Lesson 1 and 2

Question 1

Pagpapalit ng orihinal na /ng/ kapag ang kasunod na titik ay /p/ at /b/ o ng /n/ kapag ang kasunod na titik ay /t/, /d/, /l/, /r/, /s/.

Answer 1

Asimilasyon

Question 2

• May mga salitang-ugat na kapag nilagyan ng panpaling mang- o pang-, kasama ng iba pa nitong anyo tulad ng ipang-, maipang-, makapang-, at mapang-, ang /ng/ ay hindi dumaraan sa asimilasyon hangga’t hindi pinapalitan ang unang tunog ng salitang-ugat.
• Sa pagbabaybay, ang pagpapalit na ito ay ipinahihiwatig ng paggamit ng /m/ bilang kapalit ng /ng/ at ng kasunod na titik /t/, /d/, at /s/.

Answer 2

Pagpapalit o Replacement

Question 3

Ay kabuuan ng mga akda, o ang disiplina ng pag-aaral nito.

Answer 3

Panitikan

Question 4

Ay pagpapahayan ng kaisipan, damdamin, karanasan, at panaginip ng sangkatauhan na nasusulat sa masining o malikhaing paraan sa pamamagitan ng isang aesterikong anyo at kinapapalooban ng pandaigdigang kaisipan at dahil nasusulat ang panitikan, natitiyak ang kawalang-maliw nito.

Answer 4

Tunay na Panitikan

Question 5

Kuwento tungkol sa pinagmulan ng isang bagay

Answer 5

Alamat

Question 6

• Mga salaysay hinggil sa mga likhang-isip na mga tauhan na kumakatawan sa mga uri ng mamamayan, katulad ng matandang hari, isang marunong na lalaki, o kaya sa isang hangal na babae.
• Karaniwang kaugnay ang ______ ng isang tiyak na pook o rehiyon ng isang bansa o lupain. Kaugnay nito ang alamat at mga mito

Answer 6

Kuwentong bayan

Question 7

Tumatalakay sa mga kabayanihan at pakikipagtunggali ng isang tao o mga tao laban sa mga kaaway na halos hindi mapaniwalaan dahil may mga tagpuang makababalaghan at di-kapani-paniwala.

Answer 7

Epiko

Question 8

Ay mga awit ng mga Pilipinong ninuno at hanggang ngayon ay kinakanta o inaawit pa rin gaya ng Leron, Leron Sinta, Dalagang Pilipina, Bahay Kubo, Atin Cu Pung Singsing, at Paruparong Bukid.

Answer 8

Awiting Bayan

Question 9

Nagsisilbing batas at tuntunin ng kagandahang-asal ng ating mga ninuno.

Answer 9

Salawikain

Question 10

Mga kasabihang walang natatagong kahulugan.

Answer 10

Sawikain

Question 11

Maikling tulang karaniwang naglalarawan ng isang bagay na siyang pahuhulaan.

Answer 11

Bugtong

Question 12

___ Ang isang panitikan kung ito ay nasusulat sa karaniwang

daloy ng pangungusap at sa patalatang paraan

Answer 12

Tuluyan

Question 13

____ naman ay yaong nasusulat sa taludturan at saknungan. Ang mga taludtod ay maaaring may sukat at tugma o dili kaya’y malayang taludturan na nangangahulugang walang sukat at tugma.

Answer 13

Patula

Question 14

Isang mahabang salaysayin ng mga kawing-kawing na pangyayari na nagaganap sa mahabang saklaw ng panahon, kinasasangkutan ng maraming tauhan at nahahati sa mga kabanata.

Answer 14

Nobela

Question 15

Isang salaysay ng isang mahalagang pangyayaring kinasasangkutan ng isa o ilang tauhan at may isang kakintalan o impresyon.

Answer 15

Maikling Kwento

Question 16

Isang uri ng panitikan na isinusulat upang itanghal sa entablado o tanghalan.

Answer 16

Dula

Question 17

Ay mga salaysaying nauukol sa pinagmulan ng mga bagay- bagay.

Answer 17

Alamat

Question 18

Ay mga salaysaying kinasasangkutan ng mga hayop, halaman at maging ng mga bagay na walang buhay na kumikilos at nagsasalita na wri ba’y tunay na mga tao.

Answer 18

Pabula

Question 19

Ay mga kwentong hinango sa Banal na Kasulatan.

Answer 19

Parabula

Question 20

Maikling salaysaying may layuning umaliw o magbigay-aral sa mga mambabasa. Maaari ring ito ay kinasasangkutan ng mga hayop o ng mga bata.

Answer 20

Anekdota

Question 21

Ay isang pagpapahayag ng kuru-kuro o opinion ng isang may- akda hinggil sa isang suliranin o paksa. Ang mga editorial na inilalathala sa mga pahayagan at iba pang babasahin ay mga mahuhusay na halimbawa ng ______.

Answer 21

Sanaysay

Question 22

Ay kasaysayan ng buhay ng isang tao.

Answer 22

Talambuhay

Question 23

Ay paglalahad ng mga pang-araw-araw na pangyayari sa lipunan, pamahalaan, sa mga lalawigan, sa ibayong dagat, maging sa industriya, kalakalan, agham, edukasyon, palakas at pinilakang-tabing.

Answer 23

Balita

Question 24

Ay isang pagpapahayag na binibigkas sa harap ng mga tagapakinig. Ang _____ ay nauuri batay sa iba’t ibang layunin. Ang isang talumpati ay maaaring may layuning humikayat, magbigay impormasyon, magpaliwanag, mangatwiran, maglahad ng opinion o paniniwala o lumibang.

Answer 24

Talumpati

Question 25

Kwento ng mga pangyayari at nasusulat nang patula, may sukat at tugma. Nauuri ito ayon sa paksa, pangyayari at tauhan.

Answer 25

Tulang Pasalaysay

Question 26

Mga patulang salaysay na paawit kung babasahin. Pawang sa ibang bansa ang tagpuan ng mga pangyayari sa mga salaysay nito. Kinapapalooban ito ng romansa o pag-iibigan, pakikipagsapalaran, kabayanihan at kataksilan at mga pantakas sa karahasan ng katotohanan.

Answer 26

Awit at Korido

Question 27

Mga tulang tumatalakay sa marubdob na damdamin na maaaring ng may-akda o di kaya’y ng ibang tao. Nasa kategoryang ito ang mga tulang awitingbayan, soneto, elehiya, dalit, pastoral at oda.

Answer 27

Tulang Padamdamin o Liriko

Question 28

Maiikling tulang binibigkas nang may himig. Kåraniwan itong nagpasalinsalin sa iba’t ibang henerasyon sa pamamagitan ng bibig ng tao, bunga nito’y hindi na matutukoy kung sino ang ay may-akda ng maraming mga kantahing bayan.

Answer 28

Awiting-bayan

Question 29

Tulang may labing-apat na taludtod hinggil sa damdamin at kaisipan at karaniwang naghahatid ng aral sa mambabasa.

Answer 29

Soneto

Question 30

Tulang nagpapahayag ng panimdim dahil sa pagyao ng isang minamahal

Answer 30

Elehiya

Question 31

Isang tulang inaawit bilang pagpuri sa Diyos o sa Mahal na Birhen.

Answer 31

Dalit

Question 32

Mga tulang naglalarawan ng paraan ng pamumuhay sa kabukiran.

Answer 32

Pastoral

Question 33

Isang tulang paghanga o pagpuri sa isang bagay

Answer 33

Oda

Question 34

Mga tulang isinasadula sa entablado o iba pang tanghalan. Ang La India Elegante y El Negrito Amante ni Francisco Baltazar ay isang mahusay na halimbawa nito.

Answer 34

Tulang Padula o Dramatiko

Question 35

Mga laro o paligsahang patula na noo’y karaniwang isinasagawa sa bakuran ng mga namatayan.

Answer 35

Tulang Patnigan

Question 36

Ito ay tulang ginagamit sa laro at kadalasan ay tuwing may patay.

Answer 36

Karagatan

Question 37

Ito ay pagalingan sa paglalahad ng kawiran sa pamamagitan ng patula.

Answer 37

Duplo

Question 38

Ito ay argumento o debate na binigkas na patula.

Answer 38

Balagtasan

Question 39

may tatlong taludtod at 5-7-5 na pantig bawat taludtod

Answer 39

Haiku

Question 40

may apat na taludtod at ang bilang ng pantig ay 7-7-7-7

Answer 40

Tanaga

Question 41

Anyo ng Panitikan (2)

Answer 41

Tuluyan at Patula