa paghahanda ng mga kagamitan
    hanggang sa matapos ang bilangan. Kaya naman ang CNN Philippines ay nagbigay-pugay
    sa mga guro, upang iparating sa madla na sila ang mga bayani sa likod ng bawat eleksiyon.
    Alin sa sumusunod na pangunahin at pantulong na kaisipan ang nagsasaad ng
    buod ng tekstong binasa?
    (A) Ipinalabas sa telebisyon ang pagbibigay pugay sa mga guro.
    (B) Mahalagang papel ang ginagampanan ng mga guro tuwing eleksiyon.
    (C) Nakararanas ng pagod at puyat kapag may eleksiyon ang mga guro.
    (D) Ang mga guro ang naghahanda ng mga kagamitan tuwing eleksiyon.

Answer 21

(B) Mahalagang papel ang ginagampanan ng mga guro tuwing eleksiyon.

Question 22

22. Batay sa aklat na Panitikang Pandaigdig sa Filipino, ang salitang myth (mito) ay galing sa
    salitang Latin na mythos at sa salitang Griyego na muthos, na ang kahulugan ay
    (A) epiko
    (B) alamat
    (C) pabula
    (D) kuwento

Answer 22

(D) kuwento

Question 23

23. “Lubhang kaakit-akit ang kagandahan ng aking kasintahan. Kung ako ang tatanungin ay
    hindi maikukumpara ang kanyang mukha sa kanino mang artista. Pakiramdam ko nga,
    ako na ang pinakamasuwerteng lalaki sa buong mundo”.
    Alin sa sumusunod ang tamang pagsusuri sa tekstong nasa itaas?
    (A) Opinyon, sapagkat ito ay sariling pananaw.
    (B) Opinyon, dahil batay sa pag-aaral ang pahayag.
    (C) Katotohanan, sapagkat dalubhasa ang pinagmulan ng pahayag.
    (D) Katotohanan, dahil nagmula ang pahayag sa tunay na damdamin.

Answer 23

(A) Opinyon, sapagkat ito ay sariling pananaw.

Question 24

(1) Matatagpuan sa Timog-Kanlurang Asya ang Saudi Arabia. (2) Sinasabing dito
naninirahan ang pinakamaraming Muslim sa mundo. (3) Naniniwala sila na si Allah
ang Diyos at si Muhammad ang kanilang propeta na nagpalaganap ng Islam. (4) Ang
mga lalaking Muslim ay pinapayagang mag-asawa nang hanggang apat, kung kaya niya
silang buhayin.
24. Alin sa mga pangungusap sa itaas ang nagpapahayag ng opinyon?
(A) 1
(B) 2
(C) 3
(D) 4

Answer 24

(B) 2

Question 25

Kung madalas kang gumagamit ng internet, tiyak gumagamit ka ng social media, tulad
ng blog na naglalaman ng mga komentaryo tungkol sa mga napapanahong isyu. Marahil,
nasubukan mo na ring gumamit ng Twitter na ang layuni’y magpadala at magbasa ng mga
mensahe na tinatawag na tweets. Hindi mo rin makakaligtaan ang Facebook kung saan
maaari kang magdagdag ng mga kaibigan at magpadala ng mensahe sa kanila.
25. Ano ang paksa ng tekstong binasa?
(A) Kahalagahan ng paggamit ng blog
(B) Halaga ng Facebook sa pakikipagkaibigan
(C) Papel ng internet sa makabagong panahon
(D) Layunin ng paggamit ng iba’t ibang uri ng social media

Answer 25

(D) Layunin ng paggamit ng iba’t ibang uri ng social media

Question 26

26. Maraming kaso ng bullying sa paaralan ang hindi na nakakarating sa magulang. Marami
    sa mga bata ay nananahimik na lamang kaya patuloy itong nangyayari.
    Alin sa sumusunod ang angkop na nilalaman ng editoryal na maghihikayat laban sa kasong
    ito?
    (A) Kaya sa mga mahilig mam-bully, mag-ingat, baka kayo makasuhan!
    (B) Sa kasalukuyan, maraming kaso ng bullying sa mga paaralan ang hindi
    nabibigyan ng solusyon.
    (C) Dapat pangunahan ng mga paaralan ang pagsugpo sa bullying at umaksiyon
    kaagad sa kanilang nasasakupan.
    (D) Pinatupad ng pamahalaan ang Anti-Bullying Act ng 2013 upang
    maproteksiyunan ang mga taong madalas mam-bully.

Answer 26

(C) Dapat pangunahan ng mga paaralan ang pagsugpo sa bullying at umaksiyon
kaagad sa kanilang nasasakupan.

Question 27

Minsan sa pamamasyal ni Haring Laon, napansin niyang may isang malaking
ulupong. Iniutos niya sa mga kawal na patayin ito, ngunit sila ay nabigo. Payo ng mga
pantas, mag-alay ng isang magandang dalaga. Walang ibang makuha maliban sa Prinsesa.
Bago pa maialay ang prinsesa, dumating ang dayuhang si Khan. Nakipagkasundo ang hari
na kung mapapatay ni Khan ang ulupong, ipakakasal sa kaniya ang prinsesa at ibibigay
rin ang kalahati ng kaniyang kaharian. Napatay ni Khan ang ulupong at tumupad ang hari
sa kasunduan.
27. Ano ang magiging wakas ng kuwento?
(A) Babalewalain ng hari ang kasunduan.
(B) Pamumunuan ni Khan ang buong kaharian.
(C) Uuwi si Khan sa kanyang bayan at doon mamumuhay nang tahimik.
(D) Pakakasalan ni Khan ang Prinsesa at mapapasakanya ang kalahati ng
kaharian.

Answer 27

(D) Pakakasalan ni Khan ang Prinsesa at mapapasakanya ang kalahati ng
kaharian.

Question 28

28. Ang tunay na kagandahan ay masasalamin sa pag-uugali ng isang tao at hindi sa panlabas
    na kaanyuan.
    Ano ang payak na anyo ng salitang may salungguhit?
    (A) dahan
    (B) ganda
    (C) kaganda
    (D) gandahan

Answer 28

(B) ganda

Question 29

29. Matalik na magkaibigan sina Danica at Tina. Walang preno ang bibig kung magbiro si
    Danica. Tahimik at mahinhin naman si Tina. Isang araw bigla na lang lumayo si Tina. Alin
    ang naging bunga ng sobrang pagbibiro ni Danica?
    (A) Nagsisi si Danica.
    (B) Iniwasan ni Tina si Danica.
    (C) Tumigil sa pagbibiro si Danica.
    (D) Nakahanap na si Tina ng ibang kaibigan.

Answer 29

(B) Iniwasan ni Tina si Danica.

Question 30

30. Kung kahit ang pinakabatang miyembro ng komunidad ay mamulat sa mga posibleng
    epekto ng climate change sa sangkatauhan, matututo silang _____________________________.
    (A) pangalagaan ang kapaligiran
    (B) tulungan ang mga nangangailangan
    (C) makinig sa mga payo ng nakatatanda
    (D) sumunod sa mga alituntunin ng paaralan at komunidad

Answer 30

(A) pangalagaan ang kapaligiran

Question 31

Si Brian ay isang estudyanteng mahilig sa agham. Habang papalapit ang Science Fair
sa kanilang paaralan, napansin niyang kulang siya sa oras at materyales para sa kanyang
eksperimento sa pagtubo ng halaman sa iba’t ibang uri ng lupa. Dahil kapos sa budget, hindi
niya mabili ang mga kinakailangang uri ng lupa mula sa tindahan.
Habang nag-iisip, nakausap niya ang kanyang guro at nalaman niya ang tungkol sa
composting o paggawa ng sariling pataba mula sa mga basurang organiko tulad ng balat ng
gulay at prutas. Nais ni Brian na malaman kung ang paggamit ng compost ay makakatulong
sa kanyang eksperimento, ngunit kinakailangan niya ring matutunan ang proseso ng paggawa
nito nang mabilis upang makasali sa Science Fair.
31. Ano ang unang hakbang na maaaring gawin ni Brian upang makahanap ng solusyon sa
problema ng kulang na materyales para sa kanyang eksperimento?
(A) Humiram ng lupa mula sa mga kaklase.
(B) Bumili ng ibang kagamitan na mas madaling hanapin.
(C) Humingi ng tulong sa kanyang mga magulang upang bilhin ang lupa.
(D) Pag-aralan ang proseso ng composting at kung paano ito makakatulong sa
pagtubo ng halaman.

Answer 31

(D) Pag-aralan ang proseso ng composting at kung paano ito makakatulong sa
pagtubo ng halaman.

Question 32

32. Matapos matutunan ang tungkol sa composting, ano ang pinaka-angkop na hakbang na
    maaaring gawin ni Brian upang mapabilis ang paggawa ng compost na magagamit niya
    para sa Science Fair?
    (A) Gumamit ng mga pinatuyong dahon at papel para mapabilis ang proseso.
    (B) Kumuha ng lupa sa likod-bahay kahit hindi siya sigurado sa kalidad nito.
    (C) Gumamit ng mga mabilis mabulok na materyales tulad ng balat ng saging at
    gulay.
    (D) Maghintay ng isang linggo bago magsimula upang matiyak ang kalidad ng
    compost.

Answer 32

(C) Gumamit ng mga mabilis mabulok na materyales tulad ng balat ng saging at
gulay.

Question 33

33. Kung hindi pa sapat ang compost na nagawa ni Brian bago ang Science Fair, ano ang
    maaaring alternatibong solusyon na maaaring subukan niya?
    (A) Gumamit ng tubig na may abono upang palitan ang compost.
    (B) Magsimula ng bagong eksperimento na mas madali at mabilis tapusin.
    (C) Maghanap ng mga halaman na hindi nangangailangan ng pataba upang tumubo.
    (D) Humingi ng tulong sa kanyang guro para makahanap ng mga kaklaseng may
    ekstrang lupa.

Answer 33

(A) Gumamit ng tubig na may abono upang palitan ang compost.

Question 34

34. Sinabi ng tauhan sa isang bahagi ng kuwentong “Ang Kuwintas” ni Guy de Maupassant,
    “O, kahabag-habag kong Mathilde! Ang ipinahiram kong kuwintas sa iyo ay imitasyon
    lamang, puwit lamang ng baso”.
    Ano ang naging reaksyon ni Mathilde?
    (A) Magagalit sa pag-aakalang niloloko siya nito.
    (B) Magsasawalang-kibo na lamang dahil hindi siya naniniwala.
    (C) Ngingiti na may kasamang pang-uuyam upang insultuhin ang nagsasalita.
    (D) Hihimatayin dahil sampung taon siyang nagbayad ng utang, mapalitan lamang
    ang kuwintas.

Answer 34

(D) Hihimatayin dahil sampung taon siyang nagbayad ng utang, mapalitan lamang
ang kuwintas.

Question 35

35. “Nang tumuntong ako ng ikalabindalawang taong gulang, itinali na ako sa bahay.
    Ikinulong at pinagbawalang makipag-ugnayan sa mundong nasa labas ng bahay. Makikita
    ko lamang ang mundo kung kasama ko na ang mapapangasawang estranghero. Isang di-
    kilalang lalaking pinili ng magulang ko.”
    Mahihinuhang ang nagsasalita ay
    (A) punong-puno ng galit
    (B) sawang-sawa na sa kaniyang kalagayan
    (C) labis na pinangangalagaan ng magulang
    (D) walang kalayaang pumili ng mapapangasawa

Answer 35

(D) walang kalayaang pumili ng mapapangasawa

Question 36

36. Ang France ay isang bansang nais puntahan ng marami. Naniniwala ang mga Pranses sa
    egalite o pagkakapantay-pantay na sumasagisag sa kanilang bansa.
    Ano ang nais ipahiwatig ng binasa?
    (A) Ang mamamayan ay dapat maging sunod-sunuran.
    (B) Huwag mamuhay nang hindi naibubuklod ng pinuno.
    (C) Ang mga Pranses ay may pantay-pantay na karapatan.
    (D) Karapatan ng mga tao na gawin ang anumang naisin nila.

Answer 36

(D) Karapatan ng mga tao na gawin ang anumang naisin nila.

Question 37

37. Sa kuwentong bayan ng Pilipinas na “ Ang Kawayan” ang natatanging puno na, bagamat
    mataas ay yumuyuko sa pag-ihip ng malakas na hangin.
    Anong katangian ng Pilipino ang masasalamin dito?
    (A) magalang
    (B) matapang
    (C) mapagpakumbaba
    (D) mapagpaumanhin

Answer 37

(C) mapagpakumbaba

Question 38

38. Sa wikang Filipino, may mga salitang hiram sa ibang wika na nananatili ang orihinal na
    baybay. Mayroon ding naiiba ang baybay at mayroon namang naisasalin sa Filipino. Alin
    sa sumusunod na pangungusap ang gumamit ng mga salitang hiram na di nagbago ang
    baybay?
    (A) Maganda ang tsinelas at bestidang nabili ko.
    (B) Masarap ang siopao, spaghetti at baked macaroni.
    (C) Ang balibol at basketbol ay hindi mga larong Pinoy.
    (D) Hindi na halos nagri-riserts ang mga estudyante sa silid- aklatan.

Answer 38

(B) Masarap ang siopao, spaghetti at baked macaroni.

Question 39

1. Igisa ang mushroom, idagdag ang cream, asin at keso.
2. Lutuin ang pasta ayon sa nakasulat sa pakete nito.
3. Prituhin nang malutong ang bacon, hanguin, hiwain nang pino at itabi.
4. Salain at itabi sa isang bandehado ang nalutong pasta.
5. Pagkaluto ng sauce, ihalo ito sa pasta at budburan ng bacon sa ibabaw.
6. Ipinaliwanag sa klase nina Lea ang paraan ng pagluto ng carbonara, at mabilis niyang
   inilista ang mga hakbang para dito. Nang maghanda na siya ng lulutuin at basahin niya uli
   ang kanyang kopya, nagkaroon siya ng pag-aalinlangan.
   Ano ang dapat na tamang pagkasunod-sunod ng mga hakbang na nakalista sa itaas ukol
   sa pagluluto ng carbonara?
   (A) 1, 3, 2, 5, 4
   (B) 2, 3, 5, 4, 1
   (C) 3, 2, 4, 1, 5
   (D) 5, 3, 2, 4, 1

Answer 39

(C) 3, 2, 4, 1, 5

Question 40

40. Ayon sa Department of Social Welfare and Development (DSWD), mapanganib sa mga bata
    ang paglalaro ng mararahas na internet game lalo na’t nasa murang isip pa lamang sila.
    Alin sa sumusunod ang angkop na ideya sa binasang pahayag?
    (A) Ipagbawal sa mga bata ang paggamit ng mga gadget.
    (B) Limitahan ang mga bata sa paglalaro ng mga internet game.
    (C) Dapat bantayan ng magulang kung ano ang nilalaro ng kanilang anak.
    (D) Huwag pabayaang maglaro ng mararahas na internet game ang mga bata.

Answer 40

(C) Dapat bantayan ng magulang kung ano ang nilalaro ng kanilang anak.

Question 41

41. Alin sa sumusunod ang nagbibigay ng kumpletong kahulugan ng pahayag na nasa itaas?
    (A) Gawing kalakasan ang kahinaang mayroon tayo.
    (B) Bawat tao ay may kani-kaniyang katangian na dapat isaalang- alang.
    (C) Dapat pahalagahan at gamitin ang mga katangiang taglay ng bawat isa.
    (D) Bawat isa ay may magkakaibang katangian na dapat pahalagahan, at gamitin
    sa kabutihan.

Answer 41

(D) Bawat isa ay may magkakaibang katangian na dapat pahalagahan, at gamitin
sa kabutihan.

Question 42

Si Mabuti ay gurong nabansagang “Mabuti” dahil sa bukambibig niya ang
salitang ito. Minsang pumunta siya sa silid-aralan, nakita niyang umiiyak ang
mag-aaral niyang si Felma. Naging malapit sila. Di nagtagal, nalaman nila ang
kuwento ni Mabuti. Namatay ang asawa niya at hindi naiburol sa bahay niya.
(Mula sa maikling kuwento ni Genoveva E. Matute)
42. Batay sa pangyayari, ano ang ginawa ni Mabuti?
(A) Ininda ang sakit at lungkot.
(B) Naging mapagbigay at masayahin.
(C) Nakapagbigay siya ng kasiyahan sa iba.
(D) Inuna ang nadarama ng iba kaysa sarili.

Answer 42

(D) Inuna ang nadarama ng iba kaysa sarili.

Question 43

43. “Dapat bigyan ng pagkakataon ang kabataan na maipahayag ang kanilang opinyon at
    saloobin sa mga isyung pambansa”, ayon sa isang komentaryo sa radyo. Bukod sa
    komentaryo, alin sa sumusunod ang maaari pang gawin ng kabataan?
    (A) Sumulat ng editoryal.
    (B) Sumama sa mga rally.
    (C) Ibalita ang araw-araw na kaganapan.
    (D) Dumalo sa mga hearing sa kongreso o senado.

Answer 43

(A) Sumulat ng editoryal.

Question 44

44. Kinatulong si Lea ng DSWD na kumuha ng datos tungkol sa mga out-of-school youth at
    adults sa kanilang barangay. Anong angkop na grapikong presentasyon ang dapat gamitin
    upang maliwanag itong mailahad?
    (A) bar graph
    (B) photo essay
    (C) semantic web
    (D) character profile

Answer 44

A. bar graph

Question 45

45. Nasa itaas ang mga hakbang sa paggawa ng simpleng “project proposal”. Ano ang wastong
    pagkasunod-sunod ng mga ito?
    (A) 1, 2, 3, 4
    (B) 2, 1, 4, 3
    (C) 3, 4, 1, 2
    (D) 4, 3, 2, 1

Answer 45

(B) 2, 1, 4, 3

Question 46

Nasaan ang dangal ng mga
Tagalog? Nasaan ang dugong
dapat na ibuhos?
Baya’y inaapi, bakit di
kumilos. At natitilihang
ito’y mapanood.
Mula sa Pag-ibig sa Tinubuang Lupa
ni Andres Bonifacio
46. Anong suliraning panlipunan ang dapat mabigyan ng solusyon, batay sa saknong na binasa?
(A) pagkaalipin
(B) diskriminasyon
(C) kawalan ng katarungan
(D) walang pagmamahal sa wika

Answer 46

(C) kawalan ng katarungan

Question 47

47. Sa pagharap sa hamon ng buhay, kailangan ang edukasyon upang makamit ang
    kapayapaan, kalayaan, at katarungang panlipunan. Batay sa ulat ng Internasyonal na
    Komisyon sa Edukasyon ng UNESCO para sa ika-21 dantaon, malaki ang maitutulong ng
    mga patakaran sa edukasyon upang makabuo ng higit na mabuting daigdig.
    Alin sa sumusunod ang nagpapatunay na totoo at may batayan ang talata?
    (A) Mga patakaran ng edukasyon
    (B) Mga kailangang-kailangan ng edukasyon
    (C) Lathalain tungkol sa katarungang Panlipunan
    (D) Ulat ng isang pandaigdigang komisyon sa edukasyon

Answer 47

(D) Ulat ng isang pandaigdigang komisyon sa edukasyon

Question 48

(1) Ang ating administrasyon ay nagsisikap na pagandahin ang larawan ng bansa
sa kabila ng mga suliranin. (2) Isa sa mga ginawang pagbabago ay ang paraan ng pagtaya
sa kahirapan. (3) Dahil sa pagbabagong ito ang bilang ng mahihirap na pamilya ay
bumaba. (4) Para sa akin, sa halip na pagandahin ang larawan ng kahirapan ay dapat
pagtuunan ng administrasyon ang mga proyektong makapagtaas ng antas ng pamumuhay
ng bawat pamilyang Pilipino.
48. Alin sa mga pangungusap sa itaas ang naglalahad ng pangunahing kaisipan ng talata?
(A) 1
(B) 2
(C) 3
(D) 4

Answer 48

(A) 1

Question 49

49. Ayon sa aklat na Introduction to Linguistics ni David Crystal, ang salitang “communication”
    ay nagmula sa Latin na “communicare,” na nangangahulugang “to share” o “magbahagi.”
    Paano ito nauugnay sa kasalukuyang layunin ng komunikasyon sa lipunan?
    (A) Ang komunikasyon ay ginagamit lamang sa pagsasalita ng maraming wika.
    (B) Ang komunikasyon ay ginagamit upang mapanatili ang lihim na impormasyon.
    (C) Ang komunikasyon ay isang paraan ng pagbabahagi ng kaalaman at ideya sa iba.
    (D) Ang komunikasyon ay ginagamit upang makipagtalo at makipagkompetisyon sa
    iba.

Answer 49

(C) Ang komunikasyon ay isang paraan ng pagbabahagi ng kaalaman at ideya sa iba.

Question 50

(1) Batay sa Konstitusyon 1987, Artikulo XIV, Seksiyon 6, ang wikang pambansa ng
Pilipinas ay Filipino. (2) Alinsunod sa tadhana ng batas, dapat magsagawa ng mga
hakbangin ang pamahalaan upang ibunsod at puspusang itaguyod ang paggamit ng
Filipino. (3) Sa ating palagay kailangan ang suporta ng mga guro at mag-aaral
upang maipatupad ito. (4) Parusahan ang hindi gagamit ng wikang Filipino.
50. Alin sa sumusunod na pangungusap ang nagpapahayag ng katotohanan?
(A) 3 at 4 lang
(B) 2 at 3 lang
(C) 1 at 2 lang
(D) lahat ng nabanggit

Answer 50

(C) 1 at 2 lang

Question 51

51. Ayon sa datos ng World Health Organization (WHO) na iniulat ng China Global TV Network,
    noong Pebrero 25, 2020, umabot na sa 77,780 ang mga kumpirmadong naapektuhan ng
    COVID-19. Ayon sa mga dalubhasa, patuloy ang kanilang pag-aaral upang tuklasin ang
    lunas dito.
    (A) Opinyon, dahil ito ay walang matibay na batayan.
    (B) Opinyon, dahil nagmula ang impormasyon sa dalubhasa.
    (C) Katotohanan, sapagkat iniulat ng isang TV network ang balita.
    (D) Katotohanan, sapagkat galing sa mapagkakatiwalaang organisasyon ang datos

Answer 51

(B) Opinyon, dahil nagmula ang impormasyon sa dalubhasa.

Question 52

52. Malaki ang epekto sa tao kung hindi ligtas ang pinagkukunan natin ng tubig. Ilan sa mga
    epekto nito ay sakit sa balat, sakit ng tiyan at pagtatae. Anong paksa ang angkop sa binasa?
    (A) Ang sakit na dulot ng tubig.
    (B) Ang kahalagahan ng tubig sa tao.
    (C) Ang epekto ng maruming tubig sa tao.
    (D) Hindi ligtas ang pinagkukunan ng tubig.

Answer 52

(C) Ang epekto ng maruming tubig sa tao

Question 53

Matapos marinig ang State of the Nation Address, nagsimula ang Department of Interior
and Local Government (DILG) na atasan ang mga Mayor na linisin ang lahat ng pangunahin at
pangalawang kalsada sa mga lugar na nasasakupan nila sa loob ng 60 na araw.
53. Sa pagsulat ng editoryal tungkol sa balitang nasa itaas, alin sa sumusunod ang dapat na
ilagay?
(A) Dapat ang lahat ay makibahagi sa atas na ito.
(B) Makasasagabal sa trapiko ang mga nahuhuli ng awtoridad.
(C) Makakatulong ito upang makalikha ng karagdagang hanapbuhay.
(D) Makabubuti kung lilimitahan ang mga daraan sa mga kalsadang nabanggit.

Answer 53

(D) Makabubuti kung lilimitahan ang mga daraan sa mga kalsadang nabanggit.

Question 54

Dahil sa hirap ng buhay, kailangan ni Aling Nena na maghanapbuhay nang husto para
sa kaniyang pamilya. Madilim pa, nasa palengke na siya para magtinda ng mga gulay. Kahit
bumabagyo ay hindi hadlang kay Aling Nena
54. Ano ang magandang kalalabasan ng pagsusumikap ni Aling Nena?
(A) Aasenso siya sa hanapbuhay.
(B) Darami ang kaniyang mamimili.
(C) Mauubos ang kaniyang paninda.
(D) Maapektuhan ang kanyang kalusugan

Answer 54

(A) Aasenso siya sa hanapbuhay