Diponagalo Tsa Poko

Question 1

Tlhatlhagano

Answer 1

Tlhatlagano e tlhagelela ka mekgwa e le meraro:

•Tlhatlhagano ya mafoko – Ke fa mela e mebedi kgotsa go feta e e latelanang e na le
mafoko a a tshwanang.

Sekao: Aforikaborwa yo mošwa
Tlaya ka kgomotso
Tlaya ka kagiso

•Tlhatlhagano ya bokao – Ke fa mela e mebedi kgotsa go feta e e latelanang e na le bokao jo bo tshwanang.

Sekao: Lerebana wa letlaleanya
Ke batla go duma sekgwanyape
Ke batla go duma jaaka pula ya dikgadima

•Tlhatlhagano ya popego – Ke fa mela e mebedi kgotsa go feta e e latelanang e bopilwe ka dipopipolelo tse di tshwanang.

Sekao: Tlhaolele
Bangwe ba re o tlile ka Maesemane
Bangwe ba re o tlile ka MaAferikanere

Question 2

Tshekagano

Answer 2

Ke fa mela e mebedi e na le dikarolo di le nne tse di nang le bokao jo bo tshwanang kgotsa dikarolo tse, di na le mafoko a a tshwanang.

Sekao: Madubedube a 1939
Ga twe go thata,, kgomo e tsentse tlhako kgamelong
Thamo ya phala khibidu; ga twe go dubegile

Question 3

Neeletsano

Answer 3

Ke fa lefoko la bofelo mo moleng o o fa godimo le simolola molatheto kana mola o o latelang.

Sekao: Tumelo
Go leba mogale mmoi a nyerega marapo
Marapo a bone a aga a kgabisitse naga

Question 4

Enjambamente

Answer 4

Ke fa mela e mebedi kgotsa go feta e salana morago go se na letshwao la puiso.

Sekao: Tlhaolele
Bantsho bone ba re ga ba na seabe ka ena Ka a tsaletswe go ba kgobola mekwatla.

Question 5

Mmoelelo

Answer 5

Ke fa mafoko kgotsa dikapolelo mo tshimologong kgotsa mo bokhutlong jwa temana nngwe le nngwe di boeletswa gagwe le gape.
Sekao: Aforikaborwa yo mošwa
O tsholeditse maikutlo a batho sešweng,
Wena kgarejana e mabono mantle.
Bontle jwa gago bo itshupa mekgatšheng le dithabeng Kana o tshekeditswe ke a magolo mawatle
Melapo ya gago thekana le tsenyang banna letshoromo Dikgweng tshedi di tshela ka kagiso
Kana mo go wena ga re itse dithoromo
Di tlholwa ke rona batho dipogiso.
Aforikaborwa yo mošwa, Tlaya ka kgomotso, Tlaya ka kagiso.
Segajaaja se tla khutla leng metseng?
‘Rumo le tla emisa leng go ja nama ya motho? Kgogomodumo e metsang ditšhaba magaeng, Botho bo ile kokomaneng tsa motho,
Yo o re tlogeletseng boswa jwa boammaruri. Mabolelelaruri fa ntwa kgolo e le ya molomo. Bana ba fetogile dikhutsana e le ruri,
Basadi botlholagadi ba bo abetswe ke lerumo, Moeng go goroga go lelwe sa masetlapelo.
Ka o itlhoma a lerile ona matlhotlhapelo.
Aforikaborwa yo mošwa, Tlaya ka kgothatso, Tlaya ka kagiso.

Question 6

Poeletsomodumo

Answer 6

Ke fa ditumammogo kgotsa ditumanosi tse di tshwanang mo mafokong a a bopileng polelo, di boelela gangwe le gape.

Sekao:Lerebana wa letlaleanya
Ke kwa Botswana kwa Kgalagadi

Question 7

Poeletsomafoko

Answer 7

Ke fa mafoko a a tshwanang mo moleng a boeletswa.

Sekao: Thulamotse
Ke yole, o lebile ga molebelebe

Question 8

Tlogelo

Answer 8

Ke fa go tlogetswe tlhogo ya lefoko, noko, tumanosi kgotsa tumammogo.

Sekao: Botsofe
Ditikanyi tsa koko la bannana,
Thaka tsa morwakgosikgolo re ile,

Question 9

Sesura

Answer 9

Ke fa molatheto o kgaogantswe ka dikarolo di le pedi, mme e
bontshwa ka letshwaopuiso la phegelwana kgotsa phegelwanakhutlo. Karolo ya ntlha e gatelela karolo ya bobedi.

Sekao:Madubedube a 1939
Ga twe go thata, kgomo e tsentse tlhako kgamelong Thamo ya phala khibidu; ga twe go dubegile