Conceptos clave orientación e atención á diversidade

Question 1

Cal é a estrutura do Informe psicopedagóxico?

Answer 1

O informe é o documento que recolle as conclusións do proceso de avaliación psicopedagóxica, e que inclúe:

• Situación evolutiva e educativa do alumno/a
• Concreción das necesidades educativas
• Orientacións curriculares
• Proposta de escolarización
• Determinación das axudas necesarias
• Procedemento para a revisión e/ou actualización do informe

Incorporarase no expediente do alumno un resumo do máis relevante

A família terá dereito a unha cópia do informe

Question 2

Estrutura do Ditame de escolarización

Answer 2

• Conclusións da avaliación psicopedagóxica
• Orientacións sobre a proposta curricular axeitada ás necesidades do alumno/a e de ser o caso recursos persoais e materiais necesarios
• Proposta razoada de escolarización
• Opinión da familia respecto da medida

Question 3

Cando se necesita realizar ditame de escolarización

Answer 3

• Solicitude de nova incorporación ao sistema educativo dun neno/a con NEE, e previsión de que vaia necesitar axudas
• Necesidade de solicitar un cambio na modalidade de escolarización
• Solicitude de provisión de recursos específicos concretos de difícil xeneralización

Question 4

Avaliación psicopedagóxica

Answer 4

Proceso sistemático de recollida, análise e valoración da información relevante do alumnado, do seu contexto escolar e da contorna familiar.
Ten por finalidade identificar as necesidades educativas que poida presentar o alumnado e poder fundamentar as correspondentes propostas e decisións.
Os resultados e conclusións recolleranse nun informe psicopedagóxico

Question 5

Procedemento de escolarización de alumnado con NEE

Answer 5

1. A familia solicita a admisión nun centro á dirección do mesmo.
2. Dirección do centro solicita ao DO (ou ao EOE se non estaba escolarizado antes) a avaliación psicopedagóxica e o ditame.
3. O DO/EOE realiza a avaliación, e informa á familia dos resultados desta e os servizos educativos da zona.
4. Trasládase o Ditame á Inspección, que o eleva á Xefatura Territorial.
5. Xefatura Territorial notifica a decisión á Dirección do centro, que informa á familia.

Question 6

Adaptación Curricular

Answer 6

É unha modificación dun ou máis elementos prescritivos do currículo como son os obxectivos, contidos, competencias, criterios de avaliación e estándares de aprendizaxe.
O referente serán os obxectivos xerais da etapa.
Precisan autorización de Inspección.
Antes aplicaranse medidas ordinarias.
Deseñaas o profesor da materia coa colaboración e asesoramento do DO.
Duración mínima dun curso, segundo o D 229/2011
Principalmente na ESO, A Orde do 6/10/95 tamén as contempla en educación infantil, bacharelato e formación profesional, aínda que en realidade non se realizan practicamente.

Question 7

Proceso de elaboración das AC

Answer 7

1. Avaliación psicopedagóxica, recollendo datos relevantes da situación sociofamiliar do alumno e do proceso de aprendizaxe.
2. Reunión coordinada pola XE entre o profesorado das áreas a adaptar, o PT, a persoa titora e o xefe do DO, na que se decide a pertinencia da AC e os elementos a adaptar.
3. Elaboración da AC nas áreas e materias acordadas.
4. Elaboración do DIAC.
5. Solicitude de autorización a Inspección.

Question 8

DIAC

Answer 8

Informe que elabora o profesor dunha materia en colaboración co xefe do DO para solicitar unha AC. Incluirá:
Datos persoais 
Datos físicos e de Saúde
Datos psicosociais relevantes
Datos do contorno sociofamiliar
Datos do contorno escolar
Datos pedagóxicos: áreas adaptadas, recursos e planificación do seguimiento da AC.
Profesionais participantes.

Question 9

Organización da Orientación

Answer 9

Servizos internos ( departamentos de orientación)

Servizos externos (EOE, CFR, CAFI, CRE)

Question 10

Que é o Consello Orientador

Answer 10

Ao final de cada curso a persoa titora elaborará un documento para entregar ás familias, no que se incluirá o logro dos obxectivos das ensinanzas e da etapa e o grao de adquisición das competencias, no que se proporá o itinerario máis axeitado para o alumno/a e, no seu caso, a proposta de incorporación a un PMAR ou ciclo de FPB. O consello incluirase no expediente académico.

Question 11

Mediación

Answer 11

No artigo 26 do Decreto 8/2015 defínese a mediación como unha estratexia de intervención imparcial para a resolución de conflitos, na que unha terceira persoa axuda as partes implicadas a alcanzar un acordo satisfactorio para ambas as dúas.

Question 12

Programa de mediación

Answer 12

1. Constitución do equipo coordinador e/ou mediador.
2. Definición de recursos e condicións.
3. Deseño básico do programa. Proceso e efectos da mediación.
4. Inserción do programa no plan de convivencia.
5. Sensibilización e difusión.
6. Actuacións formativas.
7. Posta en marcha do programa.
8. Avaliación do programa.

Question 13

Compromiso educativo pola convivencia

Answer 13

En todos os casos de conductas contrarias á convivencia, incluso cuando non se chegue a conciliación por non aceptarse as disculpas pola persoa ou persoas perxudicadas, poderá suspenderse a aplicación das medidas correctoras adoptadas se a alumna ou alumno correxida/o ou, no seu caso, a familia, firma un compromiso educativo para a convivencia.
Nun compromiso educativo para a convivencia deberá figurar de forma clara e detallada a que se compromete a alumna/o ou a familia,e ás actuacións de formación para a convivencia, prevención e de modificación de conductas, que se comprometen a levar a cabo, persoalmente ou mediante a intervención de institucións , centros docentes ou persoas adecuadas. Igualmente, deberán constar os mecanismos de comunicación e coordinación co centro.

Question 14

Principios da atención á diversidade

Answer 14

Normalización 
Inclusión 
Equidade 
Igualdade de oportunidades e non discriminación
Flexibilidade e accesibilidade
Interculturalidade e promoción da convivencia 
Autonomía dos centros
Participación da Comunidade educativa

Question 15

Obxectivo do D 229/2011

Answer 15

Regular a atención á diversidade do alumnado, coa finalidade de facilitar o desenvolvemento persoal e social do alumnado e o seu potencial de aprendizaxe, facilitándolles a adquisición das competencias e a consecución dos obxectivos xerais previstos nas ensinanzas LOE

Question 16

Atención á diversidade

Answer 16

Conxunto de medidas e accións que teñen como finalidade adecuar a resposta educativa ás diferentes características e necesidades, ritmos e estilos de aprendizaxe, motivacións, intereses e situacións sociais e culturais de todo o alumnado

Question 17

Medidas de atención á diversidade

Answer 17

Actuacións, estratexias e/ou programas destinados a proporcionar unha resposta axustada ás necesidades educativas do alumnado. Poderán ser ordinarias ou extraordinarias, e estarán recollidas no PXAD e nas suas concrecións

Question 18

MAD ordinarias

Answer 18

Todas aquelas que faciliten a adecuación do currículo prescritivo sen alteración significativa dos seus obxectivos, contidos e criterios de avaliación ao contexto sociocultural dos centros educativos e as características do alumnado. A finalidade é dar resposta ás diferenzas en competencia curricular, motivación, intereses, relación social, estratexias, estilos e ritmos de aprendizaxe, e buscan facilitar a consecución dos obxectivos e competencias das diferentes ensinanzas

Question 19

MAD extraordinarias

Answer 19

Todas aquelas dirixidas á dar resposta ás necessidades educativas do alumnado con neae que podem requerir modificacións significativas do currículo ordinario e/ou supoñer cambios esenciais no ámbito organizativo, así como nos elementos de acceso ao currículo ou na modalidade de escolarización.
Aplicaranse unha vez esgotadas as MAD ordinarias ou por resultar estas insuficientes
Precisan autorización

Question 20

Estrutura do PXAD

Answer 20

Xustificacion baseada no contexto
Identificación e valoración de necesidades
Determinación dos obxectivos
Descrición das actuacións, medidas e/ou programas para a atención á diversidade
Determinación dos critérios para a organización e distribución dos recursos e aplicación das medidas propostas
Concreción das actuacións dos distintos profesionais en relación coas medidas deseñadas para o centro
Mecanismos de coordinación e colaboración internos, así como con outras etapas educativas e cos centros adscritos ou de adscrición
Canles de colaboración coas famílias e servizos externos ao centro
Protocolos para a solicitude e/ou autorización de medidas extraordinarias
Procesos de seguimento, avaliación e mellora do plan

Question 21

Deseño universal de aprendizaxe

Answer 21

Proceso polo cal un programa de estudos está deseñado dende o principio, intencional e sistematicamente, para satisfacer as diferenzas individuais, reducindo ou eliminando as barreiras que calquera discente poida experimentar para acceder, participar e aprender no marco das experiencias de aprendizaxe comúns para todo o alumnado CAST (2008). Universal design for learning version 1.0. Wakefield, MA: CAST
Paradigma que favorece a eliminación de barreiras sensoriais, físicas, afectivas e cognitivas para o acceso, aprendizaxe e participación do alumnado. Considera que a diversidade é a norma e non a excepción e que existen “contornos discapacitantes” non “persoas discapacitadas”. Entende que non hai unha maneira única de aprender e que todos os alumnos e as alumnas poden aprender conxuntamente. Fundaméntase en tres principios básicos: Proporcionar múltiples formas de representación, de acción e de expresión e de motivación e implicación.

Question 22

Especialistas do EOE

Answer 22

Especialista en Audición e Linguaxe
Especialista en Discapacidade Sensorial
Especialista en Discapacidade Motórica
Especialista en Trastornos Xeneralizados do Desenvolvemento
Especialista en Trastornos de Conduta
Especialista en Altas Capacidades
Especialista en Orientación Vocacional
Educador ou Traballador Social

Question 23

Orientación

Answer 23

Na Circular 10/2010 a orientación defínese como un medio necesario para o logro dunha formación personalizada que propicie unha educación integral en coñecementos, destrezas e valores.

Question 24

Definición do PXAD

Answer 24

Documento do que se artella a atención á diversidade. Nel recolleranse e concretaranse todas as actuacións e medidas de atención á diversidade que un centro educativo deseña e desenvolve para adecuar a resposta educativa ás necesidades do seu alumnado

Question 25

Plan de Convivencia

Answer 25

É o documento no que se artella a convivencia escolar, que garante unha educación no exercicio dos dereitos e das liberdades dentro dos principios democráticos da convivencia, así como na prevención de conflitos e na súa resolución pacífica

Question 26

TEA (segundo o protocolo)

Answer 26

Deficiencias persistentes na comunicación social e na interacción social en diversos contextos.
Patróns restrictivos e repetitivos de comportamento, intereses ou actividades.
Os síntomas deben estar presentes nas primeiras fases do desenvolvemento.

Question 27

TDAH (segundo o protocolo)

Answer 27

Patrón persistente de conduta de desatención, hiperactividade e impulsividade que comeza a manifestarse ao longo da infancia e que inflúe negativamente no funcionamento e no desenvolvemento das nenas nenos e adolescentes afectados.

Question 28

Discapacidade Auditiva (segundo protocolo)

Answer 28

Dificultade que presentan algunhas persoas para participar en actividades propias da vida cotiá, que xorde como consecuencia da interacción entre unos dificultade específica para percibir os sons a través da audición e ás barreiras presentes no contexto no que se desenvolve a persoa

Question 29

Discapacidade Intelectual (segundo protocolo)

Answer 29

Comeza no período de desenvolvemento e inclúe limitacións no funcionamento intelectual e no comportamento adaptativo nos dominios conceptual, social e práctico

Question 32

Dislexia (segundo protocolo)

Answer 32

Patrón de dificultades de aprendizaxe que se caracteriza por problemas co recoñecemento de palabras en forma precisa ou fluída, deletrear mal e pouca capacidades ortográfica.

Question 33

Discalculia (segundo protocolo)

Answer 33

Patrón de dificultades que se caracteriza por problemas de procesamento da información numérica, aprendizaxe de operacións aritméticas e cálculo correcto ou fluído.

Question 34

Trastorno específico de aprendizaxe, con dificultades na lectura (segundo protocolo)

Answer 34

Se despois dos dous primeiros anos da educación primaria se segue observando falta de precisión na lectura de palabras, lentitude ou escasa fluidez da lectura e/ou dificultades de comprensión

Question 35

Trastorno específico de aprendizaxe, con dificultades na expresión escrita (protocolo)

Answer 35

Se despois dos dous primeros anos de escolaridade, e con gran esforzo, continúa presentando erros ortográficos, dificultades gramaticais e/ou problemas coa claridade ou organización da expresión escrita.

Question 36

Alumnado con Necesidade Específica de Apoio Educativo (LomLoe)

Answer 36

Aquel que requira unha atención educativa diferente á ordinaria por presentar necesidades educativas especiais, atraso madurativo, por trastorno de aprendizaxe ou atención, por trastornos da linguaxe e a comunicación, por descoñecemento grave da Lingua de ensino, por situación de vulnerabilidade socioeducativa, polas súas altas capacidades intelectuais, por terse incorporado tarde ao sistema educativo ou por condicións persoais ou de historia escolar

Question 37

Trastorno específico da aprendizaxe con dificultades matemáticas (protocolo)

Answer 37

Dificultades para dominar o sentido numérico, cústalle memorizar as operacións aritméticas, pérdese na realización do cálculo aritmético e falla no razoamento matemático

Question 38

Altas Capacidades Intelectuais (segundo protocolo)

Answer 38

Capacidade intelectual superior
Alto grao de dedicación á tarefa
Altos niveis de creatividade