II თემა

Question 1

რა განასხვავებს ემოციების ევოლუციურ თეორიას სხვა თეორიებისგან?

Answer 1

მის ფარგლებში განიხილება არა მხოლოდ ემოციების გამოწვევისა და დიფერენცირების (პროქსიმალური ახსნა) ან მხოლოდ მათი ონტოგენური განვითარების (დისტალური ახსნა) საკითხები, არამედ საკითხი ემოციების დანიშნულების, მათი ფუნქციის შესახებაც.

Question 2

რა იყო დარვინის მიზანი?

Answer 2

აეხსნა ემოციის გარე გამოხატულების, განსაკუთრებით სახის კუნთების დიფერენცირებული სტრუქტურის არსი, მისი დანიშნულება და რა აზრი შეიძლება ჰქონდეს შეტყობინებას შინაგანი მდგომარეობის შესახებ იგივე სახეობის წარმომადგენელთათვის.

Question 3

სერ ჩარლს ბელი (1806) თვლიდა….

Answer 3

ემოციის გამოხატვა ადამიანისთვის ღმერთისაგან ბოძებული უნარია, რომელსაც არანაირი ფუნქცია არ გააჩნია.

Question 4

დარვინის აზრით ემოცია მხოლოდ ადამიანური უნარია?

Answer 4

დარვინი თვლიდა, რომ ემოციის გარე გამოხატულება მხოლოდ ადამიანური უნარი კი არ არის, არამედ უნარია, რომელიც ცხოველიდან ადამიანამდე თანდათან და უწყვეტად ვითარდება.

Question 5

რა არის ანთროპომორფიზმი?

Answer 5

ადამიანის თვისების გავრცელება ბუნების მოვლენებსა და საგნებზე.

Question 6

ემოციის გარე გამოხატულების ანალიზის საფუძველზე დარვინი მივიდა დასკვნამდე, რომ ის სამი პრინციპის მიხედვითაა ორაგანიზებული:

Answer 6

მიზანშეწონილად დაკავშირებული ჩვევები~, დაპირისპირებულობა~ და `კონსტიტუციური აგზნება~

Question 7

რას გულისხმობს, პირველი, `მიზანშეწონილად დაკავშირებული ჩვევების~, პრინციპი

Answer 7

პირველი პრინციპი გულისხმობს, რომ გარე გამოხატულება თავდაპირველად სხვა, არაემოციურ მიზანს ემსახურებოდა და მისგან განვითარდა. მაგალითად, პოტენციურ თავდასხმასთან დაკავშირებულმა ჩვევებმა მაშინაც შეიძლება იჩინოს თავი, როდესაც შესაბამისი `სულიერი მდგომარეობა~ მხოლოდ სუსტადაა გამოხატული და მასთან დაკავშირებული მოქმედებების აშკარა საჭიროება არ არსებობს. გარე გამოხატულების ეს პატერნი მოსალოდნელი მოქმედების შესახებ გვატყობინებს და შედგება ქცევის ფორმებისაგან, რომლებიც საჭიროა ფაქტობრივი მოქმედების განხორციელებისათვის.

Question 8

ვის შრომებზე მოახდინა განსაკუთრებული გავლენა დარვინის კვლევებმა?

Answer 8

ტომკინსის, ეკმანისა და იზარდის კვლევებზე

Question 9

რა არის ტომკინსის, ეკმანისა და იზარდის პოზიცია, მათი დაშვება?

Answer 9

მათი აზრით, ემოციის აღმოცენებისა და დიფერენცირებისათვის პასუხისმგებელია თანდაყოლილი მოტორული პროგრამები. ამ პირველი დაშვებიდან გამომდინარეობს, რომ არსებობს დისკრეტული ბაზისური ემოციების ან პირველადი აფექტების შეზღუდული რაოდენობა.

Question 10

ეკმანის ბაზისური ემოციებია:

Answer 10

შიშის, ბრაზის, ზიზღის, სიხარულის, დარდის, გაოცებისა და სიძულვილის ემოციები.

Question 11

ევოლუციურ-ბიოლოგიური თეორიის წარმომადგენლების მიხედვით, მხოლოდ რისი გათვალისწინებითაა შესაძლებელი ემოციის აღმოცენებისა და ფუნქციის გაგება?

Answer 11

ცოცხალ არსებათა სახეობრივი განვითარების გათვალისწინებით

Question 12

რას უნდა განაპირობებდეს ემოცია, ევოლუციური თეორიის მიხედვით?

Answer 12

უპირატესობას სელექციაში, გარემოსთან შეგუებაში, მას აქვს ფუნქცია

Question 13

რას გულისხმობს ემოციის ორგანიზმული ფუნქცია?

Answer 13

არსებობისათვის ბრძოლაში ემოციები ეხმარება ინდივიდს, მას გარემო პირობებზე სწრაფი და მოქნილი რეაგირების საშუალებას აძლევს

Question 14

რას გულისხმობს ემოციის კომუნიკაციური ფუნქცია?

Answer 14

სახეობის ყველა წარმომადგენლისათვის ემოცია საჭიროა და მნიშვნელოვანი, რადგან ემოციის გარე გამოხატულება ინფორმაციას იძლევა ჯგუფის თითოეული წევრის `სულიერი მდგომარეობის~ შესახებ, ინფორმაციის ამ გზით გავრცელების ერთ-ერთი პლუსი ის არის, რომ მთელი ჯგუფის ქცევა შეიძლება ჯგუფის ცალკეული წევრების მიერ გამოხატული ემოციით განისაზღვროს.

Question 15

რა არის ემოციის გარე გამოხატულების პლუსები?

Answer 15

1. ინფორმაციის ამ გზით გავრცელების ერთ-ერთი პლუსი ის არის, რომ მთელი ჯგუფის ქცევა შეიძლება ჯგუფის ცალკეული წევრების მიერ გამოხატული ემოციით განისაზღვროს.
2. ემოციური რეაქციის შემდეგი პლუსი არის, ის რომ მისი საშუალებით შესაძლებელია მოქმედების განზრახვის სიგნალიზირება, შეტყობინება
3. ის თავად ემოციის გამცემის, გამომხატველი ინდივიდის მიერ აღიქმება და ამით მას გარე გამოხატულებით მანიპულაციის გამოცდილებას სძენს.

Question 16

დარვინი ემოციის გამოხატვის ბიოლოგიური განპირობებულობის კვლევის ხუთ შესაძლებლობას ასახელებდა, ესენია:

Answer 16

1. 2. დაკვირვება ბავშვებსა(თუნდაც ბრმა) და სულით ავადმყოფებზე მიზანშეწონილია, რადგან ბავშვებთან ემოციის გამოხატვა ჯერ კიდევ საკმაოდ შეუზღუდავია, უშუალოა, ხოლო სულით ავადმყოფებთან, რომლებიც უძლიერესი ვნებების შემოტევებს განიცდიან, განცდები სრულებით არაკონტროლირებადია.
2. დეკოდირების მეთოდის გამოყენებას ასახელებდა, როდესაც ემოციის შესახებ სახის გამომეტყველების მიხედვით მსჯელობენ.
3. სხვადასხვა კულტურის წარმომადგენელთა კვლევა, რომლებსაც ერთმანეთთან არავითარი კონტაქტი არ ჰქონდათ, იგი ძირითადად `ნაკლებად განვითარებული~ კულტურების შესწავლას გულისხმობდა.
4. პრიმატების, როგორც ადამიანების ევოლუციური წინაპრების კვლევა.

Question 17

რას გულისხმობს დეკოდირების მეთოდი?

Answer 17

როდესაც ემოციის შესახებ სახის გამომეტყველების მიხედვით მსჯელობენ. დარვინი თვითონაც ატარებდა ამგვარ კვლევებს, რომელშიც დუშენ დე ბოლონის მიერ გადაღებულ ფოტოებს იყენებდა. დუშენი ელექტროდების საშუალებით აღიზიანებდა სახის ცალკეულ კუნთებს ისე, რომ სახეზე ემოციები აისახებოდა და შემდეგ მათ ფოტოებს უღებდა. დარვინის ცდისპირებს უნდა ამოეცნოთ რა ემოციას გამოხატავდა ესა თუ ის სახე.

Question 18

რა მეთოდს იყენებს ევოლუციური მიდგომის დასასაბუთებლად, მიმიკური გამოხატულების უნივერსალურობის ჰიპოთეზის თეორია?

Answer 18

მეთოდს, რომელიც ეძებს და ცდილობს დაადგინოს მსგავსება ემოციის გამოხატვაში, განცდასა და სახელდებაში სხვადასხვა კულტურებში.

Question 19

ვინ იკვლევდა ემოციების მიმიკურ გამოხატულებას პრიმატებთან?

Answer 19

ამ კონტექსტში უნდა აღვნიშნოთ ჰოფის (1976), შევალიე-სკოლნიკოვის (1973), ეკმანის (1972), რედიკანისა(1975) და ჯეინ გუდალის (1986) შრომები

Question 20

შევალიე-სკოლნიკოვი აღნიშნავს მსგავსებას ადამიანისა და შიმპანზეს მიერ ისეთი ემოციების გამოხატვისას როგორიცაა:

Answer 20

ბრაზი, ღიმილი, ფრუსტრაცია-დარდი და სიცილი

Question 21

ბრაზის რა და რა ტიპი გამოყო შევალიემ?

Answer 21

1. ბრაზის (I ტიპის)

2. ბრაზის II

Question 22

როგორ გამოიხატება ბრაზის პირველი ტიპი ადამიანთან და შიმპანზესთან?

Answer 22

ბრაზის (I ტიპის) გამოხატვა ადამიანთან უკავშირდება მაიმუნის გაბრაზებულ მიშტერებას მოკუმული ტუჩებით

Question 23

რას გულისხმობს შევალიეს მიერ აღწერილი ბრაზის მეორე ტიპი და როგორ გამოიხატება ის შიმპანზეებში?

Answer 23

ბრაზის II ტიპი ემოციის გამოხატვის შერეულ ფორმას წარმოადგენს, რომელიც შიშსა და ბრაზს მოიცავს. მაიმუნებთან ეს რეაქცია შეშინებულ-გაბრაზებული წრიული ფორმის გაღებული პირით ვლინდება.

Question 24

რა განსხვავებაა სიცილსა და ღიმილს შორის შიმპანზეებთან, შევალიე-სკოლნიკოვის მიხედვით?

Answer 24

სიცილი ღია პირის სახიდან~ აღმოცენდა, რომლის საშუალებითაც მეგობრული კბენის განზრახვის სიგნალიზება ხდება. სიცილის გარე გამოხატულება თამამი, მეგობრულად აგრესიულია, მაშინ როცა, ღიმილი მეგობრული, მაგრამ სუბმისიური, დაქვემდებარებულია. ამ შემთხვევაში ადგილი აქვს უფრო სოციალურ~ ღიმილს, რომლიც მაგ., სხვის დასამშვიდებლად გამოიყენება.

Question 25

რამდენად საკმარისადაა დიფერენცირებული ჩვილების სახის მიმიკური მოძრაობები ემოციური ინფორმაციის გადასაცემად?

Answer 25

ჩვილებს სახის იმ ნაწილების მოძრაობა შეუძლიათ, რომლებიც პირველადი ემოციების გამოხატვისათვის აუცილებელ საფუძველს ქმნიან (ოსტერ&ღოსენსტეინ, 1993).

Question 26

შტაიმერის და კრაუზეს მიხედვით, რა თანმიმდევრობით ვლინდება ემოციები ჩვილებში?

Answer 26

• სიხარულის, გაოცებისა და ზიზღის ექსპრესია დაბადებიდან უკვე რამდენიმე დღეში ან კვირაში შეიმჩნევა
• ბრაზი პირველი ექვსი კვირის განმავლობაში.
• განსხვავებული აზრია დარდის, შიშისა და ბრაზის შესახებ, ეს ემოციები, როგორც ჩანს, მხოლოდ მესამე თვიდან ხდება შესამჩნევი.
• სიხარული, ზიზღი, ინტერესი, გაოცება და ბრაზი პირველი ექვსი თვის განმავლობაში ვლინდება, მაშინ როდესაც შიში და დარდი მხოლოდ ექვსიდან თორმეტ თვემდე ვლინდება.

Question 27

კვლევები კოდირებისა და იმიტაციის უნარის შესახებ ჩვილებთან _ რა ასაკიდან და რამდენად შესწევთ მათ სხვების ემოციების აღქმისა და მიბაძვის უნარი?

Answer 27

ჩვილებს დაბადებისთანავე სახის მოძრაობების ამოცნობისა და იმიტაციის უნარი აქვთ კუგიუმაცაკის კვლევითაც დასტურდება (1999). დაბადებიდან უკვე ორმოცი წუთის შემდეგ ჩვილებს უკვე შეუძლიათ სახის მოძრაობის იმიტაცია, კერძოდ პირის გაღება და ენის გაოყოფა. უკვე ორი-სამი კვირის ჩვილებს კი სახის გამომეტყველებისა და ჟესტების იმიტაციის უნარი აქვთ (მელტზოფფ, 1985).

Question 28

ენდრეს დე ოლივერას კვალევა:

Answer 28

იგი ჩვილების ორ ჯგუფს აკვირდებოდა. I ჯგუფს შეადგენდნენ 11-16 კვირის ბავშვები, II ჯგუფს კი _ 18-14 კვირისანი. ბავშვებს თავიანთ ჩვეულ გარემოში აჩვენებდნენ უფორსების ფოტოებს, რომელზეც ექვსი ბაზისური ემოცია იყო აღბეჭდილი. ფოტოებს 45 წმ-ის განმავლობაში 35 სმ-ის დაშორებით აწვდიდნენ, ცდისპირების მიმიკურ რეაქციებს ვიდეოზე იღებდნენ და შემდეგ მათ კოდირებას აკეთებდნენ FAჩშ-ის მეშვეობით (Eკმან&Fრიესენ, 1978). I ჯგუფის ცდისპირებში აშკარად შეიმჩნეოდა ნაჩვენები ემოციების მიმიკური იმიტაცია. მართალია II ჯგუფი 7-8 კვირით უფროსი ჩვილებისაგან შედგებოდა, მათ სრულიად განსხვავებული რეაქციის პატერნი გამოავლინეს. II ჯგუფში (I ჯგუფთან შედარებით) მიმიკური რეაქციები ფოტოებზე საგრძნობლად იყო შემცირებული და არაერგვაროვან პასუხებს ჰქონდა ადგილი. თუ I ჯგუფში მრავლად აღინიშნებოდა მიმიკური რეაქციები, ყველაზე ხშირად იმიტაციები, II ჯგუფში იგივე მოვლენა ბევრად იშვიათად მეორდებოდა და ცოტა ხანი გრძელდებოდა. როგორც ჩანს, II ჯგუფის ჩვილები I ჯგუფისაგან სრულიად განსხვავებულად ამუშავებდნენ გამღიზიანებლებს. იმის გამო, რომ ჩვილებზე ჩატარებული კვლევების უმეტესობა ბავშვის განვითარების პირველი პერიოდის სხვადასხვა ფაზებს ეხება მიღებული მონაცემებით ემოციური გადამუშავების სხვადასხვა ეტაპის დაფიქსირება ხდება.

Question 29

საკითხი იმასთან დაკავშირებით, თუ რამდენადაა ჩვილების მიერ ბაზისური ემოციების გამოხატვა გენეტურად განპირობებული რამდენიმე ქვე-შეკითხვად შეიძლება დაიყოს:

Answer 29

1. რამდენად საკმარისადაა დიფერენცირებული ჩვილების სახის მიმიკური მოძრაობები ემოციური ინფორმაციის გადასაცემად?
2. ჩვილებთან მიმიკური გამოხატვის კონფიგურაციები რამდენად შეესაბამება ბაზისური ემოციების გამოხატვის კონფიგურაციას ზრდასრულებთან?
3. რამდენად შეუძლიათ ჩვილებს სახის გამომეტყველების იმიტაცია?
4. ბაზისური ემოციების გამოხატვა ჩვილებთან შემთხვევითია თუ კონტექსზეა დამოკიდებული?

Question 30

ოსტერის და როზენშტაინის მიხედვით (1993) მიმიკური რეაქცია გემოზე…

Answer 30

თანდაყოლილია, ანუ ამ შემთხვევაში, არსებობს აშკარა კავშირი ემოციის გამომწვევ მოვლენასა და მასთან დაკავშირებულ მიმიკურ რეაქციას შორის.

Question 31

ღიმილი-რეაქცია გარკვეულ სტიმულზე, თუ მხოლოდ შემთხვევითი რეაქციის პატერნი?

Answer 31

ჩვილებში ღიმილი უკვე პირველ კვირებში რემ-ძილის დროს შეიმჩნევა. ამის გამო, შეიძლება ვიფიქროთ, რომ ის შემთხვევით მოვლენას წარმოადგენს. მაგრამ ეს მონაცემები მხოლოდ იმას ადასტურებს, რომ ამ შემთხვევაში ღიმილს არ აქვს კავშირი გარეგან (ექსოგენურ) სტიმულთან. ამ დაკვირვების საფუძველზე შეუძლებელია იმის გამორიცხვა, რომ ღიმილი ჩვილის ემოციური მდგომარეობის გამოხატულებაა, რომელიც შინაგან, მენტალურ პროცესზე საპასუხოდ გაჩნდა (მაგ., სიზმრის შინაარსზე).
მესამე თვის შემდეგ ბავშვები თითქმის ყოველთვის ღიმილით პასუხობენ ისეთ სტიმულებს, როგორიცაა მაგ., უახლოესი ადამიანის ყურადღება. ღიმილი ჩნდება მაშინაც, როდესაც, ბავშვს შეუძლია თავისი გარემო წარმატებით მართოს. ლევისი (ლევის,1990) თავის ექსპერიმენტში, ბავშვებს აძლევდა იმის შესაძლებლობას, რომ მათ თოკის მოქაჩვით მუსიკალური მელოდია ჩაერთოთ. ბავშვები, რომლებიც მუსიკის დაკვრას თოკის მოქაჩვით იწყებდნენ, უფრო მეტად იღიმებოდნენ, ვიდრე ისინი, ვინც მუსიკის მოსმენას საკუთარი მონაწილეობის გარეშე იწყებდა.

Question 32

რა ეწოდება გარეგან სტიმულს?

Answer 32

ექსოგენური

Question 33

გალატის კვლევა - მხედველობა დაქვეითებულ ბავშვებთან…

Answer 33

გალატი (2001) და მისი კოლეგები აკვირდებოდნენ ათ ბრმა ბავშვს ექვსი თვიდან ოთხ წლამდე შვიდ სხვადასხვა ემოციის გამომწვევ სიტუაციაში და ადარებდნენ მათ მონაცემებს ათ კარგი მხედველობის მქონე ბავშვის მონაცემებს. მაგალითად, ბრაზის სიტუაციაში ბავშვს აძლევდნენ ნამცხვარს; როგორც კი იგი ჭამას იწყებდა უკან ართმევდნენ მას. ქცევის ამგვარად შეწყვეტით, მკვლევრების დაკვირვებით, თითქმის ყოველთვის ბრაზი აღიძვრებოდა.
აღმოჩნდა, რომ ბრმა ბავშვების გამოხატული მიმიკა არ განსხვავდებოდა ნორმალური მხედველობის მქონე ბავშვების მიმიკისაგან, შემფასებლები ერთნაირად აფასებდნენ მათ, ხოლო ყველაზე ხშირად გამოვლენილი მიმიკური პატერნი თეორიულად მოსალოდნელ პატერნებს შეესაბამებოდა (Iზარდ, 1979).

Question 34

რაზე მიანიშნებს გალატის კვლევის შედეგები?

Answer 34

იძლევა მიმიკური გამოხატულების ბიოლოგიური პრედისპოზიციის სასარგებლოდ დამატებით არგუმენტებს

Question 35

მიმიკური გამოხატულების `უნივერსალურობის ჰიპოთეზა~…

Answer 35

სახის მოძრაობების გარკვეულ პატერნებს ყველა ადამიანთან ვხვდებით,
არსებობს მთელი რიგი სახის მოძრაობებისა, რომლებიც გარკვეული ემოციების გამოხატულებას წარმოადგენენ და მათში ყველა ადამიანი შესაბამის ემოციას ამოიცნობს.

Question 36

უშვებს თუ არა ეკმანი, რომ კულტურამ შეიძლება იმოქმედოს ემოციის გამოხატვაზე და ცნობაზე?

Answer 36

დიახ

Question 37

რა დაასკვნა დარვინმა მისიონერული კვლევის შედეგებიდან?

Answer 37

`სულის ერთიდაიგივე მდგომარეობა მთელ მსოფლიოში უცნაურად მსგავსი ფორმებით~ გამოიხატება.

Question 38

დარვინის მისიონერული კვლევის მეთოდი:

Answer 38

ადამიანთან ემოციების მიმიკური გამოხატულების უნივერსალურობის საკითხის საკვლევად დარვინმა ჩამოაყალიბა 16 შეკითხვა და დაუგზავნა ადამიანებს, რომლებსაც კავშირი ჰქონდათ ევროპელებთან მცირე კონტაქტის მქონე ხალხთან (Dარწინ, 2000). ამ შეკითხვების მაგალითებია: როგორ გამოიხატება გაოცება, თვალების და პირის გაღებით და წარბების აწევით?~ ან როდესაც ადამიანი სხვას ესხმის თავს აგრესიულად, მისი აგრესიის ობიექტის მხარეს ზედა ტუჩის კიდეს ზევით სწევს?~.

Question 39

რომელი კვლევა ითვლება ყველაზე მნიშვნელოვან კვლევად, რომელიც მიმიკური გამოხატულების უნივერსალურობის ჰიპოთეზის შესამოწმებლად ჩატარდა ?

Answer 39

ეკმანის და ფრიზენის ე.წ. `ფორეს კვლევა~ (1971).

Question 40

ფორეს კვლევის მეთოდი:

Answer 40

ამ კვლევაში ზრდასრულებსა და ბავშვებს აწვდიდნენ სამ ფოტოს, რომელზეც ემოციის გამომხატველი სახე იყო გამოსახული. ცდისპირებს მათთვის ემოციური სიტუაციის მოკლე აღწერა უნდა მიესადაგებინათ. სიტუაციის აღწერა ფორეს ენაზე გადათარგმნეს, შემდეგ უკან გადმოთარგმნეს, რათა დარწმუნებულიყვნენ რომ საქმე მსგავს ემოციურ მნიშვნელობებთან ჰქონდათ.

Question 41

ფორეს კვლევის შედეგები:

Answer 41

მიღებულ იქნა შემდეგი შედეგი: შიშის გარდა ყველა ბაზისური ემოციის ამოცნობის ხარისხი იყო 64%-100%მდე, მათი უმრავლესობა ზედა დონეს უახლოვდებოდა. შიში ხშირად ერეოდათ გაოცებაში. ეკმანი და ფრიზენი აღნიშნავდნენ, რომ მართალია ფორეს წარმომადგენლებს შეეძლოთ შიშისა და გაოცების ამსახველი ფოტოების ერთმანეთისაგან გარჩევა, მაგრამ განცდისეულად ეს ორი ემოცია ძალიან ახლოს იყო მათთვის ერთმანეთთან. შემდეგ ეტაპზე ეკმანმა და ფრიზენმა ფორელების მიერ გამოსახული ემოციის ფოტოები ამერიკელ კოლეჯის სტუდენტებს აჩვენეს. ეს ექსპერიმენტიც ანალოგიური შედეგით დამთავრდა.

Question 42

ამოცნობის ყველაზე დაბალი დონეა…

Answer 42

60% და იაპონიაში ზიზღის ამოცნობას ეხება.

Question 43

რა უნდა გავაკეთოთ, რათა ჩვენი კვლევა იყოს განსხვავებების მიმართ მგრძნობიარე ბილისა და რასელის მიხედვით?

Answer 43

1. ცდისპირებს უნდა მიეწოდებოდეს ერთიდაიგივე სასტიმულე მასალა და ფოტოზე ასახული სახეები საკვლევი ემოციის ვალიდური უნდა იყოს.
2. სტიმულზე გამოსახული თითოეული ადამიანი მასალის მიწოდების რიგში მხოლოდ ერთხელ უნდა იყოს წარდგენილი, რათა თავიდან ავიცილოთ ან მინიმუმამდე დავიყვანოთ ისეთი გავლენის შესაძლებლობა შეფასებაზე, როგორიცაა მაგალითად, ამ ადამიანის ფიზიონომიურ თავისებურებები.
3. განსაკუთრებით მნიშვნელოვანია სასტიმულე მასალაში სხვადასხვა რასის ან კულტურის წარმომადგენლების გამოყენება, რათა ფოტოებზე მხოლოდ თეთრკანიანი ამერიკელები არ იყვნენ გამოსახულნი.

Question 44

რა შედეგები მიიღო ბილმა ემოციების კულტურული განსხვავებების შესწავლის დროს?

Answer 44

• სიხარულისა~ და გაოცების~ შემთხვევაში არ დადასტურდა განსხვავება დასავლურ და არადასავლურ კულტურებს შორის.
• არადასვლური კულტურის წარმომადგენლები ოთხივე ტიპის სასტიმულე პირთან `სიძულვილის~ ემოციის იდენტიფიკაციას უკეთ ახერხებდნენ.
• დასვლური კულტურის წარმომადგენლები ბრაზის (ოთხიდან სამ შემთხვევაში), ზიზღის (ოთხიდან სამ შემთხვევაში), შიშისა და მწუხარების (ოთხივე შემთხვევაში) ემოციების ამოცნობას უკეთ ახერხებდნენ.

Question 45

რა დადასტურდა ემოციების ამოცნობას შორის კულტურული განსხვავებების კვლევებში?

Answer 45

ამრიგად, დადგინდა, რომ აღნიშნულ კვლევაში ემოციის გამომხატველი სახეების ამოცნობის სიხშირე შემთხვევითს აღემატება და არსებობს გარკვეული განსხვავებები ეროვნებებს შორის. (თუმცა, ეს განსხვავებები უმნიშვნელოა და ამოცნობის დონე შემთხვევითი ამოცნობის დონემდე არ ჩამოდის).

Question 46

კულტურული უნივერსალურობა ემოციის ხმოვან გამოხატვის შესახებ კვლევა, შედეგი

Answer 46

შერერის, ბანსესა და ვალბოტის კვლევა - ემოციურად ნეიტრალური წინადებები და ემოციური ინტონაცია - მსგავსია ემოციების არევის მატრიცები ყველა ქვეყნისთვის, ანუ შეცდომების სტრუქტურა იმდენად მსგავსია, რომ ეს მონაცემიც სხვადასხვა კულტურაში აღქმის პროცესების მსგავსებაზე მიუთითებს.